السلام علااااااااااااكم
كلكم فرداً فرداً وخشه تلوا الاخرىىىىىىىىى
ان شاء الله الجميع يزقحون وبصحه جيده
من البدايه اقول اللي ماهو فاضي لا يكمل يضغط اكس في اعلى الصفحه يسار ويضف عفشه ويقفل الباب لاتقولون الروقي ضيع وقتنا :هاها:
طبعاً انا من زمان مافحطت هناء
يعني الضروف جبرتني اعطيكم فرصه تأخذون راحتكم وتصرقعون على كيفكم
<<<< ياعيني يالحضور
المهم انا اشوف ماشاء الله فيه اسماء لامعه هناء جديده
مااعرف منهم احد
<<< اللي يشوفك يقول يعرف كل المسجلين في هالمنتدى
المهم
بالله عدوا كم مره تكررت كلمة المهم هناء ههههههههههه
مالكم دخل اقرواء وانتم ساكتين :مزون:
المهم
ابي اردكم لصلب الموضوع
ياجماعة الخيرررررررررر بالله من يوافقني نكتب برقية الى مجلس الوزراء يمنعون الاجازه الصيفيه
ياناس احنا نعطل نبي نرتاح ولا نعطل عشان نناقز من عرس في عرس
تقول الجماعه(السعوديين ) قلت عليهم ايام السنه الا في ذا الحرررررررررررررر
طبعاً هذا ماهو صلب الموضوع اللي انا جالس اكتب عنه
السالفه يالربع ويالربيعاتِ
البارحه كنت معزوم على زواج واحد من الجماعه طبعاً هو رقم
32 من بداية الاجازه
ومن بعد العشاء بنصف ساعه بديت اتزكرت واستعد للحضور ثمن اتجهت للقصر
طبعاً مااادري هو عازمني معزه ولا عشان شي ثاني
شي ثاني وش هو
اقوله لكم يمكن عازمني عشان العانيه ( اللي مايعرف العانيه يرجع لقاموس اللغه العاميه للمؤالف شمبوز كمبازو
لحضه ابي واحد يجيب اين ولد هذا العالم هههههههههههههههههه
المهم
اتجهت للقصر ومعي ظرف فيه بعض من المال
مالكم دخل لاتقولون كم
ولا عشان ترتاحون واضع فيه 10 ريالات عانيه للعريس
المهم وضعت الظرف في جيبي الايمن وطبعاً الجيب محفوش ببعض الاوراق الخاصه
واثاري ناسي فيه ظرف ثاني فيه فواتير صيانة السياره لاني العصر كنت في الوكاله الخاصه بسيارتي
المهم
لحضه كم وصل تكرار كلمة المهم هههههههههههه
وصلت الى القصر وبدوا اهل العريس يستقبلوني بأستقبال حار ثمن انا طرت في العجه يعني كبر راسي اول مره اجد ترحيب مثل كذا دائماً اجي ولا احد يعبرني
ومن قوة الاستقبال تلخبطت اوراقي وارتبكت ثمن اتجهت للعريس على طول ونقرت خشمه وسويت نفسي دفش شوي ابي اخرب تشخيصته ولكن صار مكثر المريتو على الشماغ يعني ماتحركت قدر شعره ههههههههههههههه
وبعد السلام عليه وتهنئته بالزواج
ادخلت يدي في جيبي ابي اعطيه الظرف وطلعت الظرف ولا ناظرت فيه وسلمته في يمين العريس وبديت اسلم على الحظور
وبعد ماانتهيت من السلام وانا اجلس في جهة من القصر مع بعض الشباب وندقها سوالف وحتسي ماله سنع
وبعد نصف ساعه تقريباً ادخلت يدي في جيبي ابي اطلع السبحه ( االلي مايعرف السبحه يروح ينشد جدته اصررررف له لا ينتظر ماني قايل وش السبحه :مزون: )
ويوم دخلت يدي وليني احس بالظرف في جيبي والله مير اناظر
واكرر النظر مره ثانيه وثالثه
واصدق واكذب
واكح والله مير اعطس هاكالعطسه اللي سمعووووها كل الحظور
تدرون وش السالفه
صار الظرف اللي انا معطيه العريس ظرف الفواتير
ثم تعالوا شوفوا حالتي الله لايوريكم مكروه لا انا ولا انتم :هاها:
المهم جلست اضرب الراي بالراي كيف اتخلص من هالورطه المشكله الفواتير بأسمي يعني لو خليتها رايح ينكفش امري
قلت مابدهااش لابد اكون امام الواقع
<<<<يعيني يالاسلوب
المهم قلت مافيه الا اروح اسلم على العريس مره ثانيه ثمن اعطيه الظرف اللي معي واقول ترى فواتيري عندك بعد الزواج رجعها لي هههههههههههههههههه
والله مير اقوم واسلم عليه واعطيه الظرف والرجال يقعد يحالف ويطلق انه مايجيني يقول انت معطيني قبل شوي
اهمز في اذنه قلت اللي اعطيتكياها قبل شوي تراي غلطان تراها فواتير سيارتي لكن بعدين رجعها لي
والحمد لله صار العريس متفهم وصرت انا امون عليه ولا كان صارت علوووووووم
وانتهى كلامي يحفظني الله ويرعاكم
على فكره تصدقون الزواج مشروع ناجح
يعني اللي يبي يتزوج يجيه دبل اللي يخسره في تجهيز زواجه
وشلون من يقول لي واعطيه بسكويت اولكررررررر
آسف على الاطاله
وتراي قايل لكم من البدايه لا يقرى موضوعي الا الفاضي ولا المعشق لا اشوفه يوطوط هناء
وتدرون وش اللي يقهرني اللي يدخل هناء يقراء ثمن يطلع ولا يترك له اثررررررررر ههههههههههههههههههههههههه ههههه
للجميع مودتي وتقديري
الروقي
رد مع اقتباس
[/mark]
![الصورة الرمزية ][ عبدالعزيز ][](image.php?u=78171&dateline=1208124844 "الصورة الرمزية ][ عبدالعزيز ][")
المشاركة الأصلية كتبت بواسطة &&ورد الجوري&&
