[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ديرةٍ ما أنتي وسطها لا حشا ما هيب ديره=والمكان اللي يضمك الأكيد أغلى مكان
يا امبراطورة حياتي يا المليكه يا الأميره =ما بقى في الحال شئ ألا بعد فرقاك شان
لك خفوقي غربّي به ما معي في الصدر غيره=ليت للخفاق نسخة كنت أبنسخ لك ثمان
لو تحدى الغير قلبي والله أنه ما يثيره=ما أحدٍ غيرك قوى لحظة على كسب الرهان
صدتك عني وبعدك حاجةٍ والله كبيره=لو أخفي الحزن فيني يا بعد عمري يبان
فيني جروحٍ كثيره مع سواليفٍ كثيره=لو عرضت جروح قلبي للحديد اليوم لان
امتحنتي الشاعر اللي ما سمع للحب سيره=لين شافك صار عمره بين لوعة وامتحان
ما معه غير الورق وأقلام حبرٍ مع حصيره=راح ليله بين يا وبين ليل وبين دان
لا الهنوف ولا تهاني لا ولا الأخرى شكيره= كلهن مثل السراب إليا طرت نظرة حنان
هو صحيح الكون فيه ألفين × ألفين ديره= لكن أرضك يا حياتي الأكيد أغلى مكان
.
:
.
تحيه عطره
محمد الدغيري[/poem]
رد مع اقتباس
