كشف تقرير خليل جلال عن سامي الجابر ..

[ابن-البلد]

مشكلتكم .. اقولها وأعيدها .. تكررون كلام إدارتكم .. ما لكم رأي مستقل

وش نسوي اذا كلامهم صح احنا نوافقهم
لاكن اذا كلام اداراتكم خطا لازم تخالفهم يا استاذ مفرح لأنك احد من ثنتين ..... الاولى انك تبحث عن الحق والانصاف
والثانية انك تعرف ان كلامهم ما يمشي على اصحاب العقول فأنت تلفق وتلف وتدور علشان تمشيه

[مفرح بن مناحي]

8

8

أسمح لي

ما فيه أحد كلامه صح على طول

علشان كذا ودي أسمع رأيك .. بالله ما اشتقت تسمع رأيك هههههههههههههههااااي

إدارتنا ياما اختلفنا معها .. وياما اتفقنا معها .. صراحة تحس إن مخك له فايدة .. جرّب وشوف

[ابن-البلد]

8

8

أسمح لي

ما فيه أحد كلامه صح على طول

علشان كذا ودي أسمع رأيك .. بالله ما اشتقت تسمع رأيك هههههههههههههههااااي

إدارتنا ياما اختلفنا معها .. وياما اتفقنا معها .. صراحة تحس إن مخك له فايدة .. جرّب وشوف

في الاشياء الي اطلعت عليها تقريبا صح على حد علمي
اماعلى مخي الي مو عاجبك
انا مؤدب مثل ادارتي ولاني راد عليك في هذي يا عزيزي

[مفرح بن مناحي]

8

8

وأحد جاب سيرة مخك يا ابن البلد

أنا قلت :

إدارتنا ياما اختلفنا معها .. وياما اتفقنا معها .. صراحة تحس إن مخك له فايدة .. جرّب وشوف

أنا أتكلم عن مخنا حنا هههههههههههههههههههههههاا اااي


طيب اطلعت على بيان رئيسكم يوم تمّ إيقاف راودي .. ؟!!
بالله رح شف تصرفات إدارتكم مع الناس .. شوفة نفس .. هل هذا الشيء عاجبك بعد ؟

[أبوعبدالرحمن]

مفرح

الإدارة اللي تجيب البطولات هذي كلها لازم نثق فيها وفي كلامها

وهي على طول صح

اهم شيء جمهور الهلال مبسوط بالبطولات


وجمهو النصر يحقق بطولات انشائية في المنتديات

[مفرح بن مناحي]

ههههههههههههههههههههههههه ااااي

أبو عبدالرحمن

القصة ما هي قصة بطولات

خذ مثلاً منصور البلوي .. جاب بطولات للاتحاد .. ومع ذلك ما سلم من الانتقاد سواء من جمهوره أو من ( جمهوركم ) .. !!

أنا ما أقول سبّ إدارتك .. أنا أقول .. على الأقل حط وجهة نظرك .. !!

مشكلتك فاهم الانتقاد على إنه سب .. !!

نصيحة .. لا تكثر من قراءة الجزيرة والرياض قبل الغداء .. !!

[نـــادر]

ماعرفنا لكم

لاتسمعون كلام الادارة

نبغااكم تسولفون انتم ولا تصدقوون شي

والله نتكم في قربه مشقووووقة

مع احترامي للفقراااويين


المخ ميييييييييييييييح مافيه بطولة تنشط الذاكرة

[خــــالـــــد]

هههههههههههههههههههههههها ااي انتقاد مهوب سب
حلوووو لا زم يكون عندك شرف .. يعني انتقاد
يا سلاااااااام عليك يا خالد والله جبتها

أحلف عاد إن الحكم ما اتهم سامي ؟!!
طيب والتقرير اللي طلع .. مكتوب فيه إنه قال : جبان بالثلاثة خخخخخخخخ
وألا ليه توقف
شفت إنك تجي مدرعم أحياناً وترد لمجرد الرد بس

يعني سامي توقف أربع مباريات .. لييييييه ؟
الجواب لأن الحكم كتب فيه تقرير وقال إنه تهجم علي في الملعب وقال ( جبان )

أما اللي في القنوات .. هذا طال عمرك ما هو من اختصاص الحكم يكتب فيها .. من اختصاص لجنة الانضباط .. !!

