المشاركة الأصلية كتبت بواسطة عماش الرقعي
قفى غرام القلب شوق ورى شوق
شوق مشقيني وشوق شقابي
لاشوق يرحمني ولاشوق يروق
شوق يعذبني وشوق غدابي
اصبحت اعيش العمر صدمات وحروق
راحت سنين العمر وقفى شبابي
وين انت يالي تعطي العهد موثوق
وين انت يالي بك يطيب الشرابي
يالي تحفظ الود بحساس مخلوق
وتصون عهدي بالهوا ماتهاابي
القا معك راحت معاليق وعروق
وشرب جمام الشوق عقب السرابي
طالت مشاوير العنا جرح وفتوق
جرح يطيب وجرح توة سطابي
بنيت قصر الحب في داخل الموق
قصرا جدار ه صادق احساس ذابي
وفرشتله صادق شعوري على فوق
وزرعت وسطة كل ماشوف طابي
وسقيت حيضانه مخاييل وبروق
وهبت هبوب الشوق ومطر سحابي
يرعد بها نبض الشرايين ويسوق
عليه صمام الخفوق المصابي
واصبحت في نار الهوا كلي حروق
مصيوب ومصوب صويبا مصابي
يارب بدل حرهاا بارد اذوق
وجبر كسور اللي طواه العذابي
