ازرعك لهفة ويجنونك // والناس من حولنا تشهد

[مها الحسن]

منكم السموحة واقبلوها بمافيها من عيوب وعذاريب
وصباحكم شعري وهذي مداعبة للمحبين ومحبيهم


[poem=font="Simplified Arabic,7,deeppink,bold,normal" bkcolor="darkblue" bkimage="" border="outset,10,firebrick" type=2 line=0 align=center use=ex num="0,black"]
ياهيه ارفق بمفتونك = هلّت دموعه وذاب الخد
والعقل صابر على جنونك = حظي معك دايمٍ اقرد
لاجا رسالة ولا شلونك= ياهيه اركد وانا بركد
سالي وناسي ولعيونك = اكتب لك القاف بالابجد
شفت البشر كلّهم دونك=لاشاقني خالد أو أحمد
انت همومي وانا بدونك = اصير شوك ومعه غرقد
ازرعك لهفة و يجنونك = الناس من حولنا تشهد
القلب تغرس به طعونك= قاسي وتقسى ولك نسهد
الروح ذابت ومظنونك = طيحت سدّه وليته سد
واليوم لاشاقنا لونك = الشوق بارد وانا ابرد
ياهيه ماصرت مفتونك =الزهر ازهر وزان الخد[/poem]

عاد اللي اسمه خالد ولا احمد لايزعل هي سوالف شعرية لاتروح ولاتجي :واو:

[جواهر عبدالله]

انت همومي وانا بدونك
اصير شوك ومعه غرقد

تكرمين عن الغرقد ..

وصح لسانك يا شاعرة المحاورة ولا هنتِ

تقبلي مروري .

[مها الحسن]

تسلمين يالغلا ويكرم حضورك وتشجيعك لي عساني مانحرم منه

[محمد نايف العتيبي]

الشاعره القديره : شاعره محاوره
صح لسااااانك ولاهنتي

ابيات على بحر رائع وجميله

ولي ملاحضه بسيطه ربما الغلط مني في بيتك هنا قلتي :

انت همومي وانا بدونك
اصير شوك ومعه غرقد


اعتقد ان فيه ثقل بسيط


تقبليها بسعه صدر



دمــتـــي بخــيــر



محمد العتيبي

[أبوعبدالرحمن]

انت همومي وانا بدونـك
اصير شوك ومعه غرقـد
ازرعك لهفة و يجنونـك
الناس من حولنا تشهـد
القلب تغرس به طعونـك
قاسي وتقسى ولك نسهد
الروح ذابت ومظنونـك
طيحت سدّه وليتـه سـد


رائعه يا شاعرة المحاورة


وقافة جميلة وتمكن واضح

صح قلبك وكلك

وسلمت اناملك

وسننتظر قلمك من الان

تحتي لك

[نياف العتيبي]

شاعرة المحاوره

صح لساانك

ولاهنتتتتتي

ورااااائعه حرف وبحر وخفيفه على القلب مثل شاعرتنا


بالنسبه لملاحظة اخوي محمد

انت اتت بداية الكلام والمفروض كان هناك فتحه لايضاح نطقها لتصبح انتَ

او اضفتي لها الضمير الهاء انته ولايوجد ثقل بالبيت اذا نطقت باحدى الصفتين

سلامي لك

النااااااايف

[دفا المشاعر]

أختي الشاعرة الرائعة القديرة /

،,، شاعرة محاورة ,،,

صح لسانك ونبضك وكلك يالغالية

وبيّض الله وجهك

أبيات سلسة وخفيفة وجميلة وأنيقة ،,،

رررائعة



لا عدمنا جديد شعرك العطر و الرائع

صافي الود والتقدير

[نايفة شمر]

والعقل صابر على جنونك
حظي معك دايـمٍ اقـرد
لاجا رسالة ولا شلونـك
ياهيه اركد وانـا بركـد



صح لسانك مليوون ولا يكفوون

واول الغيث نهر


الزعيمة

[محمد الروقي]

صح لساااااااااااااااااانك

كفشتك ونا حبيليص ههههههههههه

انت همومي وانا بدونك


ونشا الله ماتشوفين هم يالمشاغبيه

تقبلي

تقديري

[خــــالـــــد]

[align=center]
شاعرة محاورة
ـــــــــــــــــــــــــ ــــــ
تسلم يمينك أختي

ولا عدمناك

قصيدة جميلة

وننتظر حديدك القااادم
ـــــــــــــــــــــــــ ــــــ
أخوكـ/خالد
[/align]

[منصور الثبيتي]

صح لساااانك اختي كلمات جميلة .دمتي بخير .

[فالح المصعوك الغنّامي]

صح لسااااانك شاعرة محاوره

راائعه وحضور جميل

احتراماتي

[أمل عبدالعزيز]

,
,
,
الشاعرة العذبة شاعرة محاورة/


واليوم تأتين لنا بجزلة وراقية وبحر عذب للغاية
صح قلبك وكلك
وبصدق قصيدة تقتبس كلها
ويبدو أنك عنيفة حتى في حبك :هاها:

.
.
وبالنسبة للبيت أو موضع الخلاف فتعقيب نياف العتيبي سليم مئة بالمئة .
.
.
تحيتي للكل..
.

[احمد مناحي]

شاعرة محاوره

هلا بك وغلا

خالد براحته لايزعل اما انا زعلان واحتج بقوه وارفع مذكره احتجاج الى مجلس الامن الدولي .

بعدين ترى البيت كذا مب حلو

شفت البشر كلّهم دونـك
لاشاقني خالد أو أحمـد

انا اقول خليهم خالد ومسعد او خالد ومرشد يكون احسن ولا شرايك ...

لاتصدقين امزح معاك ..

صح لسانك على هالهجينيه العذبه والجميله

اصفق لك بقوه شاعره متمكنه وحضورك رائع لاعدمناك

تقبلي مروري

[طيف]

صح لســـــــانك شاعرنا

وتسلمـ أنــــــاملك

يعطيك العافيه