ياخاطري منت بعلى الوصل مجبور
(من لايــعدك ربح عـده خســـاره)
لو ماتعذّر منه عارفك معــذور
ولويعتذر لك مايفيد اعتــــذاره
مادام مايملك احـاسيس وشعور
خله ولا حتى تصل استـخـاره
قلّه على اللي صار لي منك مشكور
ابـد عــت في رد الجميل بجـداره
رديت لي قلبٍ من الحزن مكسور
وجزاته انه كان رهـن الإشاره
واوعدتني وعدٍ مثل وعد بلفور
واحرقت قلبي مثل حرق الزقاره
واسهرت عيني في رجا شوفك شهور
واشغلت فكري لين مل انتظاره
اجيك واضح وانته تلف وتدور
يمكن تحسب ان المراوغ شطاره
غلطان من يزرع غلا فارضك البور
مايجني الا نكـــبته وانهــياره
واللي يبي يمشي ولا يسمع الشور
لابد في لحظه يضيّـع مســاره
الله الله
نص ملئ بالجمال
شاعرية وعذوبة
سامي العطاوي
أبدعت في رسم المعاني وإنتقاء المفردات
وجزالة وسلاله وترابط روعهـ
ومن لايعدك ربح عدة خسارة
هذا البيت يعد ديوان
مزيدا من التميز
مع شكري وتقديري