لماذا المرأه...

[المستشاره]

الإشكال ليس في المرأة بل في ثقافة المجتمع، لابد من تلك الجملة كمنطلق نتفق عليه لأستطيع إكمال موضوعي، لأنني اشعر بالشفقة على فتياتنا كثيرا.

سألت مجموعة من طالباتي عن احداث التحرش والاعتداء على بعض الفتيات مع تصويرها واعلانها في تحد صارخ لنا جميعا. السؤال كان لماذا الفتاة السعودية ضعيفة في الدفاع عن نفسها اثناء تلك الحوادث او على الاقل الابلاغ عن تلك التحرشات الجنسية الصارخة.

اكدن اولا انهن يجدن صعوبة بداية في الاعتراف بذلك انهن يخشين الجميع بدءا بالاسرة وانتهاء بكل مؤسسات المجتمع بما فيها المؤسسة الامنية التي ايضا تعتقد ان الفتاة قامت بسلوك خاطئ دفع الشاب للتحرش بها، اما الاسرة فانها سوف تغلق الابواب على تلك الفتاة وتمنعها من الخروج وقد يصل الامر لحرمانها حتى من التعليم لان شرف البنت لا يحتمل الانتظار او التفكير.

تؤكد بعض الفتيات انهن احيانا يتعرضن لتحرشات من شباب صغار في السن إلى حد كبير بل ان بعض هؤلاء الصغار يقف عند باب المدرسة او الجامعة ويقوم بتصوير الفتيات المحتشمات ومن ثم الحاق صورته البهية بالفيلم ومن ثم توزيعة بين رفاقة مؤكدا بطولته في ذلك التصرف الاحمق. الاكيد انني لااعمم تلك السلوكيات على جميع شبابنا بل ان هناك الاكثرية تستحق الاحترام والاهتمام بفضل الله ولكن اتساءل لماذا مع كل هذا التقدم المادي لم يغير المجتمع من مفاهيمه تجاه ابعاد السلوكيات الاجتماعية وفلسفة تحميل المرأة الخطأ وان كانت بريئة فعلا، أي بريئة من السلوك المشارك وبريئة من اثارة اسباب ذلك السلوك غير السوي...

الاشكال ان تلك السلوكيات السيئة محددة الجغرافية في مدينة الرياض أي معروف الطرقات (الشوارع) التي يتم فيها ايذاء النساء خاصة نهاية الاسبوع حيث يمتطي هؤلاء الشباب سياراتهم او يستاجرون بديلاً لها افخم او للتموية على المرور وبعد ذلك يبدأ مسلسل ايذاء نساء المسلمين دون سبب واضح سوى الفراغ وضحالة العقل وضحالة الضمير وعدم الخوف من العقاب.

اعتقد ان الحد من تلك السلوكيات امر في يد الاجهزة الامنية التي عليها تكثيف حملاتها وتطهير تلك المواقع من تلك الشواذ كما طهرت البطحاء من المتخلفين ...ولاداعي للتاخير....لان الحال مكشوف وواضح فقط ينتظر تدخل الجهات المختصة قبل فوات الاوان وقبل ان يتطور السلوك إلى ماهو اسوأ بسبب التراخي غير المبرر تجاه تلك المجموعات الشبابية المتسكعة في بعض طرقات شمال الرياض حفاظا على امن المدينة، وكرامة نسائها وايضا رجالها، فليس من العدل ان نعرف مواقع الخطأ ونتركها دون علاج خاصة وان رائحة تلك الشوارع وصلت لكافة الانوف فليس من المنطق ان لاتكون وصلت لانوف الاجهزة الامنية خاصة وانها باتت اكثر طولا هذه الايام زادها الله قوة ونجاحاً...والارهاب ليس فقط شاب يفجر جسده بل ايضا شاب يتحرش بنسائنا واطفالنا. اليس كذلك؟!.

حتى ذلك الحين انقل سؤالاً طرحته طالباتي .إن اردن الإبلاغ من هي جهة الاختصاص وكم رقمها...؟؟

ـــــــــــــــــــــــــ ــــــــــ

هذا المووضع لــ د0 هيا المنيع .
صححي الموضع قديم شوي بس حبيت نناقشه هنا

[مــوادع]

والارهاب ليس فقط شاب يفجر جسده بل ايضا شاب يتحرش بنسائنا واطفالنا. اليس كذلك؟!.

