[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الى متى وانا على البين محتار=والدار داري والزري في عباتي
غريبه الدنيا والاغرب بلا دار=وانا الوطن وانتي بقايا رفاتي
كنت اعتقد ان الهوى خلف الاسوار=يابُعد أحلامي 00وكثر امنياتي
أخذّت معاليق الحشا والهوى دار=دارت بي الدنيا وراحت غناتي
مادري وش اللي مابعد صار ماصار=مادري وش اللي كان 0ماكان00 ياتي
بخنق نفس واحيا بلا أي تذكار=يا تؤمة روحي 00بلملم شتاتي
بحاول التحرير واستعبد احرار=بنسف تجارب عمر والعود ذاتي
يا علني القاني بضيعة اسفار=ولاّ أضيع برحلتي والشتاتي
والموجز اكبر من دواوين الاشعار=قافي ابوهم والقصايد بناتي
طب وتخير 00إيه بطب و اختار=ماهو على كيفك تحاتي ،واحاتي
الفلسفه ماهي مرض علم الاحبار=وانا ابرمجها على معطياتي
الجهل نعمه جاهل وبعض الاغرار=والعلم يشقابه حبر في دواتي
واللي بعد همهم تفاصيل الاخبار=نفس الأبي تبقى من ابرز صفاتي
كافي تعب كافي عتب كافي اعذار=كافي ندم كافي الم يا حياتي
برمي جسد باقيك ماباقي اسرار=يحسن عزاك إن مت هذي وصاتي[/poem]
رد مع اقتباس
-new.gif)
