ياعبدالله ماعطـى الله أجوديّـة
مثل ماالله قد عطى أمك أجـودي
بشّرت بـك بالزغاريـد بْدويّـة
وافرحت بك نجد قالت : ياسْعدي
جيت للدنيا وصرخاتـك قويّـة
كل مجدٍ قـام يدعيـك إولـدي
إنت وجه الخير والنيـة مطيـة
لاتفكّر صافـيَ القلـب إيغـدي
الرجولة لو هي إتْعَرْف الوصية
كـان وصّتنـا بدربـك نقتـدي
والكرم لوهـو يجيـد الأبجديّـة
قال : عبد الله هو الكف النـدي
الشجاعة لك من المولى عطيّـة
هقوتك أبعد من إحدود الجـدي
فيك زهد وفيك صـدق وقابليّـة
وفيك نور إيزيح ليـلٍ سرمـدي
فيك نظف القلب مع نفس ٍرضيّة
وفيك خفقة حُر لاقمـت إتْحَـدي
فيك شعبـك سيّـدي لاواهنيّـه
غارقٍ بالخيـر والنـوم قْهَـدي
ياملكنـا فيـك عـز الوايليـة
وفيك من شمر علاج المعتـدي
وفيك من قحطان زحفك للمنيّـة
وفيك من حرب اتباعـك للهدي
ومن عتيبة فيك حب الأسبقيـة
وخوة العجمان لـك منهـا ودي
ومن مطير أخذت حكمة وألمعيّة
والظفير أعطوك بـالٍ جرهـدي
ومن بني شهران فيك الروح حيّة
ومن قبايل يام نطحـات اللـدي
ومن بني زهران طيب وآدميـة
والدواسـر يهتفولـك : سيّـدي
فيك من صحرا الشمال الشاعرية
وفيك من نجد الطهارة يابْعـدي
ومن جنوب المملكة فيك الحمية
والقصيم أعطتك رايٍ مايْغـدي
والهوى شرقي وابو متعب خويّه
ولجلها جـدة بساطـك أحمـدي
كل شبر بديرتـي مافيـه زيّـه
له جميع أرواحنا تذهـب فـدي
القبايـل كلهـا عنـدي سويّـه
مملكتنـا مابهـا عــرقٍ ردي
رد مع اقتباس
