يواعد حبيبتة بمحل ابو ريالين .........؟؟؟؟؟؟؟

[•.'Deem'.•]

يا مرحبا .. ..

حياكم الله ...وش اخباركم؟؟؟؟؟؟؟؟؟؟

اعجبتني القصه وحبيت تستمتعون باحداثها التحفه .. هي قصه لشاب يرويها بلسانه ... مع ابو ريالين ومناكير اخته


بخليكم مع احداث القصه بس ابي تعليقاتكم الحلوه ..

*

*

*

امس بعد صلاة العشاء تقريبآ عطتني أختي 25 ريال وقالت جب مناكير لونه موف ... ومن سوء حظ أختي العزيزة إني اليوم مطفر وقلت بلا ماركات بلا هم أروح لمحل أبو ريالين واشتريلها من هناك وتحمد الله وتشكره << الولد مخطط على 23 ريال الي بتبقى..خخخخخخخخخخ

وصلت للمحل وللأسف مالقيت ملبق لسيارتي الا بحدود مشي عشر دقايق رجلية وتفاجئت يوم وصلت للمحل أبو يمن((أحلى تحيه لأخوانا اليمنيين ..)) المهم لقيته واقف بالبوابه ومنعني من الدخول يقول الدخول للعوائل فقط لاحووول حتى محل أبو ريالين صار للعوائل بعد ؟! يابن الحلال كلها دقيقتين بشتري مناكير وابطلع وأبو يمن مافيه امل يوافق وناظرته بعين حارة وقلت والله ماينفع لك الا حركة من حركات الفيصلية وقفت عند الباب لين ماوقف جمس ونزل عشر حريم معهم شنطه بها ترامس شاهي وقهوة ومعهم فراش وعربيه يدفون بها بزر تحلفون بالله إنهم رايحين لستار ستي مهوب محل ابو ريالين ..

مشيت جنب البزر وامه تدفه بالعربية ويوم وصلنا للباب نزلت راسي وبديت ألعب مع البزر إغاااااااء وأناظر أمه وأقوله أنتي جايبتن رضاعته؟ وأبو يمن يقول أيوووه ياخي من الأول جيب أهلك طبعآ مع الربشه وشدة الزحمة ماقدرت الأم تسوي شي وأنا الي اشوف الأم تناظر شنطتها وتناظر راسي تناظر شنطتها وتناظر راسي عاد طلعت ريال وحطيته بعربية البزر عن قولة شكرآ اخاف اقول لها شكرا وتشكرن هي بالشنطة ..>>ابشركم انطبقت الحيله ودخلنا محل ابو ريالين...


أول مادخلت المحل فقدت الاتصال بالعالم الخارجي لأني اول مره اشوف زحمة زي كذه هذي تسحب شماغي؟ وهذي تدف؟ وهذي تقول وخخخر لو سمحت ثم مادري الا وهي شايتتني بووووووز آخر شي قامو يوطوني ؟ توي ادري ان السعوديات جلوووف << وين اللبنانيات عنكم وين <<< مهوب منجلد ابد ...

مشيت بالمحل بعد معاناة وكل من شفته سألته وين احصل قسم المناكير ومشيت لين شفت لي وحده فاتشة ومبوبزة لفت انتباهي المنظر وتعلثمت بهالسؤال بعد ماتنحنحت طبعا لو سمحتي وين القى المناكير فيه؟ وعينك ماتسمع الا يامناحي يامحماس تناديهم ؟! وماتشوفون الا غباري والى ساعة اعداد وكتابه هذا الموضوع وانا ضايقن صدري ودي ادري وش جالسه تسوي ؟
المهم مشيت لين وصلت لمكان مزحوم بالمره حتى شكيت من صراخهم اني بالجمرات مهوب بمحل ابو ريالين هذي تصارخ على ابو يمن وتقوله قايلتلك أبي عشر درازن من دفتر ابو ستين وينها؟ ووحده ثانيه تقول بصوت عالي الله أكبر الله أكبر استغربت انا وقلت اكيد فيها بلى ذي ويوم قربت لها سمعتها تقول توني حاطة بجنبي درزن دفاتر أبو وجه ووجه من اللي أخذه << ماطيحت قلبه ابد
طبعا طلع المكان هذا مخصص للادوات المدرسيه وقتها حمدت ربي وقلت اشوى ان اختي تبي مناكير ماتبي دفاتر


مشيت أدور عن المناكير وفجاة مسكت ايدي عجوز وقالت الله يوفقك ويخليك لميمتك ساعدني باغراضي وصلها للمحاسب قلت لها تامرين امر وحبيت راسها تقدير واحترام ويوم شفت العفش اللي هي مجمعته بزاويه قلت لها والله لو تعطين افغاني 500 ريال ماشالها لك ل------- ابليسها ماخلت شي ماشرته ؟ قالت تعال واعطيك اللي تبي قلت والله لو تقولين لي وين مكان المناكير ماشلتها لك..>>بلاكممممم ماششفتووو حوستهاااا...

