السلام عليكم جميعا هذه اول قصيده انثر حروفها لكم في غرابيل
اتمنى ان تصل لكل قلب وترضي الذوق بكل اطيافه ..
قلبي يطــاوعني اذا مــا دعيـــته
..... وانا لـه اطوع وامتــثل لا دعانـــي
قلبٍ امرته امــس لاجــلك , نهيـــته
..... عنك وتبعني طايـــعٍ ما عصـــاني
او تحســب انك واحــدٍ لا هويتــــه
..... اصبر على ظيمه او اشكي واعاني
الشوق يامــغرور فينــي قويـــته
..... واحييت فوق اشلاه احساس ثانــي
الـحب يوم القـاك ياشيــن لــيــته
..... تاه , وبعد مـا راح وقتـك لفـــاني
مشاعري غصنٍ على ارضك وطيته
..... كم زدت _ كبر _ بوطيته يا انانــي !!
زدني صدود وخذ حضـورٍ عطيتــه
..... دام الحضور اللي عطيتــه ثوانـــي
(لا واحسـ ـ ـ ـافه كم نهارٍ قضيته
..... في حب شخصٍ مستهين بحنـانــي)
ابكي على اللايام واللــي رجيتـه
..... منك وغرامٍ فــاق كــل المعــــاني
والا انت !! هم وعن كتوفي رميته
..... واثار جـ ـ ـ ـ ـرحٍ منه ربي شفاني
وسلامتكم ......