اجعل من هذه العبارة منطلقاً لتعبيري عن الموضوع

اولاً اختي المستشارة اثابكي الله على النقل الجميل

الموضوع حوى الكثير من الافكار في مجتمعنا تتمحور بشكل اساي حول التعدي على حقوق الفتاة

اسمحي لي سيدتي

لكل ارهاب مكافحة

وما دام الارهاب قائماً لزم علينا مكافحته

وكيف نكافح مثل هذا النوع من الارهاب

بالطبع نرجع الى الكتاب والسنة الشريفه

يقول تعالى في محكم التنزيل (والذين يؤذون المؤمنين والمؤمنات بغير مااكتسبوا فقد احتملوا بهتانا واثما مبينا (58) ياايها النبي قل لازواجك وبناتك ونساء المؤمنين يدينين عليهن من جلابيبهن ذلك ادنى ان يعرفن فلا يؤذين وكان الله غفورا رحيما (59) )

نعم ان ايذاء المومنين والمومنات بهتان كبير

ولكن فرض الله على المؤمنات الحجاب والادناء من الجلباب لمنع الايذاء.

واشكرك اختي المستشارة مرة اخرى


اخوكم/عبدالله الشمري

[هلالي^الشرقية]

كل ماذكرتي نتيجة بعدنا عن الدين والخطا من الجنسين والله يهدي الجميع

[خــــالـــــد]

المستشارة

.
.

البنات السعوديات يعانون من مشكلة " كبيرة " وهي قلة ثقافتهم

في هذا الأمر أي لا يعرفن كيفية إيصال المعلومة لـ الأسرة / الأجهزة الأمنيـة .

قد ذكرتها كثيراً بأننا كـ مجتمع محافظ - بالغنا كثيراً - في التمسّك بالعادات

والتقاليد التي أملاها علينا أجدادنا وآبائنـا حيث أنها كانت تتناسب معهم ولكن

معنا وفي ظل هذه الظروف تغيّرت فعلاً .. ويجب أن نغيّر فهمنا لها وتمسكنا

منها .لماذا لا نجعل المرأة " شجاعة " . ؟ كيف ؟!

نجعلها تتحمل أمورها تحت مسؤوليتها .. لأن ديننا هو من أعطى المرأة

حقوقها كاملة .. وهي لا تحمل ذنب أخطاء غيرها

أشكرك على هذا الموضوع




أخوكـ/خالد

[بنت الريف]

شكرالك يالمستشارة ...
اولا يجب ان نركز على نقطة هامة ان هؤلاء الشباب و المراهقين
هم ابنائنا هم نتاج تربيتنااااا...
وهنا يوجد خلل وقصور ..فهل نعيد النظر في اسلوبنا في التربية والتوجيه ...
ثانيا يجب ان نكون اكثر حرصا على بناتنا ..وللأسف الشديد هناك اسر
ماهي دارية عن بناتها تاركينهم بالاسواق والمقاهي مع السائقين
وشعارهم نحن نثق بهم ؟؟؟؟نثق بهم ؟؟نضع الف مليون خط تحت كلمة نثق بهم ..
كيف نثق بمراهقات وفتيات شابات نضع كل شيء بيدهم وبالاخير ومن أجل ان
نعفي انفسنا من المتابعة نقول نثق فيهم ...
ثالثا : يجب ان نمنح بناتنا الحب والثقة بالنفس وان نرشدهم ونوجههم نعلمهم الحياء والعفة
ونقوي في داخلهم الوازع الديني كذلك نعرف من صديقاتهم نراقب عن كثب تصرفاتهم
ان نكون قريبين منهم لاتلهينا مشاغلنا وأمور الحياة الأخر..
رابعا ان نفتح مع بناتنا وطالباتنا مثل هذه الموضوعات التي تحدث لبعض الفتيات
نعلمهن ان يفتحن قنوات ودية مع الأهل او المقربين لها وان لاترضخ لتهديد الشاب
مهما كان ؟؟ومهما ما يملك من ادله عليها ..
قد يكون ما يملك اهون من تضيع اشياء اثمن واغلى عليهاااا...
ليت تكون هناك قنوات تستطيع الفتيات الاتصال بها لان ظروف المجتمع تغيرت كثير
ولا يمكننا ان ننكرا ما طرأعلى المجتمع من تغيرات خلال سنوات جدا قليلة ...
والشاهد على ذلك طالباتنا ..احيانا الضغط بالمناهج يبعدنا عن التوجيه والمتابعة
وليت وحدات التربية الدينية والارشاد الطلابي ينتبه الى هذا الجانب وتكون المحاضرات
تمس هذا الجانب ونضع يدنا على الجرح ونناقش قضايانا بموضوعية ووضوع ..
ولكم اجمل تحية
أختكم
بنت الريف

