[align=center](أنا ومايكل وعنتره صديق عبله)
أعزائي المصرقعين تحية ملئها الغربــله .. ،،،
*
*
ثم طقني أخوي طق وضاقت بي الدنيا وين أروح
(أنتحر) ما فيه أمل أحب الدنيا وبعدين ما بعد تزوجت... أبطلع من البيت وأهيم على جبهتي وأنا
بين (الأزقه) ومن ثم حط بي المسير في الصحراء ( نصاب حي الزراديه):مزون:
وإذا بذالك الفارس المغوار يشق عباب السماء ويخترق أشعة الشمس ويكعها فرامل عندي
وإذا به أسود ...من خيله ولم تتضح ملامح خشته ثم نزل من على صهوة الجواد وإذا به
(عنتره بن شداد)
الله ياخذك وين الناس ورى معاد لك شوفه وين خويتك عبله (رادفها) مركبها ورى الخيل ...:واو:
وبعدين وش هالجدايل تذكرني بفلم أسمه (حبال الموت) ...
أهلاً بك يا صديقي وما أخبارك وكيف حال
أمك هل هي (تكلج) (تصنع الكليجا) إلى الآن ... :مزون:
قلت أها بس وأعقل ما تركت الاستهبال إلى
هالحين وبعدين وش هالصعرور اللي براسك ... أبداً يا صديقي لقد وقعت من الخيل ...
أجل إلى هالحين وانت أرفل يالله مشيناً للبيت عازمك على الغدا ....
علينا هذه الحركات يا صديقي إذاانتصفنا في الطريق أقرب مطعم بخاري وحبه مع نفرين رز وقطيه بعد وهذه حركاتك يا صديقي ...
قلت والله أنك قديم توظفت هالحين ولي راتب ومعي سيارة (فورد قراند ماركيز) :11sted_re
قال عنتره : استحلفك بالله وكم موديلها ...:مزون:
قلت موديلها 2002 وناوي هالأيام أطق 2005 واستخرت ربي وبطق 2006 طبعاً ما تعرف الاستخارة لأنك من حقين الجاهلية
الله يعفوويتسامح جيدين بالمغازل والترقيم عند الغدير والبئور (جمع بئر) ألا وش أخبار الفطفوطه عبله ...
قال هذه الأيام قد حنت علي وأضافتني في المسنجر .... ولكن أهلها منعوها من جلب الماء من البئر ...:مزون:
قلت له الله لا يلومهم مدامك أنت وصعرورك مرتز كنك مزهرية سوداء جنب البير وشلون يامنون (يأمنون) على بنيتهم ...:مزون:
قال : هداك الله يا صديقي ... وبينما نحن نمشي
طبعاً رجليه لأن الخيل حقه تعب منه طلع (عنتره) دب طاح بها البخاري والمندي والمثلوثه
وخيله هو اللي رايح فيها صار مطرح من ورا لفتين ومن كراعه الأمامي زاد لفه على الياي:مزون:
المهم وحنا بالطريق ونلقى هاك الخكيري (قصيصه ولابس كاب) منفرط جنزير السيكل حقه وقاعد يصيح ...
قلت عنتره وش رايك نفزع قال بشرط
أستهبل عليه أولاً قلت ما يخالف يالله .. قال للخكيري (وش العلوم يا راعي الكاب) التفت ابو
قصيصه (عرفته مايكل جاكسون أخس وش جابه في حارتنا):مزون:
المهم رد مايكل وقال
(هي مان واتس هابنك جو تو ذا هيل) .. أنلخمنا وضعنا وتوهقنا (الترجمه ما طلعت على صدره
في مستطيل مثل الأفلام ) :مزون:
ياربيه وش نسوي طبعاً عنتره فاق خشته وأنا ابو المواقف الصعبه ما راحت قعدتي عند خالتي
في (الشمال بحي منفوحه) هباءاً منثوراً ماخذ كورس انجليزي وأطقطق من العرابجه اللي
بمنفوحه... قلت عنتره تدري وش يقول لك .. قال : ومن أين لي أن أعرف ؟؟؟
قلت يقول الرجال
(على تبن أنت وخويتك عبله يا أبله ترى أبفقع وجهك) :مزون:
وفي هذه الأثناء استل سيفه عنتره
وجدع مايكل كابه وبدأ يتراقص وعنتره يدربي راسه قعد نص ساعه يبغى يطعن مايكل وعجز :مزون:
أنا عاد بطبعي أنسان ما أحب المشاكل قلت أبحكم في هالمصارعه رحت لأقرب محل رياضه
(في النص ساعه اللي يحاول يطعن فيها مايكل):مزون:
وجبت فنيله مخططه أسود نص كم (يعني حركات نص كم)
مثل حقت حكام المصارعه يوم جيت لين عنتره دايخ وجدع السيف وجدع البشت ورمى القلم (باركر أخس يالشخصيه)
وعطاني الجوال (الفارس) نوكيا (6630)
وقال إذا دق أحد علي جوال عطه صامت (مهوب سهل الحونشي الرايق ناوي على طويله)
وقال كلمه لمايكل لم أعرف معناها إلى الآن (ثكلتك أمك ياللي كل يوم معك بزر):مزون:
ولكن توقعت أنه يلمح لقضايه في المحاكم وآخرها اللي طلع منها قبل أسبوع ...
المهم قام العربجي عنتره ورقى على الخيل حقه ويطير ودردب على راس مايكل ويمسكه مسكه مخلبيه وريض الرجال وسبلكس خلفي:واو:
قلت أخس يا عنتره وين جبت هالحركات منه
قال المخلبيه (الله يخلي الهوت بيرد والأوروبيات):مزون:
والسبلكس البركه في أبو عبله (رنني) أي (لزخني) أي (رجفني) مره من المرات
وعمل لي سبلكس خلفي ....:مزون:
المهم قام عنتره وثبت كتوف مايكل جاكسون وعديت إلى ثلاثه
وفاز عنتره وأخذ بطولة (WWF) الدبليو دبليو إف وخذ الحزام الذهبي ...
ورجع عنتره لديرته واستقبلوه عشيرته استقبال الأبطال وتزوج عبله ...
وراح مايكل لشيكاغو ديرة خواله ودخل المحكمه وطلع براءه ولكن كانت آثار تصفيق عنتره واضحه على وجهه أثناء المحاكمه..
وأنا رجعت للبيت وكمل أخوي الكبير علي (طقني مثل طق عنتره لمايكل) .. :مزون: [/align]
رد مع اقتباس
[/mark]
المشاركة الأصلية كتبت بواسطة كاتب الحب
