أيه أعرفي إن مابين الأمس واليوم
...
أنا و أنتي



أيه بـ الامس كنت أعشقك عشق لا ينتهي
واليوم فرقاك أصبحت هي غايتي ومنـيتي

أيه بـ الامس كنت أكره أشوف الحزن داخل عيونك
واليوم أصبحتي أنتي والحزن فرحه داخل عيوني

أيه بـ الأمس كنت أرتجيك والبسمه ماتفارق محياك
واليوم أشوف رجواي السبب في مدمعك وفرقاك

أيه بـ الأمس كنت لجل كلمه أترك الدنيا وأجيلك
واليوم بعد فرقاك أشوفك تكتبي أني كل تاريخك

أيه بـ الأمس كنتي تشتاقي وأجيلك وأقول لك سم
واليوم تشتاقي وأقول لك ترى منك صابني هم

***

أيه أعرفي إن مابين الأمس واليوم ...أنا

أنا اللي داريتك وأنا اللي حبيتك وأنا اللي أضحكتك وأنا اللي أبكيتك وأنا اللي تركت كل من حولي لعيونك
أنا اللي شلت الشقاء من على كتوفك وراعيت منك غلطه كسرت صمام قلبن ماحب غيرك
أنا اللي حملت هم وعار ربعك وقومك ..
وأنا اللي خذلتك وفي الخذلان مقصد درس لباقي سنينك

أيه أعرفي إن مابين الأمس واليوم ...أنتي

أنتي بحثتي عن الحب وأنا عطيتك حب ماعطيته لغيرك .
أنتي بحثتي عن الشوق وصرت كلي أنبض بشوقك .
أنتي بديتي حرب بجروح ماضي وبالحاضر نثرتي جروحك
وأنا بديت معك في الحاضر بسلام و تكفير جروحن نثرتيها
أنتي مقصدك دمعه تنزل من عيوني لجل شخصك ..
وأنا مقصدي أحتوي طفله وعن مافي الكون أغنيها
أنتي بغيتيها حب ولعب وماهمك بمردودها على قومك ..
وأنا بغيتها ستر وهمي كل الهم هم قومك وأمـٍ تعرفيها

أيه أعرفي إن مابين الأمس واليوم ..

إنك أنتي أكبر غلطه بتاريخي وأنا صفحه سوداء بتاريخك