بمزيد من الشوق نعود للاحبة في بيتنا الكبير ..
[poem=font="Simplified Arabic,4,deeppink,bold,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
ويش اوصف فيك ياصاحب القلب الحنون = ويش أخلي منك يانسمة الصبح الطري
ان وصفت الوجه باقي وصوفك يزعلون = خايف الكوكب عطارد يطق المشتري
اذكر الله كل ماشفت براق المزون = كل مامني قعد في طريقك يحتري
ياذهب ياماس كل العذارى يرخصون = يوم اشوفك تلبسين اللباس المفتري
ماتقول الا قمر والكواكب يسبحون = في سواد الليل ذاك الطويل السمهري
ينتفض مابين محزمك الى حد المتون = الله اكبر كن في نصفه العلوي زري
رايقه بالحيل يانظرة الطرف الفتون = اعبري جسر المحبه على القلب اعبري
وارسميني حرف بين الشفايف والعيون = كل ماشفتيني اشتاق زيديني بري
ليت عذال المولع بحاله يفهمون = الهوى مضمار والفارس اغراه الجري
وين ماجيتك لقيتك على درب الجنون= جوهرة في متجر الماس والمالك ثري
مادريت ان البشر في بعضهم يلعبون = لين شفتك في ضميري تبيع وتشتري
ابك عاهدني عهد والخلايق يشهدون = اني اللي في حياتك / وانا دوك نحري
من معاليقي الى حد راسي لك تهون = والضلوع العوج والكبد وعروق المري
ياعساني ماخلا منك ياريع الحجون = في ثرى مكه مواطيك حرف وينقري
السوالف في حضورك نبات الزيزفون = كل ماتطرق سمانا عليها كبري
خل عنك الشك واللي توريك الظنون = والله اني ياعشيري من التهمه بري
أنت ياعمري على كل مافيني تمون = العسل فيك انت والناس من حولك شري
ياعسى ربي يخليك لكن من تكون = الاجابه بس بينك وبينك .. فكري
خلي الشعار بعد القراءه يسهرون = بين ماقال التميمي وقول البحتري [/poem]
** الشري : الحنظل
رد مع اقتباس
المشاركة الأصلية كتبت بواسطة ناصر القزلان
