ضحـــية ابـــــوي

[grade="000000 000000 000000 000000 000000"]اول شي كل عام وانتم بخير وعيدكم مبارك ..بمناسبة ارقاة الدماء واكل اللحوم والشحوم ..
زي منتم عارفين الحين كل واحد لاقط بزارينة واخوانة ودوجان في سوق الغنم والماشية والواقفة .. كل واحد يبي خروف وش زينة ويتميلح فية عند ام عيالة انة يعرف يشتري[/grade] .

[grade="0000FF 0000FF 0000FF 0000FF 0000FF"]ابقولكم سالفتي يوم رحت انا وابوي سوق الدبش . قال ابوي ياشرقاوي قلت لبية قال امش معي خل نروح ندور ضحية لوالدينا عشان نذبحها بكرة ونفطر على كبدتها عاد اهم شي عند ابوي الكبدة ... قلت سم مشينا ركبنا الصالون الازرق ومفتحين الدرايش وطايرين وكلن منا فاتح كشرتة للثاني . يوم اقبلنا على السوق قام ابوي وقفل الدريشة لا شعوريا . والتفت يمى بعين حمراء بصراحة شكيت في نفسي اني مسوى شي . مع اني ماتغديت والا افطرت ابد على العشاء الى تعشيتة البارح شورمة بالمخلل .. الا يوم دخل يدة حدر المرتبة وانا الى ارتعت قلت وش بيسوي اكيد بيطلع شي ويضربني فية . وانا الى قامت ضروسي تقرقع على بعض واقول في نفسي واللة ماسويتها .. الا يوم سحب غرشة طيب وقام يبخبخ في الصالون الا يوم انكتمت من الريحة واللة يالريحة الاولة ابرك من الى بخها .. عطر من سنة جدتي وطاقتة الشمس ولا بعد من الى يحطونة على مغاسل قصور الافراح ..
مادرينا الا كل واحد صاقع راسة في السقف عاد دريت انا وصلنا سوق الغنم .. اللة واكبر الا امة محمد مجتمعين وداقين اللطمة مدري عشان مايعرفون بعض والا من الجو الى هم عايشين فية .. وانا الى اسوي بغترتي كذا وكذا وخليت مايطلع الاعيوني وشوية من خشمي عشان اتنفس منة .. قلت ابوي وين تبينا نبدا منا والا مناك قام ولف براسة يمين ويسار كنة يدور القبلة من وين .. قال الا مناك حاس ان ضحيتنا تحترينا قلت مشينا على بركة اللة ومن حوش في حوش تقول ناس رايحة تخطب ويدورن الزين [/grade]..


