(((بسم الله الرحمن الرحيم)))
مساء/صباح الخير والإيمان
وكل عام وانتم إلى الله أقرب
وان شاء الله انكم بأتم صحه وعافيه
.
قصيده عن وضع الساحه الشعبيه هالأيام
عسى الله يعدلها وأن لا يبغي الغث على السمين .!
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الساحه تشابه قنوات الأخبار=أخبارهم فالصبح مثل العشيه
واذا تبون الصدق في بعض الأمرار=يجي خبر عاجل ولا فيه زيه
لكن خبر واحد ولا فيه تكرار=نبطي فْساحتنا ما شفنا حليه
والأغلبيه دون تجريح وإشهار=مثل الشداد اللي بليا مطيه
عك وعجن وصياح وهياط شعار=والواسطه تمشي عليك وعليه
شاعر يقول إنه يقال إله حمار=وشاعر يبي يعرس ويشحذ عطيه
وشاعر شرى شعره وشاعر ياستّار=عشان ينشر غيّر أسمه بنيه
وشاعر يبيع الشعر والنافع الضار=انه يخاف اْمن الفقر والمنيه
وشعار ثيراناً وشعار ثوار=من سمعهم يقول ركبوا عبيه
أقوالهم تُفرح وأفعالهم عار=في مجتمع مليان بالفوضويه
لكنّ من باب التباين فالأفكار=إلـ كل شاعر فالقصيد أبجديه
من بيئته يستنبط أفكار الأشعار=وتفرق حسب تفكيره الأولويه
أحدٍ يبي شهره وبنت وتونكار=وأحدٍ يبي يُوصل رسالة نبيه
وأحدٍ يبي يبني على فكره جدار=وأحدٍ يبي ياصل إلى العالميه
والشعر عند اللي يبي يسبر أغوار=عوالمه كنه خطط عسكريه
الشعر إعمال الثقافات وإحضار=الفلسفه والعقل في مزهريه
أزهارها تُسقى من مْياه الأنهار=وأنهارها نبع القلم من يدّيه
الشعر ريشة رسم وأدراك وإبحار=مابين موجات الحروف العتيه
وأحيان كن الشعر باقه من أزهار=أزكى بساتين الهوى العاطفيه
لكنِ هاليومين مع سبق الإصرار=تُطفى قناديل العقول الذكيه
وطفى على سطح اللغه عج وغبار=واللي يفكر صار ماله هويه
سوق الشعر طايح وخايس ومنهار=وأسهم شركات القصيد الأبيه
لو كان ماهي مثل تعمير وإعمار=لكن هوامير الصحافه أذيه
أقلب عن الساحه أبا اشوف الأخبار=يانعنبو رجلٍ ماْعنده حميه
يمكن ضمير الأمه الميت ان ثار=يرسل على ذل العروبه شظيه
تبا الحقيقه قمت ادوّر لي إعذار=لجل أعتزل والشعر ماهو قضيه[/poem]
رد مع اقتباس
المشاركة الأصلية كتبت بواسطة ناصر مطلق البقمي
-new.gif)
