[poem=font="Simplified Arabic,5,indigo,bold,normal" bkcolor="transparent" bkimage="" border="double,10,purple" type=2 line=0 align=center use=ex num="0,black"]
راكب اللي كل مازدت لبنصه يزود = منوة اللي هزه الشوق والوجد وسرى
مانقل له هم غير نقص خزان الوقود = خايفٍ مع سجة الوقت ينقص مادرى
الله اكبر عنه من عين الحسود = من عيون اللي مع ابليس في الذنب إخشرى
لامشى تقول حر ٍ تطلق من قيود = اربع إميه تجمع الحجم واللوحه ورى
لاتعدى نزلة اطويق واطراف النفود = واستوت له مشية الخط والطاري طرى
قدمك اللي كل ماشاف ضيفانه يجود = دون ربعه في المواقيف واللازم ذرى
يابن ذاكر ويش رايك بذالخل الجحود = مع عيون ٍ ساهره ماتهنا بالكرى
مخلص ٍ له يامحمد وجاوزت الحدود = والنتيجه جرح قلبي وهذا ماجرى
بنت ربع ٍفي المواجيب واللازم حيود = فالوغى فرسان خيل ٍ وفالسلم اومرى
يامحمد لو اجامل بالمجامل ماش فود = والمحاجر تذرف الدمع والحال انبرى
فرقو بيني وبينه مهدمة العدود = لين كل ٍ ضف عفشه من البيت وسرى
وكل منا يامحمد يبي خله يعود = بس انا من عزة النفس مارضى بالزرى
مخلص ٍ له يابن ذاكر وجاوزة الحدود = والنتيجه جرح قلبي وهذا اللي جرى[/poem]