في يوم من يوميات القايله ...الحصه الثالثه..حيث كان القمر ساطع ..و يرسل خيوطه الذهبيه على شوشتي...
وكانت السماء ملبدة بالغيوم..والرعد يشق السماء الى ربعين...
السمااء شوووي ويتساقط عليناا ثلج . ...احسست ساعتها بحرارة الجو القارص ...
نضيف بالماضوووع <-------- يقالك مؤثرات صوتيه
واسمع صوت الطالبه وهي تشرح..والمعلمه وهي تسطر خويتي... والمراقبه تعد الحظور ..لان فصلنا خمسه غائب..
خوفا من اختبار الاحياء المرعب....وانا داخله عالم ثاني وافكر بـ الفسحى ... لانه باقي ساعه الاربع وتصفر صفارة الانذار للفسحى...
وكالعاده ماذاكرت لاختبار الاحياء...لاني مااحب الاحياء..كلوووه عن ارسمي دوده ميته.
.نبذه عن حيات شاعر<<<درس داخل عرض
وصنفي الحيوانات على حسب بيئتها...وكل ذي الخرابيط انا مااعرفهاا...وتكلمي عن حياة الدب
اللي ذاك اليوم ابلتنا قالت لزميلتي..اين يعيش الدب,,,قالت : يعيش في بيت فش فاشه..
وانا اللي امصع اذنها والكها بسطار..>>>انواع التحطيم...
ومااشوف الاابلتنا الشمطاء..تقول يابنات فرقوا الطاولات وخووووذوا الاسئله...
وناخذالاسئله...وماشوف الا سؤال واحد بس....
وهو صنفي الحيوانات التاليه واكتبي نبذه موجزه عنها....(دب-نمله-اسد-)
وانا اللي آعصر وافغص برأسي يمكن يطلع شئ منا والا مناك... والا هناك لكن لاحياة لمن تفغصه
وتعصرُه وبأت هالمحاوله بالفشل <<< مصطلح جديد....
اناظر يمين شمال ومااشوف الا الفصل كلوووه غايب....مافي الا انا ومصريتين مخبيين اوراقهم عني
وسودانيه مابعد تكتب اسمها...وصقيقتي جنب الباب..>>انواع التوهق.
قلت يابنت مافي الا انك تستخدمين قواك العقليه ...وقدراتك العضليه. ..وسمي بسم الله :mf_popean وجاوبي...
وقلت لازم ابدأ بالدب صقيقي<<<من نفس الفصيله...وصنفت الحيوانات كالتالي..
[fot1]طائـــر الدب [/fot1]
طائر فريد من نوعه وهو ليلي ( واضح اني تورطت ) ...رشيق القامه وينطط في صحراء الربع الخالي
حراشفه سميكه جدا ...ويتغذى على نبتة الصبار والفقع>>>ابوك يالنصابه...
ووزنه خفيف...مثل الريشه ...
[mark=66FFFF]الموطن:[/mark]
إفريقيا.جنب بيت شغالتنا.الجزيرة العربية..وماليزا
[mark=66FFFF]معيشته: [/mark]
في المناطق ذات الطبيعة الصخرية أو ما بين حقول البترول
[mark=66FFFF]التكاثر:[/mark]
تتكاثر بالبيض ..
وتدفن اطفالها بعد الولاده....واذا فقصت البيضه وخرج خمسطعشر دبا منها ..
تقوم الام الدبه مع الاب الدب بأكل الدببه حديثي الولاده....ومايتبقى الا دبا واحد ويدللونه طيلة حياته..ويسمونه اخر العنقوود
[mark=66FFFF]صوته :[/mark] بقيق..يقول بق بق
[fot1]حشــرة الاسد[/fot1]
هذي الحشره اللطيفه...ليس لديها اسنان ..وتتغذي على الحبوب والحشرات المنزليه...
وهذا الاسد غالبا مايسمى بأسد مطابخ...ومن هواياته..مداعبة الاطفال الصغااار...
ويمكن القضاء على هذي الحشره برشها بالف بااف ...ويغطى جسمه بالريش
[mark=FFFF66]الموطن:[/mark]
في القطب الشمالي المتجد..وفي مضيق باب المندب>>>جايبه مصطلح جغرافي خطير
[mark=FFFF66]معيشته[/mark]
يسكن الاسد في الجحووور والمنازل(المطابخ) وفي الشقوق الشجريه..>>شايفة يغرد ويقول (مباع).
[mark=FFFF66]التكاثر:[/mark]
يتكاثر الاسد بالبيض واذا فقصة البيضه تقوم الاسده برضع صغارها
ويقوم الاب الاسد المجرم ويلشط صغاره اذا ماتعلموا الطيران>>اي هين
[mark=FFFF66]صوته:[/mark] هديل الاسد>>>اختها ماتنام الاعلى صوت الاسد
[fot1]النمـــله المفترسه[/fot1]
هذي النمله الشريره ..ذكرتني بكي ايتها المعلمة الشمطاء..تقومين وتقرصينني...
يكسوها الفرو من ثلاث جهات وهي شبه جزيزه..>>>تسمع الفصل اللي جنبهم يدرسون جغرافيا..
لونها ابيض..ولديها اسنان تشبه اسنان الاسد...وتتغذى على الانسان..
[mark=FF6699]الموطن:[/mark]
وانا اللي اتوهق لان كل المناطق خلصوا من عقلي..واقوول..في الشرقيه ..وجبال اجا وسملى ..وفي استراليا الصغرى
[mark=FF6699]المعيشه:[/mark]
تعيش هذي النمله المتوحشه ..في الغابات الاستوائيه وفي قاع البحر جنب بيت الحوت
[mark=FF6699]التكاثر:[/mark]
تتكاثر النمله بالولاده....واذا ولدت لاترى طفلها وذلك تبيعه على جارتها لانها لاتملك مايسد رمق عيشها>>>احلاك يالمكسيكيه
[mark=FF6699]صوتها :[/mark] نهيق
من انا في ثاني ثانوي والى اليوم ..ابلتنا الخبله ماصححت ورقتي ...تقوول ورقتي تنافي الذوق العام...
بس ياناس ياعالم الظاهر بصير مشهوره :خجل: ...لان ورقتي حقت الاجابه راح يرسلونها
للجامعه الامريكيه ويعلقونها على خشم رايس عشان يعدلون موسوعاتهم لعالم الحيوان..:واو: