الاحبه اعضاء غرابيل
غمرني اخي الكريم نشمي بن مقعد العتيبي باسنادابياته العذبه لي ولاخي محمد الروقي
ويطلب الحكم في قضيته .. وبما ان القاضي الكبير لم يكن متواجد
لم استطع اصدار حكم فردي .. لكن حبيت ارد عليه .. والحكم بعد المداوله ههههههه
وهذا رابط قصيدة نشمي ...
http://www.sfsaleh.com/vb/forum8/thread103175.html
[poem=font="Simplified Arabic,5,black,normal,normal" bkcolor="transparent" bkimage="backgrounds/44.gif" border="solid,2,black" type=0 line=0 align=center use=ex num="0,black"]
حييت ياشاعر ٍ تطربني لحونه=لاقال قافه يزول إمن الحشا غبني
وشلون لا خصني فالقاف مضمونه=يشوش فكري تقول إنك مكهربني
وأجيك كلي محوّل فدوة عيونه= مايطلبه صاحبي ماهو بكاربني
أسطـّر حروف قيفاني وموزونه=للصاحب اللي بجزل القاف يندبني
النشمي اللي شكى من حب مظنونه=يشكي لقاض الهوى يقول متعبني
يحلف يصون الغلا ويصونه يصونه=أنا اشهد إنه بفعله حيل معجبني
لان الوفاء طبع فالاجواد يلقونه=لو عملته نادره ذا الوقت ياغبني
نصيحتي صبر واهل الصبر يجنونه=وخل الامل في حياتك نايف اللبني
اصبر على الوقت لو كشـّر لك سنونه=مافيه داعي تقول الوقت مرعبني
دام انت امير الهوى وتصمّ قانونه= ماني محاسبك فيها لاتحاسبني
ومادام مظنون قلبك حيل مامونه = وراك ياصاحبي ناوي تناشبني
لاتبحث اللي بجوف الصدر مكنونه= خل ّ الدعاوي سهاله لاتغلبني [/poem]