[align=center]بعد التحيه و المزيد من التقدير
اضع بين يديكم هذه الابيات ارجو تقبلها كما هي[/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يوم غبتي غاب معك الفرح ثم شانت حياتي = و من ونين القلب شوفي مزعجاً كل الخلايق
كيف تقوين الصدود و شوف زولك هو مناتي ؟= كيف قلبك طاوعك باشعال قلبي بالحرايق؟
كنتي اغلا من سكن بالقلب كنتي لي غناتي= لليالي معك طعم و لزمن ريح الحدايق
جيت لك طفلاً يتيم ً ثم جمعتي لي شتاتي= تايهاً لكن بشوفك تتضح كل الطرايق
كان معك القلب في راحه بما تنطق شفاتي= ما نطقت الا بهمس و لا حكيت الا حقايق
كم شريت القرب منك ولو ثمن قربك مماتي= و كم و صلتك لو بدربي عاقني مليون عايق
ما اقول ان السبب حكي العواذل و الوشاتي= لكن الله قدر و فرق بها ارواحاً شقايق
كان قلبك يسئلك في غيبتي وش هي سواتي؟= علميه اني بعد فرقاك انا للمر ذايق
ان رحلت من الوجود ارجوك هذي لك و صاتي= نفذيها لو على فرقاي فيك الصدر ضايق
غطي بشالك تراب القبر و الا بالعباتي= و اسقي تراب القبر يا بنت بدموعاً دفايق
و ان عصاك الدمع في فرقاي من صافيه هاتي= و بللي دفتر قصيدي خلي اوراقه غرايق
و اخذي من اشعاري اللي للبشر تحكي و فاتي= و اكتبي فوق القبر بيدينك اشعاراً عرايق
قولي اني ما نسيتك تعشقك حتى رفاتي= موطنك داخل خفوقً مسكنه حدبً رقايق
ما نسيتك في حياتي كود لحظات الصلاتي= و الغلا و الحب في غيرك حشى ماهو بلايق
انتهت قصة غرامك ضاعت ابحرصي فواتي= افلتت من كف يدي من مقاضيبي طلايق
احفظي ابيات شعري مع جميل الذكرياتي= ردديها و احفظيها يا بعد كل الخلايق[/poem]
و سلامتكم
رد مع اقتباس
-new.gif)
