[poem=font="Simplified Arabic,6,darkred,bold,normal" bkcolor="seagreen" bkimage="" border="none,4,gray" type=1 line=0 align=center use=ex num="0,black"]
أول الشهر عفو ومغفره=وآخره عتق من نار الجحيم
بعلن إسلام قافي واشهره=في طريق الصراط المستقيم
لاغزل لاهجا لامسخره= لوني غاوي بأوديته 00وهيم
تصفّد الله واكبر ماصغره=الله أكبر وابليس الرجيم
أبشروا يالوجيه المسفره = أبشروا بالفرج ربك كريم
أمة الدين مجد ومفخره=قادها أحمد على الهدي القويم
يوم عصر الصحابه مدهره=والزعامه للاسلام الزعيم
لين هارون والغيم أمطره=سوف يأتي خارجك والنسيم
لين ماجدبت أرضٍ مزهره =ضاع في الاندلس مجدٍ حطيم
هيه 00ماكثر رماد المقبره=ماكسر كاسها غير النديم
هيه00 وين الحضاره مبهره=من قصور وحدايق والرخيم
هيه 00وين الامام ومنبره=الكنايس وأجراس الذميم
هيه00 وينك صلاح مبعثره=رتّب اوراقنا في أورشليم
خط احمر عجزنا نعبره =والدواير تدوربنا قديم
جفّت اقلامنا في المحبره=كم كتبنا وشطّبنا البهيم
ثالث العالم إحنا وافقره=خيرنا اكثر من الخير العميم
شهرنا صبر ونصر ومغفره =وديننا دين الاسلام السليم[/poem]
رد مع اقتباس
-new.gif)
