يسعدني ان اشارك معكم بهذه المحاوره المختاره وهي بين العاشق والطوب
للشاعر : سعد بن فراج العريدي العتيبي
[align=center]الطوب:
يا صاحبي وشفيك ضايق وزعلان ********** خل الزعل يا صاحبي وشتبي فيه
خل الحـزن خلك مع الناس طربان********** أسمع كلامي وافتهم في معانيــــه[/align]
[align=center]العاشق:
وش حيلتي لا صرت عاشق وطفران********** و زودً على الثنتين جفني معنيـه
الحب تأثيره علـــــى قلب الانســـــان********** محروم من كل الافراح راعيــه[/align]
[align=center]الطوب:
مابه محبه كلهــــا لعـــب ورعــان********** وانا احمــد اللي فكني من مماشيه
احفظ فلوسك يصبح الجيب مليـان ********** وليل ً بليا نـــــور ما ينســري فيه[/align]
[align=center]العاشق:
لا واهنيك دالـــــه القلب فرحــــــان ********** همك طعامك والصحـــن ما تخليه
والمـــال مـا سر الحريـــري بليهان ********** خل الـــريال اللي تقوله ينجيـــــه[/align]
[align=center]الطوب:
أنصحك مير انك عن الرشد عميان ********* درب الهوى قلبك من العام معميه
جهزت لك يا صاحبي قيــد وعنـان ********** وزودً عليهـــا راسك اليوم ابكويه[/align]
[align=center]العاشق[/align]
[align=center]الحب قبلي عذب الشيــخ راكـــان ********** والشيخ ابن هندي شكى من بلاويه
ماني بمجنونً ولا نيــب سكــــران ********** خل القشر والــــداب جنب مفاليــه[/align]
[align=center]الطوب:
عصــرً مضى لا تذكره مات يافلان ********* وحبك بحب اللي مضو لا تساويه
وان عودت للحرب ومزارق الزان ********* الذيب من جمع المعــــادي نعشيه[/align]
[align=center]العاشق:
حبي شريف ولا حصل فيه نقصـان ********** مصيون عن درب الزلل ما نوطيه
يا كثر هرجك مير ما شفت برهــان ********* وكفك على ضرب المهيدب مضريه[/align]
[align=center]الطوب[/align]:
[align=center]الحب ما به حب ضايع وخســـران ********* لا صار عبر النت خابت مساعيـه
يا صاحبي شان اللغى بيننا شـــان ********* خربتها والحرب نـــــادى مناديــه
[/align][/align][align=center]العاشق:
الله يجازي صــانع النت بجنــــــان ********* أ غليه حيث انه سبب حبي اغليه
للخيل فرســـان ً وللخيل ميــــدان ********* وفنجالكم مشروب والصوت توحيه[/align]
[align=center]الطوب:
ما ينعذل قلبً توهق وبلشـــــان ********* يا الله عسى الله من صوابه يشافيه
جعلك مراح مقيط ضايع ومرضان ********* اللي سواتك يتعب اللــي يـنــــاحيه[/align]
[align=center]العاشق[/align]
[align=center]لو شفت خد اللي يسلهم بالاعيان ******** اللي ليا صوتلــــــه قال لبيـــــــــه
غديت مثلي ضايق البال نحفـــان ********* لا شك قلب الطوب منهو يصحيــه[/align]
منقووووووووول
مع تحيات : اخوكم جزل القصيد
:
رد مع اقتباس
