[align=center]السلام عليكم
تحيه لكم جميعاً ..[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
لا تسأليني وش على المر حدني=اللي على المر حدني مثله وامر
اللي لقيته من عذابك سدني=خلي خفوق ٍ من تخليك اندمر
لا تسأليني وش عليه يردني= اللي عليه يردني موت ٍ حمر
اللي عليه يحدني وقت ٍ دني=فيه الشجر ينحر عناقيد الثمر
فاس ٍ من اعذوق النخيل يجدني=ماصدق ان دمعه تحدّر وانهمر
شخص ٍ من انصاف الحلول يعدني=ماعده بوقت الصواديف الكمر
ماهو غريب ان القريب يصدني=كم من قريب ٍ في تجافيه استمر
فيّ الذهب يعكس ( أصالة معدني )=فيك الذهب تحت العذاريب انطمر
لو بالصبر ربي عليك يمدني=غير اسكنك واجعل من انفاسك ممر
شوفي وش اللي من يديك يشدني=شوفي من اللي لا عشق يعشق قمر!!
قومي على نغمة رحيلي دندني=فكي لثامك وارقصي طاب السمر[/poem]
وسلامتكم
شاعر الهيل
7 /8 / 1428 هـ
أحبتي في غرابيل الخير
سوف أغادر الوطن نهاية الأسبوع القادم إنشاء الله , الى جوهانسبيرج
في رحلة ربما تكون أطول مما أتوقع برفقة أخي وصديقي المهندس ثامر البابطين
وهو بالمناسبه من متابعي الغرابيل الدائمين وأحد الثمرات التي جلبها لي الشعر
مع والده الشيخ عبد الخالق البابطين الذي لن أنسى ما حييت موقفه الشهم معي
ومع الجميع ..
أقسم بالله يعز علي الأبتعاد عن الغرابيل وعن الشعر
لكن أن امهلني القدر وعدت فسوف أعود لكم اولاً وثانياً وثالثاً
لأنكم هنا جميعاً جزء لا يتجزأ من ( أهلي وناسي )
وإن لم أعد فتكفيني دعوه بظهر الغيب ربما أكون أحوج ما يكون لها في ذالك الوقت
محبكم / مفتقدكم
فايـــز الحربــــــــــــــــــي
أستودعكم الله