[المستشاره]

مشكور اخوي عبد الله الشمري على ردك ...
بس انا من وجهة نظري مو كل الحق يقع على الفتاة يعني عشان الحجاب مثلا
لان مو الحجاب الي يفرض احترام الناس لك انتي تقدر تخلي الناس تحترمك
عشان كذا ماعتقد ان المشكله كلها تكمن في الحجاب...
لان شبابنا الله يهديهم من يشوفون بنت كانهم شايفين كائن فضائي
فاحس المشكله في الحاجز الي وضعناه بين البنت والولد
ـــــــــــــــ
مشكوةر اخوي هلالي الشرقيه
وامين الله يهدي الجميع
بس كان ودي توضح وجهة نظرك اكثر .
ــــــــــــ
مشكور اخوي ابو خالد على ردك ...
بس المشكله مو في قلة ثقافة البنات
المشكله اعتقد انها في الاهل
يعني احس الاهل لو تجرات بنت وصارحت اهلها بشي ممكن بدل مايعالجون يعاقبونها على الشي الي سوته
ماتحس عند الاهل الوعي الكافي انهم يفهمون بناتهم ومشاكلهم
وبعدين كيف نخلي المراه شجاعه اذا كانت من وهي في بيت اهلها تتعاقب على اشيا ء مالها ذنب فيها
يعني زي ماقلت تتحمل ذنب غيرها .
ـــــــــــ
مشكوره اختي بنت الريف على ردك الرائع
بس مو شرط يكون دائما سوء التربيه هو السبب
يعني دائم نشوف ناس متربين بنفس الببيت ونفس المجتمع
واحيانا يكون نفس الاصدقاء بس احد ينحرف والاخر لا
انا احس المشكله كلها في ان الاهل ماعندهم الوعي الكافي في انهم يفهمون مشاككل اولادهم والاشياء الي ناقصتهم
يعني الاب معروف دوره
ومايقدر ينزل من عرش كبريائه عشان يسال بنته عن اهتمامتها مشاكلها الامور الي تهمها
والام ماتحاول تكون الام الصديقه قبل ماتكون الام الحنونه.
ـــــــــــــــــــ


المستشاره...

[السُّلمي]

الاخت المستشارة اهلا بك معنا في غرابيل .


بالنسبه لموضوعك اعتقد بأن الحواجز اللتي تقف بين الفتاة واسرتها هي ماتجعلها ضعيفه التصرف
فبعض الاسر وليس الجميع تفتقد للمصارحه وشرح مايدور بينها من الامور ولو هي من الصغائر
فالفتاة مابين العقاب من الاسرة بالحرمان او الضرب وهذا ماهو حادث عند الكثير وللاسف ومابين
أن تفقد ثقه المجتمع فيها , فلو كان هناك نظرة صريحه وتعامل اكثر مرونه لوجدنا الفتاة تقول
مايدور في داخلها , فلعل الكثير منهن براء من هذة الصور فقد قرات في احد المجلات شبه تحقيق
عن هذة الحاله فالاغلبيه ذكرت بان صورهن تنشر عن طريق صديقاتهن فهنا توضيح لمجتمعنا
ببراءة هؤلاء الفتايات .

ولكِ مني فائق التحايا والاحترام


اخوكِ السُّلمي

[المستشاره]

مشكور اخوي السلمي على ردك ....
حتى انا اعتقد هذي مشكله مره خطيره نعاني منها
يعني احس في كثير بنات في مجتمعنا لو بس يلاقون احد يفهم يعني تحس ممكن يكون عندهم الاستعداد انهم يصارحون احد
لكن ماراح يحصلون احد يفهمهم ويستوعبهم ويستوعب المرحله الي يمرون فيها

ومشكور مره ثانيه على ردك ...

