طاوعك قلبك

[عوض النعيمي]

[poem=font="Simplified Arabic,5,white,bold,normal" bkcolor="coral" bkimage="backgrounds/21.gif" border="double,9,sienna" type=2 line=0 align=center use=ex num="0,black"]
تصورتك اذا خان الجميع تكون لي وافي=اثاريك انت لي دم الخيانه يجري بدمّك
تبيع العهد واحلام الغرام ومورد(ن) صافي=لك الله كيف ترضى فى حبيب يموت من همك
تبيع اللي مشى لجلك على صخر الالم حافي=تحدى لجلك ضروف الزمان وبالغلا ضمك
غريبه طاوعك قلبك تقطـّعني من اطرافي=وانا اللي من شتات امسك بصدره للأسف لمـّك
انا الغلطان في حبك هقيتك اجمل اهدافي=وسلمتك مفاتيحي وسجّـلت الامل باسمك!
عليك الدمع من عيني يهّد القلب ياكافي=اغض العين عن كل الوجود وشوقها يمّـك
عشقتك لين بعثرني الهيام وشتت اطيافي=اريد انساك لكني اعود بشوووق واهتمّـك
صراحه صرت في بُعدك جريح وبيّن الخافي=أحبك مووووت واتمنى يثور الشوق في دمّك [/poem]

[طيف الوله]

تصورتك اذا خان الجميع تكـون لـي وافـي
اثاريك انت لـي دم الخيانـه يجـري بدمّـك
تبيع العهد واحلام الغرام ومورد(ن) صافـي
لك الله كيف ترضى فى حبيب يموت من همك
تبيع اللي مشى لجلك على صخر الالم حافـي
تحدى لجلك ضروف الزمان وبالغـلا ضمـك
غريبه طاوعك قلبك تقطّعنـي مـن اطرافـي
وانا اللي من شتات امسك بصدره للأسف لمّك
انا الغلطان في حبك هقيتـك اجمـل اهدافـي
وسلمتك مفاتيحي وسجّلت الامـل باسمـك!
عليك الدمع من عيني يهّـد القلـب ياكافـي
اغض العين عن كل الوجود وشوقهـا يمّـك
عشقتك لين بعثرني الهيام وشتـت اطيافـي
اريد انساك لكني اعود بشـوووق واهتمّـك
صراحه صرت في بُعدك جريح وبيّن الخافـي
أحبك مووووت واتمنى يثور الشوق في دمّك

جرح المووووده

اعترف انك هنا خاطبت فينا اعماقنا

ابياات رائعه ومعاني مغلفه بالحزن

بوح صادق من قلب عاشق

ليس امامي الا ان اقول

صحححح قلبك ملاااييين :برافو: :برافو: :برافو:

[سود العيون]

جرح المودة
اولا : تحياتي لقلمك الباهر

وثانيا / صح قلبك وقلمك ,,


كـلمـات بمنتهى الروعة والجمـال ,, تأثـرت بهـا كـثيرا ,,



حفـرتهـا داخـل قلبي وعقلي ووجدانـي ,,


أشكـر قلبك عـلى صدق حروفك ، وشاعرك ،


زدنـا من مطر قلبك , ولا تبخـل ,

دعني أسجل اعجابي بكل ما كتبت


تقبـل تحـياتـي ,

أختك : سووووود العيون