,
,
,
صباحكم عسل أيها الأحبة في هذا الصرح النقي ..
مصافحة من محبتكم أمل...
تعانق بها صباحكم المعطاء وأعينُكم الوفية
.
.
إليكم نبض روحي :
[poem=font="Simplified Arabic,6,silver,bold,normal" bkcolor="transparent" bkimage="backgrounds/21.gif" border="ridge,8,deeppink" type=2 line=0 align=center use=ex num="0,black"]
جبر الخواطر على الله يامعنّيني=يامتعب القلب في روحه وفي جيّه
عواطف الحب منّك ماتكفّيني=دام المشاعر تعيش بداخلي حيّه
هواك يسري بروحي مع شراييني=ياللي وهبت المشاعر كل حنيّه
ياللي عيونك مراسيلي وعناويني=من وين مالدّت عيوني لك النيّه
ومن وين ماراحت الخطوه تودّيني=للذكريات الجميله .. حبنا وغيّه
جهاتي الخمس إنت وكلّ تكويني=لك في ثنايا العمر ألفين ماريّه
لاغبت لحظه يجي طيفك يسلّيني=حتى مع الناس مايتركني شويّه
يطوف بي في بحر ذكراك يرميني=وأتخيّلك يالغلا وايديك في ايديّه
وأسجّ عن عالمي كلّه والاقيني=نسيت كل البشر ذيّه على ذيّه
مافيه عاذل يوّقف بينك وبيني=ولافيه حاسد وأنا اعلنها علانيّه
إنت الوحيد بحياتي وقلبي وعيني=واللي له الروح ماموره ومنهيّه
تامر على قلب أمل ياغالي سنيني=لاقلت ( وينِك ) تجيك الروح جبريّه
أنا دخيلة غلاك وهقوتك فيني=أشواقنا لاتموت اليوم منسيّه
عودتني الوصل لاترجع تخلّيني=والبعد يطوي حنيني طيّه وطيّه
يشعلني الوصل والهجران يطفيني=إن جيت يمّي عروق القلب مرويّه
وجبر الخواطر على الله لو تجافيني=درب الهوى مات لاروحه ولاجيّه[/poem]
.
.
.
أمل بنت عبدالعزيز...