الي دعاني اكتب الموضوع خبر البنات الي بالثمامة
معلية
ابي احلل الموضوع انا قراته في كثير من المنتديات وكل انسان مسئول عن الكلام الي يكتب
أولا :- بنات بالبر يطعسون صار حادث ومات عدد منهم وين المشكلة بقيادة المراة للسيارة والا بالتطيعس والا لانها بنت مو ولد والا بالفكرة بالبر والا بالقضاء والقدر .
ثانيأ :- 1+1=2 صح والا انا غلطانة ؟ كل يوم نقراء بالصحف المحلية والحياة وغيرها مئات الحوادث بمختلف مناطق المملكة من الشمال الى الجنوب الى الشرق والا الغرب باص معلمات انقلاب حادث مروع وفاة العديد من المعلمات فية احد سئل نفسة سؤال ياشباب من الي كان يسوق مراة والا رجل لا أحد يقول اجانب معلية رجل وبعضهم سعودين
ليش ما قامت الدنيا الى هالمساكين الي كل يوم يموتن . بحوادث وقامت ولا قعدت علشان حادث الثمامة كل المنتديات السعودية للأسف الا من رحم اللة خل الي يبي المراة تسوق يشوف هذا وهي بالبر مو في المدينة
يا أخي اتقوا الله .
ثانياُ :- الي ردوا على موضوع اخوي سليمان معلية سؤال واحد ؟ حنا وين ؟ يعني ماهي طبيعة بلادنا خلوكم واقعين نرجع للجغرافيا شبة الجزيرة العربية ثلاثة اراباعها بدو وقبائل ومع ذلك نص بناتهم بالبر يسوقن حرام مثلاً حلال مثلاً مو مكان فتوى لكن الله ما نشوفة بس بالعقل عرفنا فية رب هو يحاسب الناس وفية شرع
رابعاً :- أنا شخصياً ما عمري قلت ابي اسوق او ابي يسمحون للمراة تسوق لكن هل هذا يعني ما احب اركب سيارة اسوقها بنفسي
انا اروح مخيمات وغيري كثير من البنات واهلي بدو متشددين مرة بس اذا رحت للبر انشب لهم وابوي واخواني تكفون نبي نسوق من باب الترفية مو اكثر ولا اقل ندور حول الخيام نبعد ونرجع نفحط شوي نلعب بس عمري ما تمنيت اسوق في المدينة ولا افكر وبنات الثمامة الي صار لهم ممكن يتكرر مع عيرهم بس الحمدللة ما عمري فكرت اطعس لانه ممنوع عندنا خوفاً علينا وحتى اخواني اذا بغوا يطعسون وحنا معهم في البر ابكي الى ان يرجعوني لان التطعيس يخوف
رابعاً لا احد يزعل مني والله اتعجبت يوم شفت هجوم شنيع من كثير من الشباب الله يهديهم
خامساً :- لاتطلع اشاعات علي اني اطالب بقيادة المراة او اني علمانية هههههها والله تصير أكثر بنت رافضة قيادة المراة انا بس في البر عادي لاني اخذته لعب ومن كنت في 4 ابتدائي وانا اقود السيارة في المخيمات والله ذكريات ووناسة
مع خالص حبي وتقدير الى هذا المنتدى الرائع غرابيل