[align=center][poem=font="Simplified Arabic,5,darkred,bold,italic" bkcolor="transparent" bkimage="" border="double,5,darkblue" type=1 line=1 align=center use=ex num="0,black"]
انا على حطة يدينك ولاني بخير = أصارع اهموم نفسي واكثر احزانها
انك مشيت وتركت الهم فاقصى الضمير = من بعد رفت طيور الحب جنحانها
اخذت عهد الوفاء وامسيت طرفي سهير = ونفسي تضاعف بعد صداتك ادمانها
عليك تاخذني الذكرى وطول المسير = اذكر رغد جنتك واتعب على شانها
لو انك اشقيت عيني فالزمان الاخير = تذرف دموع الغرام وشمت عدوانها
لكن يبقى غرامك في ضميري كبير = هذي حقيقه وهذا بس عنوانها
ولو ان كشف الحقايق مايفيد الضرير = لكن اباقولها وارجح بميزانها
النفس ماعنك تصبر ..مير ساقي كسير = خايف تقلل بعد ماجيك من شانها
وش صار لي في غرامك ويش باقي يصير = ركبت ظهر السفينه وانت ربانها
امشي على ساقتك من دون رجلي تسير = واداري الروح واخفي جرح وجدانها
وادعي من الله عساك تكون دايم بخير = لو إن نفسي تصارع كثرة احزانها [/poem]
وسلاااامتكم ..[/align]