بالجزء هذا نكمل لكم بقية القصه من حيث انتهينا مع ملاحظة انه الي ماقرا القصه لايدرعم هنا على طول يقرا الاجزاء السابقه
الأمير : يا بو عرب وين بطلنا أبو صيته .. أبي ألتقي به وأعطيه كم وصية قبل ما يسوي العملية المنتظرة اللي أرجو من الله أن تهز أركان الطغيان في بلاد الجزيرة
أنا : قصر صوتك صدق أنك بايعها الحين يمرون مباحث يسمعونك وابو صيته يمدحونه ..ونعم به والله وسبعة أنعام يقولون ما أحد يسبقه في المرجلة حتى سمعت أنه ما يرضى يأخذ معه أحد إذا بيسوي عملية انتحاريه خصوصا من الرخوم رجال نانسيوطقت نانسي فديت خشتها فأقول كنسلوني من العملية الجاية ووزوني (( لغير الناطقين بالعربيه يعني خلوني اتغيب )) لا يدري بي ثم يهون
الأمير : وابو صيته رجل باع الدنيا واشترى الآخرة رجل نوى الجنة ولا يقبل المساومة فيها وبتروح معه غصب عن عين اهلك تدري ليه علشان نحاسبك على العملية اللي خربتها ونشوه سمعتك قدام العالم << مو سمعتي رايحه فيها خلقه نياهاهاهاهاهاها ونخلي أهلك يخجلون منك لأنهم شكلهم مثلك دام هذي تربيتهم لك
أنا : اها عاد كل شي إلا أهلي فاهم لا أجي أتوطى في بطنك كانك رجال فكني << قصدي ابي اهرب نياهاهاهاهاهاهاه علشان أعرف أتفاهم معك والله ما يفكك مني أحد و هالجحوش اللي حولك ما يفيدونك ببصلة و لا حتى وابو صيته خويكم هذا بعد ما بقى ألا أنت تحكي في أهلي اقول فكوني عليه ولااحد يمسكني (( بيني وبينكم احسن الي مسكوني لأن شكله جثه وضخم وعريض المنشكحين مشلولخ العضلات ))
ابو عرب : طال عمرك هذا ابو صيته بيتشرف بالسلام عليكم ... ويدخل بزر عمره 14 – 15 سنة توه ورور انا بالاول انبسطت قلت فرصه العب معه نياهاههاهاهاهااهاهاههااها ها
أنا : حتى أنتم بعد عندكم يتشرف بالسلام عليكم باقي السلام الوطني ..المهم أنت يا شاطر وين أبوك عساه هون أن شاء الله يالله ابو صيته الحق أبوك لا يجندونك بعد أنت ويغسلون مخك رح شفلك اي جدار اكتب عليه ذكريات ابو صيته وشلة العنكبوت تراه اصرف لك حدها سجن يومين مو تخيس في سجن الحاير وبعدين ياورو تراك تشوف شئ بالحاير ماشفته في ابو غريب نياهاهاهاهاهاهاهاهاهاهاها
الولد : ايش تقول هاه ابو صيته أنا اللي بسوي العملية الجاية جاي من أبو عريش خصوصا علشانها
أنا : والتبن ... الحين أنت يالبزر ابو صيته ..شف يا أمير أنت أميرهم و أبخص بهم ..بس أرجوك رجاء خاص لا تنكل فيني وترسلني مع بزر توه ما بلغ وتصير خاتمتي معه ..
الأمير : وش فيه ابو صيته بطل .ورجل يعتمد عليه أجل مثلك كل تفكيره بنانسي عجرم كح كح احم احم << مادري وش عرفه لهم
أنا : يا عمي طير وين يفكر مثل هذا بنانسي عجرم أقول لك ما بعد بلغ وشلون أفهمك هذا حده فرقة بابا فين ولا بلاي ستيشن ولا كورة هلال ونصر و اتحاد
ابو صيته : اسكت ايش تقول هاه
أنا : يا شاطر رح كل لك سيريلاك ...أول شي صم رمضان كله بعد فكر بالعمليات الانتحاريه ..يا أمير رحم الله والديك طلبتك أنا أسوى العملية كلها لك وعن طيب نفس ولا تزعل بس لا ترسلني مع هذا ..وش تبي أهلي يقولون ولدنا أنحرف واشتغل مع الأرهابيين راح يفجر ملاهي الحكير والا يتهموني اتهام اخر خطير يهتز له عرش الرحمن ..
