.... قنبلة .. ذرية ...

[عريمان السبيعي]

السلام عليكم ورحمة الله وبركاته

للتواصل مع اللحوات الغانمة

استلموا

[poem=font="Simplified Arabic,6,black,bold,normal" bkcolor="transparent" bkimage="backgrounds/44.gif" border="none,4,gray" type=2 line=0 align=center use=ex num="0,black"]
نويت افجر قنبلة ذرية = بين المحيط الأطلسي والهادي
مادامها بين العرب حزبية = أعلن ولائي للوطن وجهادي

حب الوطن والنصرة القومية = سيطر على عقليتي وفوادي
أنا زعيم الثورة الشعبية = والشعب شعبي والبلاد بلادي

مير البلا في البنية التحتية = تموت لاجل المنتخب والنادي
كن المواقف ماتبا جدية = كل الجموع محدرين الوادي

قلت آتغانم حدها في يدية = واصيح في بعض العرب وانادي
نبا الحبارى ياهل المحمية = قدام طيري ينفلت وزنادي

الطيب لولا السيرة الذاتية = ماقلتوا مفرج قصير مهادي
ميعادنا لاطال ظل الفية = السبت الأول من هلال جمادي

والله يبيض وجه ابو جنبية = اليا نصيته ماوقف متحادي
والبنز الابيض غرني بوديه = ومكيفه ومسجله والرادي

من لايميز بين ذيك وذية = مع احترامي قلت ميده غادي
أشتلت حمل الناس كنه ليه = حتى قصم ظهر البعير شدادي

ماعاد به رحمة ولا ماوية = إن طحت والا قمت كله عادي
هذي بيوت الشاعر المنقية = ماقلتها حتى لحقت مرادي [/poem]

[خــــالـــــد]

[align=center]
عريمان السبيعي
ـــــــــــــــــــــــــ ــــــ
أرحب يالغالي

صح لسانك وقلبك ..

قصيدة رائعة ومميزة


لاهنت ياذيب
ـــــــــــــــــــــــــ ــــــ
أخوكـ/خالد
[/align]

[ربح السبيعي]

مرحبابك يابومقعد


وصح لسانك على هالقصيده الجزله والوافيه


ولاتستغرب الجزاله على صاحبها


سلمت ودمت يابومقعد

[منصور السبيعي]

عريمان صح لسانك إلى يوم يبعثون

[صلاح الأحمدي]

[align=center]:
:

صح لسانك واعتلا شانك


قصيدة جميلة ورائعة


:


لا هنت


تحيتي لكـ


:
:[/align]

[بــنت عـــز]

صح لسانك... قصيدة رائعة

[ناصر القزلان]

تبي الجد .. قنبلة ذريه سلميه ..
تشرفت بمعرفة شاعر حقيقي اسمه ( عريمان السبيعي ) ..
صدقت ياعريمان المشكلة في البنية التحتيه .. وبس !!!
لاتحرمنا من جديدكــــــــ ياللحية الغانمة ..
على فكره .. وش اخبار ( الناقه ) .. ههههههه .. امزح ..
صح لسانكـــــ وبيض الله وجهكــــ ..

[أبوعبدالرحمن]

هذا شكله تهديد بانقلاب سلمي على البنية التحتية

صح لسانك ياعريمان

وعسى الله يبلغك الحباري قبل المباحث

تحيتي لك

[ليــن القســا]

حب الوطن والنصرة القوميـة
سيطر على عقليتـي وفـوادي
أنـا زعيـم الثـورة الشعبيـة
والشعب شعبي والبلاد بـلادي
مير البلا في البنيـة التحتيـة
تموت لاجل المنتخب والنـادي

سلمت ودمت شاعرنا للعذب المميز دوما ..

[سـعـد الحويماني]

صح لسانك يالنووي

:)

رائع

تحيتي

[احمد مناحي]

عريمان السبيعي

هلا بك وغلا

نويـت افجـر قنبلـة ذريــة
بين المحيط الأطلسي والهـادي
مادامها بيـن العـرب حزبيـة
أعلن ولائي للوطـن وجهـادي
حب الوطن والنصرة القوميـة
سيطر على عقليتـي وفـوادي
أنـا زعيـم الثـورة الشعبيـة
والشعب شعبي والبلاد بـلادي
مير البلا في البنيـة التحتيـة
تموت لاجل المنتخب والنـادي
كـن المواقـف ماتبـا جديـة
كل الجموع محدريـن الـوادي
قلت آتغانم حدهـا فـي يديـة
واصيح في بعض العرب وانادي
نبا الحبـارى ياهـل المحميـة
قدام طيـري ينفلـت وزنـادي
الطيب لـولا السيـرة الذاتيـة
ماقلتوا مفرج قصيـر مهـادي
ميعادنـا لاطـال ظـل الفيـة
السبت الأول من هلال جمـادي
والله يبيض وجه ابـو جنبيـة
اليا نصيته ماوقـف متحـادي
والبنز الابيض غرنـي بوديـه
ومكيفـه ومسجلـه والـرادي
من لايميز بيـن ذيـك وذيـة
مع احترامي قلت ميده غـادي
أشتلت حمل الناس كنـه ليـه
حتى قصم ظهر البعير شـدادي
ماعاد بـه رحمـة ولا ماويـة
إن طحت والا قمت كله عـادي
هذي بيوت الشاعـر المنقيـة
ماقلتها حتـى لحقـت مـرادي

الصمت في حرم الجمال جمال

صح لسانك وطال عمرك

تقبل مروري

[أمل عبدالعزيز]

,
,
,
الرائع / عريمان السبيعي
مادامها بيـن العـرب حزبيـة
أعلن ولائي للوطـن وجهـادي
حب الوطن والنصرة القوميـة
سيطر على عقليتـي وفـوادي

ماشاء الله ..
يستحق الوطن هذا الولاء والحب
صح لسانك ونبضك
دمت بخيــر

ولك تقديري

[مضحي السميري]

نويـت افجـر قنبلـة ذريــة
بين المحيط الأطلسي والهـادي
مادامها بيـن العـرب حزبيـة
أعلن ولائي للوطـن وجهـادي
حب الوطن والنصرة القوميـة
سيطر على عقليتـي وفـوادي
أنـا زعيـم الثـورة الشعبيـة
والشعب شعبي والبلاد بـلادي



فوق ياشعر



المبدع عريمان

صح

السانك


حتى

ترضا

[عريمان السبيعي]

خالد صح بدنك

ولا هنت على مرورك الطيب

تحاياي

[سعدالجميلي]

مير البلا في البنيـة التحتيـة
تموت لاجل المنتخب والنـادي



هذابلابوك ياعريمان




ياويلك من عشاق الرياضه






مبدع صح لسانك