[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الهاجس اللي له ثلاثين .. ليله = ما صافح ايدين الفكر والاحاسيس
واليوم .. يقنب لي براس الطويله = صحى عيوني عقب ماهن مناعيس
والنوم من جفني ينفّض شليله = ثم ّ .. ثارت هموم ٍبصدري .. محابيس
وليا كتبت البيت .. خابر حصيله = ماهو مجرد حشو .. نزغة هواجيس
اخرم على شعر ٍ بيوته ثقيله = يوم ٍ بعض .. البعض ! .. شعره قراطيس
لو قيل .. كيف الشعر .. باقول .. هيله =والشاعر اللي يعرف القيس .. ويقيس
هو صح ّ مايرفع .. خشوم ٍ ذليله = لكن ّ في هالوقت يغني .. مفاليس
تال الزمن قوّى زنود ٍ هزيله = يا طووول طابور .. الهمل والملاحيس
المدح فالرديان.. أكبر رذيله = واكبر دجل ّ ..واكبر .. مذمّه .. وتدليس
المدح فالطيب .. سنام القبيله =له في سما الافعال .. شمس وفوانيس
وانا احمد الله .. بحول ربي وحيله = يبقى قصيدي من صدوق الاحاسيس
جربت انا الايام ماهي قليله = الرجل له تاريخ .. وايضا .. تضاريس
الغايه اكبر من طموح الوسيله = من بعدها .. ودوربها لي .. مقاويس
والرجل لو يسرج على الحلم .. خيله = لابد ما يرخي له ( السيف والكيس )
وان كان مال للرجل .. كف ٍ جزيله = يرتاح في حضن الخنا .. والدنافيس
والمرجله ( وسم ) الرجال الشكيله = على رقاب الطيب .. ماهي على العيس
وان مالت الدنيا .. على الرجل .. ميله = يفقه تجاريب العرب بالتداريس
ولا ّ انثبر يجذبه دفوة خليله = ويقنع بدوره بس .. خلف الكواليس [/poem]
رد مع اقتباس
