[poem=font="Simplified Arabic,5,orange,normal,normal" bkcolor="black" bkimage="" border="inset,10,orange" type=1 line=0 align=center use=ex num="0,black"]
يامرحبا ترحيبة البن بالهيل = سير عليه وعانقه باحتراما
واحلى اندماج اثنين وسط المعاميل = الضيف يبدي للمعزب سلاما
ويا ماحلى صبه بذيك الفناجيل = من كف من في الخد الايسر وشاما
ام العيون الناعسات المظاليل = ومن الخجل يسدل عليه اللثاما
هرجه علاج ٍ للقلوب المعاليل = علاج إكتئاب النفس ذاك الكلاما
مبعد جنابه عن هل القال والقيل = يخلط مابين امغازله واحتشاما
جيته وانا طرقي وقد طرف الليل = باقصى صحاري نجد يسكن خياما
ترحيبته ترحيبة الارض بالسيل = يعج منها نفح ريح الخزاما
الجو بارد واشعلتلي قناديل = وساقت لي الفنجال بنت الكراما
وعقب الكلام وعقب زين التعاليل = قفيت من عنده بكل احتراما
قالت عسى دربك سماح وتساهيل = ياطيب المنسب عزيز المقاما
ماهي من اللي بس كلمات واتميل = ادنى كلام إيجيبها والسلاما
والله ياشعار ساحة غرابيل = اني عرفت ان البداوه وســــــاما
وسام عز لرجال المشاكيل = اهل الكرم ومتيهين الجهاما [/poem]