دحومي واستفساراته عن ماجد احمد عبدالله

السلام عليكم ورحمة الله

ببراءة الأطفال قال لي أبني دحومي


بابا من هو ماجد عبدالله ووش قصته مع النصر

صراحة ماعرفت وش اقول له لأن ماجد عبدالله فوق الوصف واخاف اني اقول له الصدق ويجي بعدي مدرس دحومي بالمدرسة ويلحس مخة

قلت له هذا لاعب وبيترك الكورة

قال لي طيب يلعب مع مين قلت له يلعب مع النصر ومع المنتخب

قال لي طيب انا ماعمري شفته يلعب

قلت هذي سالفه طويلة هو من حبه لسامي حلف مايسوي اعتزاله إلا بعد سامي الجابر , ويمكن غيرة لاعبين

قال طيب ماقد شفت له اهداف

قلت حرام عليك ياوليدي

ماجد جايب 3 أهداف في بطولتين كاس الامم الاسيوية 84/88
منها هدف خرافي في الصين اللي محتكرة كل بطولات اسيا إلا كورة القدم للرجال ماعمرهم حققوا شي , وكان الهدف الوحيد لان هدف شايع مايحسب وبهذا الهدف اخذنا كاس اسيا, وكان بيزيد حصيلته من الاهداف في كاس اسيا 88 لكنه للاسف ضيع بلنتيين .

قال طيب ما جاب اهداف بكاس العالم

قلت له ما جاب ولا قول للاسف لكن حقق له انجاز شخصي بكاس العالم وهذا الانجاز ماحققه اي لاعب سعودي لانه مالمس الكورة 39 دقيقة ويكفيه فخر انه لعب بكاس العالم, وغير كذا لو ما انطرد قدام الامارات كان ما مثلت الامارات العرب وشرفتهم في كاس العالم .

قال طيب وكاس الخليج او العرب ؟؟؟
قلت هذا هداف الخليج كان يحط اهداف في قطر وعمان والبحرين وما كان يحب يجيب اهداف في العراق والكويت , ومن يوم ترك الكورة وبدا يحلل بالقنوات ويوجه اللعيبة جبنا بطولة الخليج مرتين وكاس العرب .

قال طيب يابابا ليه مهتمين فيه وهو ماسوى شي

صراحة زعلت من كلته وقلت له

ليه ماسوى شيء , محد ينسى انه من اسباب تاهلنا للاولمبياد وهي اهم من كاس العالم وكافح كفاح الابطال قدام المانيا وانصكينا 7/0 وسنتر سبع مرات وكافح قدام البرازيل وجاب هدف وانصكينا 3/1 وبعد ماجد ماسجل احد في البرازيل إلا مرزوق العتيبي وسجل هدفين .

قال طيب يابابا كم جاب هدف

قلت له والله مدري ياوليدي لكن يقولون خمس مية ويمكن اكثر واللي حاسبها اخو ماجد وفي ذمته

قال طيب اللي يجيب 500 هدف اكيد انه لاعب

قلت له مهو شرط اول كانوا يلعبون بالدوري في العصر وبعد العشا ونص اللعيبة حافين وكانت المباريات تنتهي عشرة صفر وخمس طعش صفر , وغير كذا اول يعتمدون على راس الحربة وكل الكور له هو لحاله أذكر أن يوسف الثنيان يشوت الكورة براس ماجد وتجي هدف .
وهذا اللي كان مضيع منتخبنا لانهم اذا راقبوا ماجد محد يسجل لكن بعد ما تغير نظام اللعب وصار فيه راس حربة ثاني والغوا الاجنحة وصار فيه وسط مهاجم تقدمت الكورة في بلدنا وحققنا بطولات ما كنا نحلم فيها واكبر دليل انه لعب سامي جنب فؤاد وسعيد العويران والهريفي ومسعد وصارت الكورة على مسماها لعبة جماعية

قال يابابا اخر سؤال

يقولون في المدرسة انهم قايلين لماجد مانسوي لك اعتزال لين تفك الدنبوشي اللي انت مسويه للنصر .
قلت الله يهديك ياولدي لاتصدق الدنابيش والخرابيط النصر كان مشغول بماجد وبطولات ماجد وانجازات ماجد ولانه صعب تسوي نجم من لاشي فهم ضيعوا وقتهم في هالموضوع ويوم سامي سوى حفل اعتزاله قالوا الان لازم نخلي ماجد مثل سامي ونسوي له حفل .
والمفروض اي واحد لعب في المنتخب ان الاتحاد السعودي هو اول من يكرمه ويتكفل بحفل اعتزاله .

