جديدي .. يا قصيدي

[عبدالعزيز عبيد العدواني]

الله اكبر ياقصيدي كيف ماتنساني

اثرك اصدق من وفى لي يوم صدو عني

ما حسبت حساب من صدو وانا العدواني

كل ما ضاقت علي اكتب شعر واغني

دام عندي من رصيد الشعر ما هقواني

مستريح ولا رجيت اللي يخيب ضني

اتنقل في بحور(ن) عرفها ما اشقاني

هاجس(ن) لا دق قمت استعرضه من فني

ابو فارس قدوتي والصدق في ميداني

ومن عرفهم خاطره طول المدى متهني

إيه يادعاس ووصاتك ترى بلساني

اتلذذ كنه بما قلت لي متحني

لو يصفون الخلايق كلهم من شاني

ما تنحت ضيقة(ن) من ثقلها متعني

القصيد اللي يوسع صدري الشفقاني

وان بغيته يارفيقي بالحشا متثني

الرسن متجود(ن) به والحصان حصاني

والبنات ابكار فكري يوم اصوت جني

لو تمايل بي حداهن عذت من شيطاني

ما كتبت الشعر وانا ابكتبه متدني

يا قصيدي الله اكبر كيف ما تنساني

اثرك اصدق من وفى لي يوم صدو عني

[أبوعبدالرحمن]

جزله ومن شاعر جزل


صح قلبك وكلك


وسلمت اناملك


تحيتي لك

[>>متعبه عسآفهآ<<]

صح لسانك ^ لاهنت

[أنـ الذكريات ـين]

عبدالعزيز العدواني


صح لسانكـ..



سلمتـ


تحيتيـ

[مطلق الحمدي الجهني]

صح لسانك ياالعدواني
قصيده راقيه في معناها وفي مبناها
تقبل إعجابي
تحياتي لك

[سامي العطاوي]

عبدالعزيز العدواني

صح لسانك ملايين

ابدعت لاهنت