[grade="FF0000 FF0000 FF0000 FF0000 FF0000"]قلت يايبة اخلص علينا كلها ذبيحة وانت اشغلتنا عليها قال اسكت ساكت لوة ترنق بتشترية لك ماخليت شارع ولا سكة الا درت فيها .. قلت شف هذا الهندي خل ندخل حوشة .. قال ياللة خل ندرعم ودرعمنا ... ومن العجلة كلن منا صقع كتفة مع الثاني . وانا جالس ادور براسي وكل خروف مدنق براسة وخايف اقولة اطلع انت والى عاض على براطمة والى جالس يحك نفسة في الشبك عشان نقول عنة وسخ ولاينفع وجربان .. الا يوم سحبني ابوي وراء شوي وتقدم احسب اني في صلاة وكثروا الجماعة .. قام ابوي وهو هايج على الخرفان ويمشي ويلمس فيهم من وراء وعلى ظهورهم وكل واحد يقول في نفسة ترظاها على نفسك وعلى عيالك .. انا قلت واللة ابوي مهوب بسيط وانا الى توقعتة عاقل ولاهو راعى الحركات هذي .. يوم خلص ولا حصل شي يسوي مد يدة لى وقال شم قلت ليش قال اقول شم يوم شميت يدة الا فية ريحة غريبة ريحة عطر وش زينة قلت يبة فية ريحة حلوة في يدك قال واللة قلت عني تراني راعى عطورات من يومني صغير وصديقات امي اذا شافوني يحبحبوني ويقولون وش حليلة ... ماندري منهو طالع علية .. قلت فية خروف مظبوط بس وينة وقمت وصفطت ثوبي على نص بطني واتنحنح واقول ياولد وامشي في الحوش وانا رافع خشمي فوق . الا وشوف ذاك الى جالس في الزاوية ومستحي وانا الى اقرب منة شوي شوي الا قام يقول براسة كذا وكذا ( يعني كنة يقول مهوب انا ولاتوهقني) قلت اهين واحط وجهي بوجهة ماعاد باقي الا كل واحد يبوس الثاني بوسة من زين النفس .. الا يوم اخذت نفس عميق وطلعتة بشويش وهو يطالعني ومدنق راسة قلت يالملعون انت راعي العطر امش امش معي وهو معيي واجرة مع قرونة واقول ابوي امسك الخروف الى بيطلق وجهك بكرة قدام امي واخواني .. واقوم اركب فوق الخروف وابوي يلمسة من وراء ويتاكد انة مفحوص . والاهوب راعي كذا وكذا .. قال ابوي توكلنا على اللة هذي ضحيتنا ....[/grade]
[grade="000000 000000 000000 000000 000000"]ركبنا الصالون ومشغلين اغنية( ياسارية خبريني ) وكلن منا يتهزهز ومبسوط وابو الشباب الى وراء جالس يصايح حاس قلبية انها اخر ليلة لة .. قال ابوي وش رايك نكلم امك عشان نشوف وين نحط الخروف فية لين بكرة .. قلت ياللة .. طلع الجوال وقام ودق على امي . امي هلا ابو شرقاوي بشر شريتوا قال افا عليك مع غمزة وهو ملتفت على الدريشة مايبيني اشوفة .. قال وشذا صوتة الى عندك قالت اسن السكاكين لبكرة قال بعدي يالتخمة يم الزين كلة . اقول وين تبين نحط الخروف في سور بيتنا . قالت اهااا بس تبي تخيسنا وتروع بنيتنا . خلة في مزرعة خوالى مع خرفانهم . قلت سمي يم شرقاوي . وهو الى يعفط الطارة الا انا جاي في حظنة من قوة لفتة . حطينا الخروف في الحوش مع ابناء جلدتة وانا اهمس في اذنة ترا الوعد بكرة . وهو يقول براسة ابشر ..
يوم اصبحنا وصلينا . وكلن منا لبس ثوب النوم المخطط . رحنا يم خروفنا وندورة الا ماليقناة موجود وقام ابوي يصفق بيدة احسب عبداللة الجمعان جاب هدف .. الا وشوفة منسدح الارض واجيك طاير واقعد اهزهز فية الا مايتحرك الظاهر انة بلع لسانة من كثر الصياح ملعون الجدف . وجلست اطالع ابوي وهو يطلعني ويقول هذا الى اخترتة اللة لايبارك فيك ولا في اليوم الى اخذتك معي فية ..

يالربع وش السوات الحين مع ابوي علموني [/grade]

راز خشتك بعد




لا وراكب الونيت




لا والازرق بعد أو لونة أصفر كان قنا معلية




بس ازرق



والله مشكلة



يالله مو موضوعنا




أنا علمك وش تسوي مع أبوك



تعال





تحت




شوي بعد






أقول أنحتش من البيت ولا يشوفك الا سادس العيد




هذى اخرت الي يرز خشتة مع ابوة وروح معة



سمع أهذى النصيحة


لا تروح مع ابوك مرة الثانية يا وجه النكبة

اسمع يابحار انا ماودي اروح معة بس هو نشبة نشب في حلقي والا انا حدي دجاج مثلج ويخب على . اما الخرفان تاركها لاهلها منذو مبطي ...

