بسم الله والصلاه والسلام على افضل خلق الله
قصيده ربما من يقرأ عنوانها يظن انها جديده لكن هي في الحقيقه قديمه نوعا ما ولها
مناسبه ..
مهلي ولد عمي وانا وياه اكثر من اخوان رغم انه شاعر لكنه يهتم في قصيدي اكثر من
قصيده و كل مايواجهني يقول عطنا اخر قصيدك ومره سألني وقلت يجيك الجديد...
اخر قصيدي
[poem=font="Simplified Arabic,5,black,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
دايم تنشّدني عن اخر قصيدي = عزالله ان حرصك علي يبهج الجاش
انته ومثلك يا مهلي رصيدي = بالشعر ولا لاهبا شارب اللاش
وانا على طاري الشعر ياعضيدي = الشعر ما ياتي على بالي بلاش
ساعة يضايق دم قلبي وريدي = وينهش عروقي من عنا الوقت نهاش
ازهم من طروق القصيد الجديدي = وادفع ثمنها من تعب خاطري كاش
لاحرك النسناس خضر الجريدي = تارد علي مارد على الجمه عطاش
واختار من جزل الطروق الجويدي= قاف (ن) يلحفني وانا افرش له فراش
واشوم عن سمج القصيد السفيدي = وادرى على معناي عن طاش ماطاش
ماني مدور مدح بالشعر صيدي = لالا ولا انا من ورى الشعر معتاش
انا هدفي من شعري اطلاق قيدي = ليا حبسني همي وراسي انداش
افك به سجن الهموم الحديدي = وينعش فرص سعادة الخاطر انعاش
ماهو هدفي لو صفقوا لي بالايدي = وان لوحوا بايدهم وصوتوا عاش
وكلام مجمّعة الكلام الزهيدي = اعطيه قبل اسمع تفاصيله طناش
اثنوا علي ولا اجحدوني ياسيدي = لاني بمتنومس ولا قايل(ن) ماش
الا راع العقل الرزين الرشيدي = اللي ماهو لو يزعل احباب غشاش
ليا انتقدني قلت منك استفيدي = وليا امتدحني راسي لمدحته شاش [/poem]
وسلااااااااااامتكم