المهم مشيت وخليتها لين وصلت لآخر المحل وحصلت قسم مافيه ناس كثير وحصلت لي شاب مرسم يناظر مجموعة ورود اعجبتني رومانسيته وسألته عن المناكير قال انا مشغول استغربت مشغول وحسيت انه مرتبك وبوقتها دق جواله واثرها خويته متواعدين المهم مشى لمها ومشيت وراه لين تقابلوا ويسلم عليها كيفك حياتي؟ وهي بخير ياعووومري وقبل لا يعطيها الورده دخلت بينهم وقلت له لو سمحت ماتدري وين احصل المناكير فيه ؟..>>هههههههههههههههه قوووووة وجهه ابو الاحراااااااااج..

قال تراك اشغلتنا قلت له بس انا مظطر ارجوك ساعدني قال اوكي بس انتظرني بعد شوي لين اجيك رفضت وقلت له انا مستعجل قال خذ 20 ريال واطلع من محل ابو ريالين واشتر من محل غير هذا على باله يبي الفكه قلت له انا أبي عشر علب مناكير مهوب وحده قال مهيب مشكلة خذ 200 بس فكنا خخخخخخخخخخخخخخخ اخذت الفلوس واول رجل هيئه شفته عند الباب خليته يمسكهم متلبسين >>نذاله..ماشفتووو شيء..

ومالقاها الا اختي جبت لها ثلاث علب مناكير من زود الفسقه...........




منقوله...

لا تحرموني من ردودكم الحلوة........

[فوووووشي]

****

والله يصلح عيال وبنات السعوديه مير الانفلات زاد عن حدو

حتى بمحلات بو ريالين ماسلمت:

مشكووره حبيبتي سمااايل ع الموضوع اللي اتمنى بان عيالنا

وبناتنا ما يسمحون بانفسهم للقائات الغير مشرووه


****

[•.'Deem'.•]

هلا بالنور كله ...... هلا بفوشي........

شفتي شلون .............

قلت الاماكن الا ابو ريالين علشان يقابل هالحبيبة .......... <<<<<اكيد انة ولد فقر....... متعود على امة تطول النهار بابو ريالين ............خخخخخخخاخ

تحياتي لك ........

وثانكيو على هالمرور الحلو ..........

[سعود]

صج ماعنده ذوق


مرخص حبيبته وموعدنا في محل ابو ريالين


وش فيها المحلات الغاليه


والا حبيبته رخيصه الى هذا الحد


<<== وده يفتن بينه وبين حبيبته


تسلمين سمايل على هيك قصة جونااااااان


تحية عطرة

[ana-no0ona]

خخخخخخخ من جد مره تضحك ياحبي لها اختك من جد هي الي لقتها ... مره حلو الموضوع

[•.'Deem'.•]

هلا وغلا بسعود..............<<<<<<<<ياحبك للخراب تبغى تفرق بينهم هاه...خخخخاخ........
تلقاهم الحين بمركز الهيئة لله يستر علينا ....... وماعاد عندهم لاحب ولا خرابيط تأدبوا من عقب جرجتهم بجمس الهيئة.............خخخخخخخخخاخ

تحياتي لك .......

وثانكيوعالمرور الناااااااااااااايس..........

[•.'Deem'.•]

هلا أنا نونا ..........

شفتي شلون ماربح بالسالفة اللا هالاخت ............

تحياتي لك ........... ودمت..........

[ندى الحروف]

ههههههههههههههههههههههههه ههههههه قصة جونااااااااااااااااان

انا لو منه و الله ما اشتري عساها ما حطت مناكير الشينه :مزون:

موضوع يستاهل الفايف ستار بجدارة :واو:

يسلمووووووووووووووو

[وجن محمد]

.

المهم مشيت لين وصلت لمكان مزحوم بالمره حتى شكيت من صراخهم اني بالجمرات مهوب بمحل ابو ريالين

ههههههههههههههههههههههههه ههههههههههه :هاها:

ووحده ثانيه تقول بصوت عالي الله أكبر الله أكبر استغربت انا وقلت اكيد فيها بلى ذي

<<<<<<<<<<< انواع الضحك ..



وربي قليلة خمسة نجوووم على هيك موضوع !!

[•.'Deem'.•]

هلا وغلا بندووووووووووووو.......

حرام هي وش ذمبها ..... ذمب اخوة ولد الفقر اللي ما معة الا25 ........

واخيرا صار عندي موضوع ماخذ الفايف ستارز...........<<< ما صدقت الاخت ...خخخخخخخخخخاخ
مشكوووووووووووورة ........

ويعطيك العااافية على المرور النااااااايس

[•.'Deem'.•]

رحيل العمر ........

حياك الله وشرفن مرورك..........

وشهادتك اعتز بة ..........

تحياتي لك.......

[إشراقـ أمل ـة]

اللي قاهرني إن الولد أخذ 200 ريال

يعني دفع 200 ريال لبقاء الحب

وفي الأخير يواعدها عند أبو ريالين

بخل بخل الله لايجعلنا بخيلين ولا أشحاء يارب

مشكوووووووووووووورة سمااااايل على القصة الحلوة .

[محمد الدغيري]

هههههههههههه نقل مميز

ضحكتنا وحنا ندور الضحكه

تسلم

[ملسوـونــه]

ههههههههههههههههههههههههه ههههههههههههـ



ههههههههههههههههههههههههه ههــ

وربي فلهـ هالأخـــو ,,


تحياتي لك سمـــآـآيل:خجل:

[ناصع البياض]

غفر الله لي ولكم