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه


انا اعلمك وش تسوي


قل لبوك رقبتي سدادة والله ما تشتري خاروف ثاني وانا موجود :confused:



واذا ذبحك اكتب في وصيتك ترى الكبد لعشق ليل :rolleyes: :rolleyes: :rolleyes:

هههههههههههههههههههههههه ياعشق واللة انك جبتها يازيت خفيف وخالي من الرصاص
بس تتوقع ابوي بيذبحني ويعطيك الكبد .. صدق الولد كلام عشق

[grade="0000FF 0000FF 0000FF 0000FF"]داخل ومعي يد ورجل من ضحيتنا >>>> يبي يقهر شرقاوى


شرقاوى انت متاكد ان اللي شريتوه خروف انا شاك انه كنغر هههههههههههههه



يله هذا انا قاعد اسن السكاكين احتري كنغركم اللي بتضحونبه


ههههههههههههههههههههههههه ههههههههههههههههههههههه



شرقاوى اذا للصرقعه عنوان فانت عنوانها وربي انك مصرقع ومواضيعك


وردودك تدل على انك صاحب موهبه فضيعه في الصرقعه


لي رجعه كبر الشق اللي في راسك [/grade]

اقول بس



تبي اتفاهم مع ابوك ؟؟

بس بشرط



الكبد لي والكلاوي وخل عشق يجي يناظر لك وانت تعطيني الكبده :p





يالله قل تم



صي يوووو

تقول كان عنا ..لااعتقد انه عايش معنا :mad: شرقاوي هذا صايرن لي بالضبط

العام << نصاب :D

اقول رايق وراسي مصدع :تصفير:

<<وشهوله داش :eek: اتطمش ..:confused:

بس جد روووووووعه :confused: تسلم الايادي

ريفو خل عنك لوك شايف الضحية معي صدقني راح تقول انك اخترت شي مهوب بسيط وانك راعي مقانيص من قبل بس ملعون الجدف بلع لسانة وش تبيني جالس برا الحوش بشنطتي واذا الخرفان رفعوا يدهم اجيك طاير واطلع لسانة من حلقة مثل الشريدة في مباراة النصر ..
بس ترا الخروف ذنبة طويل يعني كلامك فية شي من الصحة والعلاج ....

ومشكور على الكلام الكبير وصدقني انك استاذي وتاج راسي

جاي ارد على مخاوف قلب ومعي كيس ازرق وحاط فية الكبدة والكلاوي ولايهون المصران بعد
والكرشة عمى مابقي شي من الضحية صدق انة كريم من حلال غيرة .. وبعدين عشق ليل اهم منك خلية على حميسة الراس وتخب بعد ...

شرقاوي نصيحه لوجه الله

شغل سيارتك وانحش ولا توري وجهك لابوك الا يوم تداوم :p :confused: :p


تراك على وشك انهم يضحون فيك ;) :(

يا قلبي عليه :o

مو عليك انت لا تتشقك علي الخروف:p

زعلت علشانه كثير شكله خروف رقيق وريحته حلوه

وينه ووين الذبح هذا

عن اذنكم بروح الاستقبال اكتب فيه عزاء:واء:

وانت يا شرقاوي حل مشكلتك بروحك:خخخ:

<<<< وحده نذله :تصفير:

:mad:




اقول حققت في مقتل الخروف ؟





:mad:







لازم نعرف شلون مات ومن السبب







:confused: انا اشك ان خرفان خالك متآمرين عليه




المهم ( على قولة بحار )














المهم ( هذي لي انا ) :confused:



اقتباس:
--------------------------------------------------------------------------------
كاتب الرسالة الأصلية شرقاوي
من شرقاوي: الى كل المضحين والى ماضحوا اقول لهم هاردلك العيد الجاي ان شاء اللة ترخص الذبايح فية ..





:p




.

