السلام عليكم ورحمة الله
أجارني الله
وأياكم من كل داء
[poem=font="Simplified Arabic,6,black,normal,normal" bkcolor="white" bkimage="" border="solid,2,black" type=2 line=0 align=center use=ex num="0,black"]
الصغير إليا تفرعن شاف نفسه شافها = لين يصبح كل شي حوله من الطغوه صغير
يرسم القمّه لنفسه ثم يرقى اكتافها = ويحلف انه ماخِلق قبله ولا بعده كبير
يحلم انّه عانق الجوزا وضم اردافها = وضاعت ايامه وهو للنوم واحلامه أسير
ليلته من غير قمرا والوهم كشّافها = ما درى ان النور ما يشفع لمن قلبه ضرير
لا سألته قال شاف من الهموم اصنافها = والبلا توه قبل يومين من عشّه يطير
صاب روحه باالتعالي وانتشر بطرافها = لين خلّاه التكبر غير والباقين غير
ما يغير بالوقايع غير راس(ن) خافها = وما يزوّر بالحقايق غير معدوم الضمير
يشكي الدنيا ويشكي ظلمها واجحافها = ودنيته لو كان ماهو علّها كانت بخير
عافته من كثر كذبه مثل ماهو عافها = عظّم الله أجرها لا صارو امثاله كثير[/poem]