حبيب الورد ...
قال هاك الورد كله قلت هاته
و انت هاك اللي لغيرك ما عطيته
يا حبيب الورد لا تأخذ صفاته
مابقى للورد وصف ٍما خذيته
جيتني والقلب يكتب في وصاته
و أنتثر قلبي على الطرس وقريته
ليه تزعل منه يا ادنى دانياته
و انت منه وكل ما يضمى سقيته
امس لف الحزن قلبي في عباته
و ابتديت ارسم معاه حدود بيته
ما شكيته يوم تخنقني جهاته
بس يوم انه خنق قلبي شكيته
لا تلوم القلب يا ماه و نباته
قل فمان الجرح والا قل فديته
خل وقتك بين جرحه و امنياته
و ان بكيته لا تقول انك بكيته
هات جفنك للسهر في مقبلاته
و افهق نعاسك و لا تطري مبيته
ما بقى للفكر من شرّد بناته
غير شعر ٍ كل ما يُكتب محيته
بين همي و آخر الوقت وشتاته
جيت كنك مطلع النور وسريته
و قلت يالله لا تخليني شماته
لا يصير الصدق ذنبي لا جنيته
يا شقيق الطيب بأسماه و سماته
كل حرف لطاري ايامك دعيته
و القصيد بيدك محياه ومماته
قلي اكتب وان بغيت انسى نسيته
يوم جبت الورد كله قلت هاته
لا تخليني و كني ما خذيته
للشاعر : عبدالله ذويبان
رد مع اقتباس
المشاركة الأصلية كتبت بواسطة أنـ الذكريات ـين
