[poem=font="Simplified Arabic,5,darkblue,bold,normal" bkcolor="transparent" bkimage="backgrounds/1.gif" border="double,4,gray" type=0 line=1 align=center use=ex num="0,black"]
اليوم ابحكي للملا بعـض الاسـرار=عن وقتنا اللي شب في الخلق نـاره
شريت لي ارضـاً وكثـرت الامتـار=ارضاً عليها حـوش عالـي جـداره
وُدي ابتني وارتاح من هـم الايجـار=لكن حظـي منهمـك فـي انحـداره
صدفه بلا ميعاد قابلة لي جار=والجار دايـم يستمـع شـور جـاره
قال انت ماتابعت وش جا في الاخبار=فيهـا خبـر قاسـي ثقيـلاً عيـاره
سعر الحديـد الاولـي يافهـد طـار=واليـوم ماتقـدر تسـوي عـمـاره
إرجع وبيع الارض واسمع للاشـوار=وادخل مع اهل العلم واهل الحضـاره
في سوق الاسهم مع طويلين الاعمار=اللي يعرفـون الفلـك فـي مـداره
في كـل يومـاً تربـح الفيـن دولار=يمكن تزيد ان كنت راعـي شطـاره
وارجع وبيع الارض من بعد الانـذار=وادخل على سوقاً بسطنـي خضـاره
واقضي نهاري في هواجيس وافكـار=في صالة الاسهـم مسنتـر خفـاره
واسبوع واحد بس والسـوق ينهـار=وانهار مشروعي في وقت انهيـاره
قالوا في بنك الراجحي قرض جبـار=واللـي يقـدم يستلـم فـي نهـاره
فرصه ثمينـه تُنتهزعنـد الاحـرار=هـذا التعـب لابـد تجنـي ثمـاره
واخذت لي قرضاً وانا منـه محتـار=اخاف كسـراً مايجـي لـه جبـاره
وارجع لسوق الحظ الاقشر والاعصار=واللـون الاحمـر ماتغيـر حمـاره
ثمَ اندمر من بعـد ينسـاب واعمـار=هـذا الدمـار اللـي دفنـي غبـاره
واطلع وانا قلبي على الغبـن صبـار=واحس في كبـدي لهيـب الحـراره
قلت اشتري هالحين تفـاح وخيـار=واثر الغلا في السوق رافـع شعـاره
صار الغلا جيشاً له اخيـول واغبـار=من كل صوب يشن حملـه وغـاره
لاواللّـه الا اسواقنـا ولعـت نــار=والـرز سعـره مستحـل الصـداره
في كل شيـاً زودوا رقـم الاسعـار=وين انت عنهـم ياوزيـر التجـاره
لو يستمر الوضع تدرون وش صـار=الشعـب ابعطيكـم نهايـة مـسـاره
النصف الاول يتجـه عنبـر اشهـار=من كثر ماذاق القهـر والمـراره
واللي بقي يأخذ صغيريـن الاعمـار=يشحذ بهم في كـل شـارع وحـاره
تكفى يابو متعب لهـم لـد الانظـار=انت الزعيم اللـي يـزف البشـاره
الشعب يرجي نظـرة القائـد البـار=اللـي ليـا قـرر ينـفـذ قــراره
قلتـه وبرجـع للقصائـد والاشعـار=وان ماحصل مكسب فلابـه خسـاره
شريت لي مكتب معـه كرسـي دوار=واخذت لي حاسب وشاشـه وفـاره
زوداً علـى لوحـة مفاتيـح بـزرار=والطابعـه للطبـع رهـن الإشـاره
الله يازين القصائـد والاشعـار=إن ماحصل مكسـب فلابـه خسـاره [/poem]
رد مع اقتباس
-new.gif)
المشاركة الأصلية كتبت بواسطة معيوف الدوسري
