مساء الورد لكل أعضاء وزوار المنتدى
قبل حوالي عشر سنوات كنت اعمل منسق حركه لاحدى الشركات السياحيه السعوديه
والعامله في المملكه الاردنيه الهاشميه وتصادف تواجدي واشرافي على حركة نقل
الحجاج مع عيد الاضحى المبارك وهي المره الاولى اللي اكون في العيد بعيدا
عن الاهل والاقارب فارسلت هذه القصيده لمدير الشركه وقررت الاستقاله والعوده للمملكه
ولو اعطتني الشركه اضعاف اضعاف ماكنت اتقاضاه وقررت الالتحاق بالسلك العسكري
،،،،،،القصيده،،،،،،
[poem=font="Simplified Arabic,4,deeppink,bold,normal" bkcolor="black" bkimage="" border="double,6,purple" type=0 line=0 align=center use=ex num="0,black"]
جتني يابو فيصل علوم ٍ جديدات = قالوا على نجد العذيه سحايب
بيني وبين اديار ربعي مسافات = شهرين فيها عن هل الدار غايب
في نجد يوم العيد فرح ومسرات = وانا ورى عمان شفت العجايب
ياما انتظرت اخبار والااتصالات = اما من الاخوان والا القرايب
تكفى يابو فيصل نبي منك وقفات = شهرين غربه خلت الراس شايب
احجز لي الرحله على احدى المطارات = والدارنا نبي نشد الركايب
ماعاد ابي عمان لو بضع ساعات = عن ديرة الاجناب حالف وتايب
وقت ٍ حداني في ديار ٍ غريبات = وانا احمد الله ماعلينا طلايب
لكن حدتنا ظروف وقت صعيبات = خلت يابو فيصل ضلوعي حطايب
انا برجوى من يجلي المليمات = قدام لاتركز علي النصايب
الصبر ماينفعك في فايت ٍ فات = ودي بشوف اديارنا والحبايب
وانا خويي لوحصل منه زلات = الله يفكه من جميع النشايب
وصلاة ربي حق في كل الاوقات = على النبي عداد وبل السحايب[/poem]