لا يمكن لأي حد ( خواجه أو غير خواجه ) يزور مصر مهما كان وما يسألش عن البيراميدز والتلاته
ولا عن السفنكس اللى قاعد زى الأسد في الصحرا والشمس عمالة تلسع في دماغ أمه هههههههههه
( ربنا يحرسهولنا كمان وكمان عاملنا حس وسط الدول النامية والنايمة والحامية كمان ههههههههههه )
وبالفعل وانا في المطار سألتني ( المووزة اللى جاية معايا من هناك ) هي فين البيراميدز بتاعتكم ؟
قلتلها بتريقه ( تقريبآ كده مأجرنها النهارده )00 ههههههههه
كانت عايزانا نطلع من المطار علي الأهرامات وأبو الهول علي طول
قولت في عقل بالى بنت المجنونة دى الواحد ما صدق وصل علشان يروح لأهله ودى عايزة تعط هنا وتعط هناك
المهم ربنا كرمنى وعرفت أعقلها وأطلع ( العفاريت ) اللى في دماغها وقولتلها بكرة إن شاء الله من النجمة
(هاشعلقك علي الأهرامات وأركبك علي أبو الهول ) 00 ( وبنت المجنونة صدقت ) هههههههه
وروحنا الصبح من النجمة الساعه ( 2 ) الضهر كده علي الأهرامات هههههه ( قال من النجمة قال )00 وبيني وبينكم
انا رايح وانا ايه نافخ نفسي وعامل فيها إبن بارم ديله وحاسس إنى ياما هنا ياما هناك
تقولوش خوفو ده كان ( جوز أختى ) هههههههههههههه !!! ما علينا
سألت اهل الخيراللى مرميين في كل حتة في الأهرامات فين يا جدعان الناس اللي بتفسح إخوانا البوعدا السواح
علشان هما أدري منى ويلففوا ( أمها ) الأهرامات حتة حتة ( علشان ترجع وتقول إنى عملت معاها أحلى واجب في بلدنا )
وبعد رحله طويله ما بين شباب روش طحن حاتط جيل في شعره وراسم تاتو علي قفاه
لشباب أروش منهم شعرهم طايل سلسلة قفاهم وشكلهم كده الميه مقطوعه من عندهم بقالها ييجي أربع سنين 00
المهم قابلت المعلم بتاعهم المسؤل عن الجمال والحصنة والذى منه :
[align=right]قولتله : سيجاره يامعلم؟
قالي : شكرا يا باشا المدام دى والا ايه ؟ شكلك مصري مش خواجه 00
قولتله :أيوة يا عم الحاج مصري وإبن مصري بس دي واحده صاحبتي جايه مصر زيارة عالسريع كده وقولت أفسحها
قالي : منين بقي الموزمازيل
قولتله : من إيطاليا إيه يا عم أنت هاتتجوزها
قالي : لا يا عم ربنا يخليلنا زبيدة أم العيال هههههه ( قال زبيده قال ) 00 وبعدين إيطاليا حتة واحده ؟
قولتله : لا حتتين بس دي أول حتة الحتة التانيه مامسوكة في المطار ببانجو هههههههههههه
قالي : بص يا باشا فيه تلات رحلات واحده كبيره وواحده متوسطه وواحده كده مش من مقامك
خمنت طبعآ انها هاتعتمد علي ( البرادس ) الفلوس يعنى 00 وكل رحلة ليها سعرها 00
قولتله : اديني اللي مش من مقامي دي يا معلم
قالي : لا ازاي يا باشا دى مش من مقامك 00 أنت مقامك في السما
قولتله : ( في سري طبعآ 00 سما يا أبن النصابة ) إحممم بكام يعنى يا معلم
قالي :هتركب جمل ولا حصان ولا حنطور
قولتله : ما فيش ( حمار ) ولا ( معزة ) ههههههههه 00 أستنى لما أسألها ( وطبعآ أنا عارف إنها هاتختار الجمل )و ( وزى ما توقعت إختارت التلاته ) هههههههههههه بس هاتبدأ بالجمل ( كان يوم أسود يوم ما بنوا الأهرامات )
قولتله : عايزين جمل يا معلم
( وروحت ضارب إيدي في جيبي ومطلع له عشرين جنيه حتة واحده وأنا نافخ نفسي علي الأخر )
وقولتله : خد يا معلم وخلي الباقي علشان ( الجمل ) هههههههههه
قالي : باقي إيه يا أسطى
قولتله : أسطى00 !! هى وصلت لأسطى
قالي : أنت عارف الجمل بكام 00 الجمل بـ 180 جنيه أركبك إيه بقي بالـ 20 جنية بتاعتك دى 00
أقولك تاخدلك لفة وأنت متشعبط في ديله ههههههههههه
قولتله : باين عليك ظريف قوى يا معلم 00طب ما تاخد 30 جنيه وتشعبطنى علي ركبه شوية ههههههههههه
يا معلم إحنا عايزين نلفف بنت الهبلة اللى جاية تقرفنا هنا فى مصر دي شوية تقولي أنت 180 جنيه
قالي : ومالوا يا بيه طب وحياتك انت أنا ما رضيت اقولك 280 جنيه
قولتله : ليه يا معلم هو أنا هاخد جمل أتفسح بيه ولا ها خده أدبحه في العيد
قالي : بقولك إيه يا سي الأستاد ناوى تركب الموزمازيل اللى معاك إدفع 00 مش ناوى إتكل علي الله 00
لقيتها بصتلي ولمت حواجبها جنب بعض وعملت قورتها مية وحداشر 00 ولقيتها بتسألنى هو فيه إيه ؟
قولتلها : ( وأنا راسم الدور طبعآ ) أصل الجمل اللى عند الراجل ده عنده ( أنفلوانزا الطيور ) يلا نجري ههههههههه
وجريت الهبله [/align]
عايزين تعرفوا جرينا وروحنا فين ؟
خليها المرة اللى جاية
يلا سلالالالالالالالالالامو عليكو
رد مع اقتباس
