[align=center]للتواااااااصل يالنشاما معكم في هذا الصرح الشامخ[/align][align=center]
قصيدة بعنوان عقد الألماس آمل أن ترتقي لذائقتكم [/align]
[poem=font="Simplified Arabic,6,undefined,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
سر ياقلم وأكتب جديد المعاني=أكتب جديد الشعر من فكر وإحساس
من فكر ابن بلعوس هات السماني=هات البيوت اللي كما عقد الألماس
اللي تجمّل عند قاصي وداني=مثل الدرر مصفوفةٍ بين الأقواس
نظمتها من هاجس ٍ ماعصاني=من هاجس ٍ يلعب على كل مرواس
من هاجس ٍ عشره ماترجع ثماني=لا طالت الطرقة على أقصار الأنفاس
قريحتي من فضل ربٍ عطاني=تفرح ليا ولمت حبر ٍ وقرطاس
وأبعد هدفها عن أدروب الطماني=لي شيمة ماهيب ترضى بالأدناس
لاشفت من يرجم طوال المباني=جنّبت عن دربه وأنا رافع الرأس
عن الخطأ عقلي وديني نهاني=ما والله أجاري خطأ كل من هاس
أدرا مقامي والردى مانواني=تلب الردى ماهوب للرجل نوماس
وعجفا رفيقي ماتزعزع كياني=لو كان أشوفه للخطأ يضرس أضراس
أحلم عليه ولو بهرجه دهاني=أخير من لطمه قدم كل الأجناس
يفرح عليه مدوّرين الهواني=وأنا السبب في كسرته طيّب الساس
ولابد مايندم لاطال الزماني=لاميز الوافي عرف كل هلاس
وترى الجهل يغوي فصيح اللساني=كم واحدٍ من سبته ذاق الأتعاس
وربعي بني عمي طوال اليماني=ماطعت في هم كل مفسد وبلاس
هم محزمي لمتس حبل البطاني=في ساعةٍ لاهب للخوف نسناس
أفخر بهم في كل وقت ومكاني=وأنا سندهم لاحصل في الزمن باس
في ماقفٍ يبرز عريب المجاني=لاضاقت الدنيا على كل قرناس
هذا الصحيح وزبدة الهرج باني =ياللي تدقق في الجواهر والألماس[/poem]
رد مع اقتباس
المشاركة الأصلية كتبت بواسطة سامي العطاوي