زود الغلا اجل راسك موجعك واللة من الدوجان طول الليل في الشوارع نعبوا بليسك ماتقعد في البيت وتشوف ماعندك من امور .. بس انصحك تاكل حبتين ليمون اسود قبل لاترد عشان الرد يجي معك حامض ...الروعة هو مرورك وتسجيل ردك

هلا اخوي عبدالمحسن .. اجل رايك كذا اجلس ادور في الشوارع لين سادس العيد بس تتوقع ابوي بيذبحني ماظنيت لاني مافيني لحم وشحم .وبعدين على فكرة من قال اني معي سيارة انا حدي دباب ويخب على لا انقلب فية .. على رصيف .. مشكور على الطلة والزلقة

هلا مجروحة وش هالنذالة منك راضعة معة يومك صغيرة .. اجل تسمين على الخروف لايجية شي وانا انواع الطنش اية لاني ماورتيك العين الحمراء . بدا الولد يعصب ..لحظة ابشرب عصير تانج عشان اروق ... بررررررررررررب رجعت لك ابي اشوف العزاء الى سوتية ومنهم الى قاموا في العزاء ناويهم نية قشرة ..

هلا بالمحقق قصدي بالامبرطور .. شف ياخوي ترا اذا فية تحقيق انا مابي اسئلة ملتوية وفيها لفات وشطحات انا انسان دغري محمد .. واجاوب بالمسايس . بس تتوقع خرفان خالي لهم يد في مقتل خروفنا ماظنيت لاني شايفهم رخوم والواحد جالس في الحوش وهو لبس جنز وخاتم في يدة .
شف بحار الخليج تراة خبرة في هذي الاشياء . ولاعاد اسمع عنك مرة ثانية انك ماضحيت وخل عنك تجميع الدراهم والسفر فيها ماودك بس بخوي ترا الشوق هازة من مبطي ....

ههههههههههههههههههه
هههههههههههههههههههه
ههههههههههههههههه

اقول الحمد لله ان الخروف ما ت من نفسه (قصدي مات بشرف) .

انا اعتبره خروف مسنكت تدري ليش ؟؟؟؟؟؟؟؟

لانه داري ان نهايته حدى هالشجر وفي الشارع العام قدام الله وخلقه بيضحابه وعلى يد حدى هالبنقاله ؟؟؟؟ الي اذا مسك سكين جاته ام الركب ....مهوب مذبوح ذبحا يبرد القلب؟؟؟ انت خروفكم انتحر بشرف .....

بس انا خروفنا ذبحه البنقالي ثم رفس البنقالي بركبه وقام يمشي وراسه يتطوطح.....(الله من زين اللغه)

وحنا وراه تكفى عطنا الكبده وفي اللعنه ؟؟؟؟؟؟؟

وقام يمشي مسافة 3 متر وبعدين التفت علينا وقال مالت عليكم وفطس ميت:D

تبي الصراحه ولا ولد عمها (مسوي فيها فاهم)

انت اتحفتنا بهالموضوع .....ولا تطول علينا بمواضيعك المهستره .......ههههههههههههههه


تحياتي

WaladAlBanah

هلا ولد البنة ... شف اما ان الخروف ينتحر هذي الى مارضاها يعني هو قصدة يحرجنا ويبي يطيح وجيهنا عند الناس وعند خرفان خوالي .. نعبوا ذا الخوال مايجون في بالة الا في الاعياد .بس توبة الى يروح للسوق والى يسوي نفسة فاهم .. ومشكورة على الكلمتين الحلوة الى تحت الى اثلجت صدري ...

عاااااااااادي تحصل في أحسن الشبوووووك خخخخخخخخخخخ

شف وأنا أخووووووك ... ما لك إلا هيفاء ههههههههههااااي قصدي الدجاج

والعيد الجاي اذبحوا خروفين :confused:

سهم المنايا ... الحين راح الخروف وانت تقول مالك الاهيفاء اجل انت متوقع ان هيفاء بتجي بعد اهو الى ماظنيت من يوم قلت اسمها على براطمك وهي عايفتني .شكلى ابكتب قصيدة في الخروف واغنيها في ستار متوسطة تراة يمدحونة حقين الاستراحات والشبوك....