تعبت وأنا أفهّمك

أما كأس العالم .. وين سامي عن روحته لكأس العالم 2002 والثمانية المشهورة .. ليته نصح نفسه هههههههههههههههههههههاااا ي



حنا ما قلنا إن أحد قلد فيصل بن تركي .. ؟!!
تدري ليه .. لأن فيصل بن تركي .. هو اللي قال بنفسه .. وهذا يكفي .. !!
لكن أنتم رئيسكم .. الناس اتهموه في قنوات كثيرة .. وكان موجود في رئاسة الهلال وراح .. وللحين ما أنكر الشيء هذا مع أنه اتهام خطير ... !!
شفت الفرق وأنا أخوك



أنا أتابع النصر وبرشلونة بس ما أتابع الرياضة كلها هههههههههههههههاااااي

أهم شئ إنك مرتاح




وش دراك إنه بيتوقف .. دايم تجيب العيد في نفسك يا خالد .. تناقض في ردودك .. !!
بعدين من اللي قال إن الهلاليين ما يعترضون .. ؟!!
ما تذكر بيان رئيسكم بعد ما وقفوا راودي مباراة وحدة بس .. يقول تبوني أترك الرئاسة تركتها .. ما خلا شئ ما قاله .. !!
خالد لا تقعد تزور الحقايق .. ترى فيه ناس هنا من جمهوركم .. ياخذون بكلامك على أنك مصدر ثقة .. !!
وعلشان ما يجي أحد ويعيد في موضوع اعتراض ابن مساعد خذا رابط بيانه من جريدة الوطن :
جريدة الوطن السعودية-رئيس الهلال: لجنة الانضباط تضغط للإطاحة بي

ما تعجبك الوطن .. صح ؟!!

هذا رابط من موقعكم :

اخبار نادي القرن ليوم الاحد 17/1/1431هـ من الرياضيه والأقتصاديه وعالم الرياضه والحياة - منتديات شبكة الهلال


المهم يا خالد لا عاد تجي وتغالط نفسك وتقول كلام إنشائي .. لاحظ إني ما أكتب إلا بأدلة .. !!




يعني كأنك تقول : يا جماعة العذر والسموحة .. ترى ما عاد عندي شئ .. !!
خالد .. اختلافك معي بس .. على أن سامي ما تلفظ على الحكم في القناة الرياضية .. وإنه يوم قال ما عنده شرف .. يعتبر انتقاد مهوب سب .. !!
أما اللائحة ما أعتقد إنك تختلف معي فيها .. لأنها صريحة .. ولا هو أنا اللي حاطها .. !!

اترك الحكم للي يقرا الموضوع
إذا كان سامي تهجم على الحكم في القنوات الفضائية .. فهو يستحق إيقاف ست شهور .. !!

[align=center]
قسم بالله يا مفرح كلامك ما فيه جديد

يعني تبغى أرجع مرة ثانية وأعلق بنفس الكلام ؟!

ومشكلتك يا ابن الحلال تمسك كلمة وتترك سطر وهذا يفقد النقاش هدفه

ودخلتنا في مليون موضوع

عموماً .. مختصر ردي ولن أزيد ( سامي يستحق ايقافه 4 مباريات وأنا أقول يستااااهل ) مع اني أحبه

لكن بعض الناس تطالب بشيء ولا تشوف نفسها ..
رؤساء أندية يتراشقون بتصاريح .. رؤساء أندية لجان في الاتحاد السعودي ومع ذلك تمر مرور الكرام من دون حسيب ولا رقيب ..



انتهى ردي هنا


[/align]

[مفرح بن مناحي]

8
8

لا جديد

(( كلام إنشائي للهروب من الحقيقة ))


خالد والشلة الباقين .. خذ الكلام اللي يجمد على الشارب :

سامي تكلم في القنوات الفضائية على الحكم وتهجم عليه وألا لا ؟
إذا كان الجواب : لا .. فأنت الظاهر قاعد تشوف قناة سبيس تون .. ما تشوف القناة الرياضية السعودية .. !!