اقتباس:

---

قدام المانيا وانصكينا 7/0

---

واضح أن معلوماتك دقيقة :)

.
.
.

أقول يا أبو عبدالرحمن

.
.
.

ترى أنا أستلطف الصغار وعندي نفس طويل
وأحب أسولف معهم ..
أنا رايح للملعب بكرة وش رايك يجي معي

ندردش انا وياه عن ماجد وإنجازاته وأهدافه
وكل اللي قدمة للنصر ..

.
.
.

أنا عرضت عليك الفكرة وانت حُر
وإذا تحب تجي معااه ترى موب مشكلة
أعطيك درس ماجدي مع دحووم :)

.
.
.

سلملم

السؤال الي ابي اسئلك يا ابو عبد الرحمن


هل سامي الجابر كان صاحب التأثير الفعلي وصاحب الانجازات بعد عام 94 ك إلى الأن


مقارنه عقيمه يا ابو عبدالرحمن

كاس الخليج الأول (( كان الفضل بعد الله لـ فؤادأنور ))
كاس الخليج الثاني (( كان السويد وهدف الحسم ))
كاس الخليج الثالث (( كان مزيج بالاضافه للحظ ))

كاس اسيا 96 الفضل بعد الله لـ يوسف الثنيان

تأهل كاس العالم
98 م كان الفضل لـ منتخب البحرين ^_^
2002م كان فيه شريط سامي 9 سنتر ^_^
2006م كان ياسر + الحارثي

وكنت اذكر إلى الأن هدف السعوديه الاول في التصفيات في اوز بكستان الي سجله سامي يوم احتك مع مدافع في اول هجمه له بعد ما دخل جلس يدور حول نفسه يدور الكوره والكوره في المرمى ^_^


تصبح على خير

الكايد احلى


مشكور على الدعوة

ومارحت اعتزال سامي عشان اروح اعتزال ماجد

وبعدين اخاف انك تشوش عقل ولدي ويصدقك ويعيش باقي حياته بوهم


محمد الدغيري

وش دخل سامي ومن جاب طاريه الله يهديك

انا الحين اتكلم عن ماجد اما سامي مهو بعيد عن ماجد

ضرب مثال كـ محاورتك ما دحومي %_%


بـ الي قاهرني الحين نفاذ التذاكر



ولو كانت كوبونات لجمعيه تدعم الفقراء واليتاما

كان الدفترى بلى بيدك ما احد شراء كوبون واحد

اقتباس:

---

قلت له ما جاب ولا قول للاسف لكن حقق له انجاز شخصي بكاس العالم وهذا الانجاز ماحققه اي لاعب سعودي لانه مالمس الكورة 39 دقيقة ويكفيه فخر انه لعب بكاس العالم

---

حقيقه انجاز شخصي تسعه وثلاثين دقيقه >يعنى شوط كامل<

في مبارة السعودية وهولندا يعني في كاس العالم
94م


ابو داحم

اذ تبغا ولدك يعيش في استقرار نفسي وبدني ابعده عن الكيان النصرواي وبذات كبيرهم مفرح

ابو عبدالرحمن اجل ولدك دحوووووومي
ههههههههههههههههههههههههه ههههههه
يسال عن ماجد وانت خفت تقوله الصدق وبعدين يقلب يشجع النصر طيب شي جميل ان تعلم ولدك من هو ماجد لكن المشكله ان ولدك غلط يوم ذهب وسال شخص يشجع الهلال لانه انا اتوقع ان شخص هلالي لايعرف لاعب النصر على الحقيقه مثل مشجعيه يعني المفروض انك وديته لمفرح يخبره من هو ماجد
ولا تدري يابو عبدالرحمن ليش ماتروح بولدك لنادي الهلال وتخليه يسال صالح النعيمه وصالح السلومي ومنصور الموينع لانهم من احد المقربين لماجد عبدالله في الهلال