[poem=font="Arial,6,black,normal,normal" bkcolor="transparent" bkimage="backgrounds/7.gif" border="groove,10,purple" type=2 line=0 align=center use=ex num="0,black"]
بدعت نظـــــــــــم القاف والراي صــايب=ابيـــــــــــــــ� �ت تُقرا من ظميري وتكتب
أجني ثمر وآخـــــــــــــذ عزيز الركــايب=واجمع من العذبــــــــــــات وادّور اعذب
دست المخاطر دوس ما ني بهــــايب=حر(ن) على دوس المخــــــاطر تدرب
اصبح سوات الرعد جوف السحـــايب=وامسي سوات الحر في راس مرقب
انا شباب وقــــــــــــالتي قول شايب=زيزوم في كل المعـــــــــــاني مجرب
ما هو بقول مدورين الطـــــــــــــلايب=قول الرجال اللي لها الطيب مكسب
من خالط العربان يلقــــــــى عجايب=وان خــــــــالط الادنين يلقاله أعجب
احد(ن) على راســــه تهب الهبايب=واحد(ن) كما قالــــو به النار تشتب
واحد(ن) على ربعه رضي بالنوايب=يرضى عليك احيان واحيــان يغظب
كم واحد(ن) صابر جروحه عطــــايب=وكم واحد(ن) ما حيلته غير يــا رب
ان كان به ناس(ن) تجيب النكــايب=الله يلعنها علـــــــــــــى كل مذهب
ان قال لك توبه فلاهو بتــــــــــــايب=بطن الثرى ما يسكنه غيــــر عقرب
اللي يحب الخيــــــــــر للخير جايب=واللـــــي يحب الـــــــعز للعز يرغب
واللــــــي يحب معكرشات الذوايب=يطرق بيــــــــــوت العز لو كان يتعب
ان جات في بيتك ورى البـــال طايب=وانته من اطيــب دايم الــدوم لأطيب
يطلع ولدها من رجــــــــال الصعايب=يرقى على الصعبـــــات ويدور اصعب
وحذراك تاخذ من بيــــوت(ن) خرايب=لو كان ما به غيرها رمش(ن) اهدب
ان جات في بيتك تجيــــــب النشايب=وانته تحـــــــــــــرك في طرفها وتنشب
ويطلع ولـــــــــــــدها دايم الدوم خايب=متساوي(ن) في عينه المدح والسب
هذا ويا حــــــــــــاظر ليا شفت غايب=اعطه جــــــواب(ن) من ظميري مرتب
اختر صحيبــــــك من جميع الصحايب=اللــــــــي يحب اهل الوفا دوم ينحب
عليــــك بالاجــــــــــواد لو هم غرايب=اما النـــــــــــــــذل حذرا ولو انه اقرب
واعرف ترى الاجــــــواد عندي حبايب=ومــــــــالي مع الأنذال ماكل ومشرب
صالح الازوري [/poem]