إذا كان الجواب : نعم .. فهو يستحق الإيقاف ست شهور وغرامة 30 ألف ريال .. حسب اللائحة اللي موجودة .. !!


هاه وش قلتوا ؟

واتركني من سالفة شرف اللعبة وغيرها .. واتركني من تصاريح المسؤولين عن الأندية .. أنا أتكلم عن هالحالة ... !!

هذا هو باختصار الموضوع

[اللوفر]

88




يعجبني القوي والصريح هههههههههههههههه

[مفرح بن مناحي]

وش نسوي يا اللوفر

أحياناً النقاش يكون ممتع .. وأنا حاولت أطوّل النقاش علشان الكل يستفيد

لكن في الأخير عطيتهم الكاش

ههههههههههههههههههههههههه ههههااااي

[ابن-البلد]

وش نسوي يا اللوفر

أحياناً النقاش يكون ممتع .. وأنا حاولت أطوّل النقاش علشان الكل يستفيد

لكن في الأخير عطيتهم الكاش

ههههههههههههههههههههههههه ههههااااي

يعني لازم نقول ان سامي طعن في شرف جلال وفي اهله مثل ما تقول والا نكون غلطانين
امرك غريب والله

[ابن-البلد]

مقال ذو صلة بالموضوع
كلنا نعرف سامي الجابر نجم المنتخب السعودي لكرة القدم وما قدمه لفريق بلاده عندما كان لاعباً ولكنه انتقل للعمل في صفوف الإدارة الكروية بنادي الهلال.. وأثناء مباراة فريقه مع فريق النصر.. اعترض علي حكم المباراة خليل جلال الذي توجه إليه علي الخط واتهمه سامي بالجبن في لحظة انفعال ملعب كما يقولون فما كان من الحكم إلا أن طرده خارج الملعب.. لم يحاول الجابر ان يعترض أو يتمرغ في الأرض أو يخلع قميصه.. أو يجري وراء الحكم في محاولة للاعتداء عليه.. لم يحاول ان يثير جمهور الهلال.. لم ينطق بكلمة واحدة وغادر الملعب منفرداً ليس كما يحدث عندنا محاطاً بكوكبة من المسئولين وكبار ضباط الشرطة يرجونه الخروج ولكنه يرفض.. وبعد دقيقة كان الجابر قد نفذ طلب الحكم وانتهي الأمر.

اللجنة الفنية بالاتحاد السعودي قررت ايقاف سامي الجابر أربع مباريات وتغريمه عشرة آلاف ريال سعودي.. لو كانت هذه الواقعة في الدوري المصري لاتهم النادي الحكم بالخسة والندالة ولاتهم الاتحاد بأنه يجامل الفريق المنافس وكنا قرأنا في الصحف المتحيزة عبارات كثيرة جداً منها ماهو مألوف ومنها ما هو خارج عن المألوف.
المهم أن الجابر كان في جنوب أفريقيا واتصلت به قناة العربية لتعرف رأيه في العقوبات التي صدرت بحقه فما كان منه إلا أن قال إنه يستحق هذه العقوبات بسبب نرفزة الملعب وانه يتقبلها بصدر رحب وانه يقدم اعتذاره علي الهواء لحكم المباراة الذي وصفه بأنه صديقه وتربطه به علاقة متميزة.. لم يقل الجابر انه سيتعرض علي هذه العقوبات ولم يهدد ناديه بعدم اللعب في المباريات القادمة مالم يرفع الايقاف عنه وكذلك الغرامة.

محمد جاب الله
* نقلاً عن صحيفة "الجمهورية" المصرية

[مفرح بن مناحي]

8
8

ما يحتاج تجيب لنا من الصحف الخارجية


أنت وش تقول عن كلام سامي في القناة الرياضية ؟!!

واترك عني النقل من أي صحيفة .. يا أخي قل رأيك هههههههههههههههههههااااي

اووووووه نسيت مبروك التأهل .. بس الفوز صعب على الفريق الأساسي للنصر .. ولو كان المدرب غير ذا المدرب كانت علووووووم