[align=center]بدون مقدمااااااااااااااااااااا اااااااااااات
واعتقد بدون مقدمات البعض يجد بها نقد لكن الانسان يكتب ما يميله عليه ضميره وحسب اقتناعه[/align]
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
مشكور يا جرح السنين وغيابه=فضلك قسم بالله مانيب ناسيه
علمتني..كيف الصبر .. والكتابه=وعلمتني كيف اتعّود أجافيه
وشلون اعمّر في عيوني خرابه=واعيش في هذا الزمن واقتنع فيه
مانيب كبش للرجال الذيابه=لكن بلاي!! الحب ملعون طاريه
حاولت اخبي مير كلن درابه=ورضيت اعيش بواقعي لو ما ابيه
وانسى حياتي بالسعه والرحابه=واضيق من ليل عزقني لماضيه
واجاهد افكار الغرام وصوابه=ما اعرف غير ابشر ولا اسئلة ليه؟
لاصار مالي حيلةٍ في جنابه=بقول .. وقت ولا مشى بكيف راعيه
يمون لازاد بخفوقي عذابه=مادام راضي في سيادة معاليه
مجبور اجامل في حياة الغرابه=وانسى وجيهن واتعرف على وجيه
واخفي شعورك يالندم والكأبه=واضحك لعين اللي اي منه وارجيه
سنه .. وكلن بالزمان اقتدابه=من دور حكام (......) ولياليه
تصوير دنيانا كما جو غابه=ياكل ملكها لبوة ماتعشيه
ااااامنت بالمعنى كثير التشابه=في وضعنااللي ماعرفنا معانيه
يعيش فيها من طوال نيابه=وكلن تحت منه وناسٍن تواليه
هذا وانا ماقلت شي ٍ عجابه= ذا منهج الدنيا وهذي مباديه
تبخري يابحور شعري سحابه=بمطر قصيدي لجل الاخضر واماسيه
بطير عن جو المدن واغترابه=واترك زمانن حدي في بلاويه
مع الشكر لك يالسنين وغيابه=منك تعلمت الزمن غربتي فيه[/poem]
رد مع اقتباس
