[align=center]
.. بسم الله ..
بـ دون مقدامات .. تذكر
لكم بسيطي الجديد .. كـ عربون تواصل
[poem=font="Traditional Arabic,6,indigo,normal,normal" bkcolor="transparent" bkimage="backgrounds/15.gif" border="double,4,indigo" type=2 line=0 align=center use=ex num="0,black"]
قال وين الموت الاحمر قلت من عينه يجيني=نظرةٍ منها بليد القلب يلعـن سـاس صبـره
نظـرةٍ تقـرا عليـه ليـن تفقدنـي يقينـي=وأجمع اشتاتي بعدها بين درب وبيـن عثـره
وقال وين الجوع قلت الجوع وكدته بعينـي=ساكنٍ في ساق خلي ويتمركز وسط خصـره
ان رقا جوعه ترده عـن طريقـه ضلعتينـي=وان حدر ماله من المحدار غير يصون قدره
وقال وين الخير قلت الله يعيـن الزهرتينـي=كل مايخطي له خطوه جاوبت له زهره زهره
زهرةٍ ماحافها عاشـق ولا جاهـا ضنينـي=محتميها حارسٍ قفله سكن فـي نـور قمـره
غير ثغرٍ لولا طعمه ماعرفت الـذوق فينـي=طاح سوقك يانحل مثل النخل ماطـاح تمـره
والنحر صفحه جميلـه حبرهـا وردٍ وتينـي=مير عيا يقبل انـه ينكتـب حبـري بسطـره
تحت مجدولٍ مبخر بأزرق العـود الثمينـي=كل مابله من الما جاب عوده فـوق جمـره
ذاك لا منـه لـفـا ماكـنـه الا منتويـنـي=يزرع ألغامه تحت رجلي ويكسرني بنظـره
كني قدامه كسير السـاق ومبتـور اليدينـي=مالي صرفه غير انادي ربي يلحقني بستـره
ياكثر ماكنت اقول الصبـر كلـه محتوينـي=وان لفاني ماتحصل فيني مـن الـدم قطـره
أنتفض واشوف موتي من يساري من يمينـي=واعذابي كان مت وصـرت للعشـاق عبـره
ليته يعاود ويسمـح ماحصـل بينـه وبينـي=وله علي اني مازعل خاطره ماعاش عمـره
اشهد ان ابوه وامه ماكسبوا حسنـات فينـي=ساعةٍ لافت به امه ساعـةٍ بالعـون قشـره
وهذا حظي من عرفته ماصفالي في سنينـي=ان حذفني في حديده وان تركني فووق جمره [/poem]
وسلامتكم
آخوكم ..../ حسين بن عزام العطاوي [/align]
رد مع اقتباس
