السلام عليكم ورحمة الله وبركاته
قصيدة للشاعر ناصر عليثه المحياوي
[gdwl][/gdwl]
يقول من عدا برؤس النايفـات مـن الجبـال
....... وقاس الأمور اللي من أمس تدور في عقليتـه
شاعر هواجيسه لها في داخل الصدر اجتـوال
....... وفكره يحدد به حـدود الأرض مـن عصريتـه
شاعر و اهيم بكل وادي من يمين ومن شمـال
....... والرآي حريـه وأنـا شاعـر ولـه حريتـه
من حقي التعبير في شعري وفي نص المقـال
....... وابيـّت النيـه لمـن عنـده نوايـا مبيتـه
وآجادل اللي يحترم للـرآي ويعـرف الجـدال
....... والفارغين من العقول آصـلا هميـل مهيتـه
ومن قال لي ياأبن الحلال أقول له ياأبن الحـلال
....... ومن يعترض للميسـم الحامـي نركـد كيتـه
واللي يقول الشعر ضرب جنون ماهو من خيال
....... قولوا له آسمع شعر شاعـر صاغتـه فنّيتـه
الله يسامح مـن ملبسـك العمامـه والعقـال
....... عز الله أنك في هجيـر الشمـس لـولا فيتـه
وأن كان تبغاها طويله فابشر أن الوضع طـال
....... والله يجازي كل شخـص بحسنتـه وبسئيتـه
ومن قدم الشرب الزلال نقول تبشـر بالـزلال
....... واللي يسـل السيـف ناوينـا نقـص يديتـه
بعض الاوادم فى الحقيقه فيه نوع من الهبـال
....... من كثر مايزعجك لامـن جـاك تكـره جيتـه
ماهو هبـال وبـس. لاباللـه هبـال مايقـال
....... تقـول كـل هبـال هالدنيـا تحـت طاقيتـه
يوم أن عرف الغانمين من النشاما راس مـال
....... أكبر خساره معرفتـك أهـل القلـوب الميتـه
أنا أشهد أن الفرق واضح زين مابين الرجـال
....... هذا مايشبـه ذاك فـي فعلـه ولا شخصيتـه
واحد خيار وماقفه في كل وقـت وكـل حـال
....... وواحد تفوقـه بالفعـول وبالمواقـف خيتـه
اثنين واحد قادها قود الاصيـل مـن الجمـال
....... وواحد يبا القشرا تسانـع فالطريـق وعيتـه
رجل يرد للعـد بعزومـه وبطـوال الحبـال
....... ورجـل عزومـه ماتدسـم شاربـه ولحيتـه
وأنا آدري أن الكيف بالتاكيد بحلـوق الـدلال
....... وأبو عبيه يعلم الله ويـش تحـت عبيتـه ؟
واللي يميز زين ويعرف الجواب من السـؤال
....... لايسري الدرب الخطيـر اللـي تلـوى حيتـه
ومن طال عمره ياكثر مايشوف في سود الليال
....... ونهايتـه مانـي وكيـل آدم علـى ذريـتـه
رد مع اقتباس
المشاركة الأصلية كتبت بواسطة أنـ الذكريات ـين