ابو صيته : وبعدين معاك هاه أمرط لك على حاجه وسد فمك بها )) الى الحين ودي اعرف وش معنى امرط لك هذي بس شكلها مسبه ))
الأمير : يا ابو صيته إحنا متوكلين عليك بعد الله أن تقود العملية القادمة بكل نجاح وتنتقم لنا من حكومة الفجر والكفر والطغيان وبتأخذ معك هالفاسق علشان نذله بس مثل ما خرب عمليتنا الأخيرة اللي كنا مخططين لها من كم شهر
أنا : يا عمي أنت روقنا ترى ذا بزر ما لقيتوا إلا هو دواسة البنزين ما يطولها برجله وتبيه يفجر لكم .. امحق من مجموعه والله
ابو صيته : يا أمير سكته جالس يحكي عليا .. والله لا أنط الآن عليه و أدبه << هو نط بيني وبينكم وصاير يعمل حاجات نياهاهاهاهاهاهاا ماني قايلها لكم
أنا : طير ما بقى إلا أنت عالم الطفل وافتح ياسمسم طلع لهم صوت وش قلت يا أمير أنا أنفذ لكم العملية الجاية بروحي بس لا ترسلوني مع هذا قصدي لا ترسلونه معي
الأمير : يا ابو صيته بكرة بعد العشاء إن شاء الله تطلعون وتروحون لمجمع البطريق الفوشي في العليا وبس تشوف سيارة داخله للمجمع تقتحم أنت وبسرعة والرشاش معك ولا توقف ولا شي واضح الكلام
ابو صيته: ايوة تمام بسرعة السيارة أزرقها في المجمع وارعص على الزر الأحمر وخلاص
الأمير: ايه بس لاتنسى قبل ما تضغط على الزر الأحمر أنك تتشهد
أنا : اكتبها في دفترك زين يا شاطر علشان ما تنسى , أنت يا أمير وش دعوى يا أخوي نحلها ودي أنا قلت لك مستعد أروح بنفسي ومالك إلا اللي يرضيك لو تبي فجرت لك وزارة الداخلية بكبرها بس لا ترسلني مع هالبزقة ..أرجوك
الأمير : هذا مو بزقة البزقة أنت و أشكالك يا راعي نانسي ..ابو صيته فارس من فرساننا أنا أشم فيه ريحة الجنة
أنا : أنا اشم خياس الله يكرمكم وش جنته الرجال ما تسبح من كم شهر أرجوك وافق أي أحد إلا هو بليز
الأمير: يا شباب روحوا تعشوا الآن وبكرة بعد المغرب جهزوا كل شي واربطوا هالفاسق في الكرسي اللي جنب البطل ابو صيته ابيكم تربطونه زين بسلاسل معدنية ولا تخلونها تبان
وثاني يوم بعد المغرب وهم يربطوني في مرتبة الكامري بسلاسل معدنية
أنا : الله يخليكم يا أنا يا هالبزقة ما يجي أنا و إياه في نفس السيارة لازم تختارون واحد مننا وأنا أرشحه هو
ابو عرب : اسكت بس ولا كلمة يالله علشان نحط فوقك الجاكيت يعني متدفي عن البرد ..يالله يا ابو صيته كل شي جاهز
ابو صيته : يالله يا شباب في أمان الله وحفظه نلتقي بكم في الجنة الله الله بالجهاد من بعدي
أنا : حفايظ بامبرز اللي عندك ما راح تكتب فيها وصية .. يا شباب أرجوكم ترى بكرة الله يبلاكم
ابو صيته : استغفر ربك أنت مقبل على شهادة وتجادل هاه الجنة ما تبي الجنة
أنا : أنا كل خوفي بكرة لا أطلع في الأخبار يقولون إرهابي وراعي بزارين ما تجي بيشكون فيني أني من عيال النسيم
ابو صيته : هاه اسكت ولا كلمة يالله ..يالله يا شباب موعدنا الجنة
ويركب السيارة .. البزر ابو صيته
أنا : تعرف تسوق ولا من الحين خلني أنزل هاه وش قلت ..
ابو صيته : اسكت أنت ما تعرف تسكت خلني اركز الرياض هذي أول مرة أزورها ما أبى أضيع الحين فين العليا كيف أروحها ..ولا صح أنت مع الدولة مفروض ما أسألك
أنا : لا والله كدينا خير أول مرة تجي الرياض أجل يا خوفي تضيع بنا وننفجر تحت نفق وبكرة وزارة الداخليه تقول محششين خاشين في صبات
وش بيصير يوم ركبوا سوى في السيارة ..تبون تعرفون تابعوا معنا الجزء الخامس
نياهاهاهااهاهاههاهاهاهاها هاهاهاهاهاهاهاهاهاهاه
الحانوتي المبتلشاتي بالبزراتي
رد مع اقتباس
