.
مية مسا على العيون المدعمسة
ياصباح الورد على الناس الورد
بصراحة حبيت أزوركم وأشوف وش قصة أهلكم<= وين خاشة ياحلوة؟
عارفين هالأيام النحس ماسك معانا شوي
والدليل نتيجة المباراة اليوم
فلعيون الأخضر حبيت أسعد الجماهير وأوسع صدورهم والمثل يقول ( يابخت من جمع بين راسين وخشمين وعين وحدة في حلال ) <= لاتشرهون مقدمة ولا ابن خلدون في عصره الميمون ..
.
.
نجي للمهم وهو :
.
.
من المواضيع اللي تفقع مرارتي دايم ( بسم الله علي ) مواضيع اعرف شخصيتك .. مرّه من اسمك ومرّه من شكل خشمك ومرّه من لون عيونك وعيون قطوتك ومرّه من كحّتك وكحّة أهل إللي جابوك ومرّه من عطسة اختك .. الخ
يعني ماخلوا شيء ماقالوه وكل واحد صار يحلّل من عنده شخصيات خلق الله .. وهم ماهم أحسن منّي فأنا سويت هالتحليل والله لايحرمكم منّي ولايحرمني الأجر فيكم يارب .. والتحليل هو:
(( .....إعرف شخصّيتك من نوع ولون سيارة جاركم ....))
.
.
الأكيد أن كلكم عندكم سيارات
وعندكم رجول وييدين تسوقون بها السيارات؟ ولا؟
بالطبع السيارة هي دليل على نفسية الشخص وحالته الإجتماعية والسياسية والمدنية والشخصية والسعودية والهندية وكل السفارات والقنصليات تسلم عليكم<=مسكت خط علذا و لما للسيارة من هذا الأثر الكثير والكبير في نفس الوقت قررت أني أعطيكم بعضن من الداراسات التى قمت بها وتدربت عليها سنوات طويلتن حتى بلغت بها شهار سويت خاص الدور الأول يسارك وأنت واقف قدام الباب
..
1 -إذا كانت نوع سيارة جاركم ( كورولا سوداء ومكربنه ) فهذا يعني إنك ساكن بحي شعبي الحفريات لاعبه في شوارعه لعب وأن الفقر ضاربك من ساسك لراسك وإن الديون بالكوم عليك واسمك أشهر من نار على علم بالحقوق المدنيه وأنك مافيه أمل تتزوّج أبد إلا إذا فازت اليمن الشقيقة بكأس العالم لكرة القدم ونصيحتي لك سلّم نفسك للحقوق المدنيه ترى رمضان على الأبواب يمكن ربي يفكها عنك شوي....
ونصيحة أحسن من الأولى أنك تنتحر أصرف لك وتتبرع بكليتك لأمي
2- إذا كانت نوع سيّارة جاركم ( بنز فياغرا ) فأنت شكلك ساكن بحي راقي ماشاء الله عليك وأكيد في فلّه طول بعرض وحديقة وخدم وحشم وهذا معناه إنك ولد نعمة وفلوسكم واجد ومعناها ان ابوك وزير أو حرامي أو وزير حرامي مع بعض أو هامور حرامي برضه من هوامير سوق الأسهم الله لايوفّق الردي منهم ولايكسبّه ( مقهوره من السوق ) وشكلك بتكون زي أبوك وبيمسكونك ياحرامي هههههههههههه لأنه ممكن تكون سارق مثل أبوك ولا حرامي أسهم ومخربها على الضعوف ونصيحتي لك نفس نصيحتي لخويك ألي فوق وهي خيارات متعددة ولله الحمد يعني ماحديتك على شيء واحد<= حنونة:احم:
.
.
والآن يازوارنا الكرام :
كل شخص يخش هذا الموضوع نرجوا منه أن يخبرنا وشهي سيارة جارهم ومالونها وكم موديلها والزي منهو لأجل أن نفيدكم بشيء مما يمكن أن نفيدكم بها وتستفيدون منه وتفيدون الآخرين فالفائدة هي مطلبنا والمستفيدون هم فئتنا المستهدفة من هذه المواضيع الغير مركزة وغير مركبة وووووو<= معاد فيه أي كلام
وفي الختام لايسعني سوى الدعاء لكم بأن تكون سيارة جيرانكم شيء نستطيع ايجاد حله أو تكون قد تضمنته القايمة عندي وعساني سالمة لكم قولوا آمين