[poem=font="Simplified Arabic,4,darkred,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
يا ناهض الردفين يا غض الانهاد=يا ضافي المجدول يا باهي الخد
يا حالي المبسم على الريق لا جاد=أحلى من البارد على ضامي الكبد
ياما تحاشينا هواكم ولا فاد=إثر المزايح يالغضي عوّدت جد
أقرب من أقرب قُرْب لو كنتوا بْعاد=وأبعد عليّ من الجدي عن ثرى نجد
لا تبخلون الوصل يا جود الاجواد=و تْبدّلون الوصل بالهجر والصد
أنا معك من دون موعد وميعاد=والله على مااقول عالم ويشهد
عطني مواثيقك وخذ صكّ وإسناد=مدّ اليمين الوافيه وابشر بمد
إليا وعدنا للمواعيد وكَّاد=وإليا عطينا فالعطايا بلا حد
وإليا مشينا في المخاليق روَّاد=وإن زعزعونا ننطح الضد بالضد
وماني على مدَّاح نفسي بمعتاد=لفتة نظر عربونها صادق الود
لا ياخذك فينا وساويس حسَّاد=اللي بنوا في ماكر الغشّ مرصد
أخذ النصيحه قول شاعر و قصَّاد=إحذر من الواشي له ألفين مقصد
لا ترخي اذنك عند حامد وحمَّاد=حتّيش لو يقرون لك سورة الحمد
من بعدها يسعون في الناس نقَّاد=ويصير هزل البارحه عندهم عمْد
أنا ادري إنك يا حشى سود الاكباد=منتب على مثلي من الناس منحد
لكن أنا في حبكم غصب منقاد=وأثبت لك الحجه من اليوم للغد[/poem]
رد مع اقتباس
-new.gif)
