***
**
*
قال ابتعادك ضرني //والقلب//من زوده طِفش
أرجوك وضح من أنا وش كنت من بين الصفوف
*
قلت وقسم// ما كل بِعدٍ // صارَ معنى للطنش
مره لنا //ونلتقي واحيان // تكسبنا الظروف
*
لو هي بهوانا ما لقيت الي// على متن النعش
بس الأكيد ان القدر ماضي ومن فوق الأنوف
*
لكن عزايه بسمةٍ// ماتت //بلــــوعات العطش
خذها دليلٍ سَدِّني //عن كل عذرٍ أو حلوف
*
يا شمس وجهي لا تظن البعد بك وحدك بطش
البعد لا منه //توســـــطنا //بتلقابي خسوف
*
أرجوك لا ترخص// حبيبٍ /ما يخبي ولايخش
تقوى عليّ لكن أنا لي// حق انك بي تروف
*
معقول با سلى من جعلني// دون ضيقه أو طفش
يا كيف با حيا والعمر دونك أسى مليان خوفْ
*
من يكسب أيـامي// حلاها //ونت حسي لانتعش
من يِقدِي اقْدامي لْرَجاها ونت عيني الي تشوف
*
كلك حلا صدرك زهر// وانفاسك //الحلوه مَرَش
وان جيت اقارن بك بكفي قلت لك كل الكفوف
*
يا فسحتي من كربتي لا ضاق// قلبي وابتلش
يالي عقابه مغفره// ياارهف أحاسيس العطوف
*
يكفي ترى لا صرت احبك دون زيفٍ أو غشش
ودامي كذا لا تستهم /البعد أو تخشى العزوف
*
---فهد العتيبي---
*