هذه القصيدة رثاء في ابنين من ابناء الرس وهما الاستاذين : الاستاذ : بدر بن عبدالله الجدعي والاستاذ : وليد بن محمد القزلان وهما من طلبة العلم ومن حفاظ القرآن الكريم توفيا اثر حادث مروري على طريق الرس عنيزة عندما كان متجهين لحضور درس في مسجد الشيخ ابن عثيمين رحمه الله
[poem=font="Simplified Arabic,4,black,bold,normal" bkcolor="transparent" bkimage="./images/backgrounds/.gif" border="double,4,black" type=2 line=0 align=center use=ex num="0,black"]
سر ياقلم واكتب على بيض الورق حرف القصيد=اكتب قصيدة من ضميري والحزن عنوانها
للموت ساعه لادنت مَحد(ن) عن الساعه يحيد=اعمار قدرها الولي وامحدده بازمانها
البارحه علم(ن) لفاني والبلا علم(ن) اكيد=عقب العشا جاني على الهاتف يبث احزانها
عقب العشا جان الخبر عن موتهم بدر اوّليد=الله يرحمهم ويسكنهم فسيح جنانها
ليل الاحد ليل الحزن والدمع والجفن السهيد=يوم المنية بدلت ثوب الغلا باكفانها
ليل الاحد ليل العنا والهم والفكر الشريد=عسى الولي ربي يخفف من لهيب اشجانها
تقتلني الدمعه على خد الطفل حره وقيد=لامن فقد غالي وتاهت دمعته باجفانها
الله يعين قلوب تغليكم على الوقت العنيد=الله يلهمها جميل الصبر مع سلوانها
مثلك ومثله يابدر لامات بالدنيا فقيد=ياسعد من مثلك ومثله حافظ(ن) قرآنها
دربك ودربه يابدر باذن الولي درب(ن) سعيد=واعمالكم باذن الولي ربي رجح ميزانها
يالله يارب القمر والشمس والنجم البعيد=يالله عساهم في جنان الخلد من سكانها
والخاتمه صلوا عدد ماناض برّاق(ن) جديد=على النبي اللي نسخ دينه جميع اديانها
[/poem]
[align=center]شعر / منصور بن عبدالله المجيدل
القصيدة بصوتي
[rams]http://www.alrs1.com/sot/bdr&waled.ra[/rams]
رابط الحفظ
رحمهما الله وغفر لهما وأسكنهما فسيح جناته
انا لله وانا اليه راجعون[/align]
رد مع اقتباس
