[align=center]بــســـم الله الـرحــمــن الــرحــيــم
الاخوة الاعـزاء فـي هـذا الصـرح الشااااااااامـخ
السـلام عليكـم ورحـمـة الله وبركـاتـه .......
أطرح بين أيديكم هذه المراسله التي جرت بيني وبين
الشاعر المبدع مفلح بن عمير الشهراني آمل أن تحوز
على رضاكم وأستحسانكـم ... يقـول أبـو عميـر [/align]
[poem=font="Simplified Arabic,6,white,bold,italic" bkcolor="transparent" bkimage="backgrounds/21.gif" border="solid,7,deeppink" type=2 line=0 align=center use=ex num="0,black"]
يا راكـبٍ مـن عندنـا فـوق صالـون=تـوّه جديـدٍ مـن حفـيـز الوكـالـه
آخـر فخامـه قيمتـه ربـع ملـيـون=وراعيـه وصيتـه بنـقـل الرسـالـه
يلفي على رجـل ٍ لـه الطيـب قانـون=وما يكسب إلا الجـود والطيـب فالـه
تنصى السويدي بو سعد راعـي العـون=والطيـب فـاده مـن جـدود وخوالـه
من روس قـوم ٍ فالصعيبـات يبـدون=يبـدون ويسـدون فـي كـل حـالـه
أهل الثلاث البيض من عصـر قـارون=سبيع ساس الطيـب سـاس الشكالـه
ويابو سعد قلبي مـن العـام محـزون=وأركى عليـه الوقـت وأتعـب أرحالـه
علـى وليـفٍ حـط فالقلـب غليـون=وقلبـي بعـد فـرقـاه زاد اشتعـالـه
وبين الرجاء والياس عايـش ومفتـون=وابن آدم ٍ مـا كـل مـا شـاف طالـه
وأن قلت لي مزيـون بالحيـل مزيـون=وأن قلـت وصفـه قلـت محـدٍ مثالـه
يكفيك شوف البرق فـي عالـي مـزون=ويكفيك شوف الشهـر لا أكمـل هلالـه
وعكش الرموش اللي بها الكحل مسحون=وسلهـا متيـن ٍ تحـرج اللـي عنالـه
وعلمي على وضح النقاء صار مصيون=أمـن العبـث والمصلحـه والجهـالـه
وأنا على مـا تامـره صـرت ممنـون=وأنته من أهل الطيـب وأهـل الجزالـه
وتطـول يـا راع المواجيـب وتمـون=والعلـم وصلـك وأنـت راع الجمالـه
والله عطـاك الـرد لاشهـر كـانـون=واللـي مثـل شـرواك كلـن شكـالـه [/poem]
وقد رديت على الشاعر مفلح بالقصيدة التالية
[poem=font="Simplified Arabic,6,white,bold,italic" bkcolor="transparent" bkimage="backgrounds/21.gif" border="solid,7,deeppink" type=2 line=0 align=center use=ex num="0,black"]
يا مرحبا ترحيب وافـي ومـوزون=موزون عن درب الخطاء والعيالـه
بالشاعر اللي صاغ قافه على النون=يبدع جديد الهيض يـوم أستوالـه
يبدع جديد الهيض بأفكـار وفنـون=شاعـر وعنـده للمعانـي جزالـه
مفلح عريب الجد والـرأس دنـدون=دندون في وقـت القسـا ينعنالـه
من روس قوم ٍ في المواقيف يافون=رجالهم يـا فـي وتعـرف أفعالـه
شهران قوم ٍ فاللقاء مـا يهابـون=يردون حوض الموت وقت اشتعاله
يا طيبهم في حزت الضيق يشفـون=صدر الغليل اللـي وحيـدٍ لحالـه
تاريخهم معروف من عصر هارون=كلن ذكرهم من عصـور الجهالـه
قلته وربعي فاللقـاء مـا يذلـون=سبعان قـوم ٍ تحتمـي كـل قالـه
سبعان يوم الناس طاعن ومطعـون=يروون حدب أسيوفهـم بالصمالـه
وكل القبائل وافيـه مـا يهونـون=الطيـب فيهـم والكـرم والبسالـه
ويا راكب اللي يطوي الخط مصيون=أسرع من الميراج يسبـق أظلالـه
بنـز ٍ جديـد ولا شرينـاه بديـون=أيضا ولا من قيمتـه لـو حوالـه
كاش ٍ على الكبوت ما فيه عربـون=حسب الطلب شاريه لهل الشكالـه
من شركته شاريه باثنيـن مليـون=وزودٍ عليها ألفين صـرف العمالـه
آخر فخامة فيـه حتـى التلفـزون=وأزريت بالتوصيف لا صف جمالـه
أبغيه للي من هوى البيض مشحون=صابه هوى الخفرات وأتعب خيالـه
مهديه لك يا خال وإبليس ملعـون=والرجل محـدٍ يعْـذِره دون خالـه
أبشر بعزك والطلب صار مضمـون=إنكانهـا بالمـال قلنّـا سهـالـه
سقت المهر يا خال مهما يقولـون=لو يطلبـون أمـلاك جـده بدالـه
وإنكانها بالسيف فالسيف مسنـون=ندهن ثوى من وقفـوا لـك نذالـه
ندهن ثوى الحساد حتـى يتوبـون=عن الحسد يا خـال ويّـا النغالـه
وتصفي لك الأيام والرزق مخـزون=عند الكريم اللي عظيم ٍ جلاله
وتصبح حقيقة عقب ما كانت أظنون=والعمر مهما طـال ياتـي زوالـه
والرد وصلك مـا تحرّيـت كانـون=ومـن ينتظـر كانـون واعزتالـه
وأختامها بالمسك والعُـود مقـرون=من شاعـر يفـزع بحالـه ومالـه [/poem]
أخوكم الشاعر / الحميدي بن سعد السويدي السبيعي
رد مع اقتباس
-new.gif)
المشاركة الأصلية كتبت بواسطة أبوعبدالرحمن
[/align]