المستشاره

[بنت السعوديه]

مشكووووووووووووووره اختي المستشاره

المجتمع هو الملام وليست المرأه

يعطيك الف عافيه

تقبلي تحيات اختك / بنت اغلى وطن

[مخــاوي الليــل]

تسجيل إشاده بهذه الكاتبه المتميزه والتي تستحق أن تقراء مواضيعها .

[المستشاره]

مشكوره اختي بنت السعوديه على ردك...
مجتمعنا للاسف فيه اشياء كثيره لازم تتغير
لكن اتخيل لو الواحد يجرب يغير من نفسه يكون ساهم في مساعدة مجتمعه
ـــــــــــــــــــــــــ ـــــــــــــــــــــــــ ـ

مشكور اخوي مخاوي الليل على مروروك

وعن جد د.هيا المنيع من الكاتبات المفضلات عندي تعجبني افكرها وطريقة كتابتها
ومشكور مره ثانيه...

[الامل 4]

..

للاسف .. اننا حدنا عن منهج التشريع الحكيم

وبذلك نجد ان كثير من مشاكلنا في ظهور سيء

لان الحلول بعيدة عن الشرع

فلو طبق نظام التربية الاسلامية السليم داخل البيوت

واستشعر الوالدين اهمية التربية وتحملا مسؤلية الرعية

التي يسألون عنها ..

ومُورس الامر بالمعروف والنهي عن المنكر في المجتمع ككل

وخاف الله مسؤولو الاعلام فيما يعرض من اساليب وطرق تبث

يتعلمها الجيل لينفنن في الجرأة والوقاحة من مايعرض امامه

ولو ادى كل تربوي دورة من تعليم صحيح وتهذيب واعي

وتكاتفت جهود الاسرة مع المؤسسات المختلفة

لما طغت (العادات والتقاليد) على الشرع

فمن امن العقاب اساء الادب

لو سجن احد الشباب المنحرف او جلد او عز به

او حت طبق علية حد معين بحسب الجريمة ..

لاارتدع الكثير......

اللهم استر عوارتنا وامن روعاتنا ..

مشكورة اختي على النقل الموفق

وجزاها الله خير الكاتبة على غيرتها وحرصها

...

[المستشاره]

مشكوره اختي الامل على ردك ...
اغلب المشاكل الي نعيشها بمجتمعنا هي ناتجه من عاداتنا وتقاليدنا
الي للاسف اغلبها لاينم للدين بصله
فاعتقد لو طبقنا الدين وابتعدنا قليلا عن عادتنا وتقاليدنا
اتوقع كثير من مشاكلنا راح تنحل

اما مسالة لو سجن هؤلاء الشابا او تعاقبوا
انا حسب ماسمع واعرف ان لو انمسك احد منهم راح يتعقب وينسجن اتوقع
لكن السؤال الي يطرح نفسه لو مانمسك كسف نبلغ عنه..؟؟

تقبلي تحياتي

المستشاره...

[للرجولة معنى]

قدم الموضوع لايعني عدم أهميته

بل هو موضوع في غاية الأهمية




لكي لاأطيل سأذكر نقاط ثلاث نقاط عليها العماد(رغم انها قد تخرج من الموضوع)

1)لابد من إلغاء الفجوة الكبيرة بين البنت وباقي العائلة من الأب والأم والأخ والأخت //

2)اعدم التصرف بشدة مع السلوك الحاصل //وتصحيح الموضوع بكل هدوء وبلا إنهاء لدور المخطئ في أمر ما

3)الشباب لن ولن ولن يحاولوا القرب من البنت مادامت محتشمة فالاحتشام رادع كبير//بعكس الزينة دافع كبير




اعتذر اختي بخروجي عن الموضوع ولكن هذه نقاط مهمة لو وضعت بالاعتبار لصار الأمر مختلفا



أشكرك لهذا الطرح الرائع

[المستشاره]

مشكور اخوي كابتشينو بحبوح ...
انبسطت لما قريت ردك في موضعي ...
انا اتفق معاك باول نقطتين قلتهم وهم الي اتمنى يصير عليهم توعيه وخصوصا الفجوه بين الاهل وابناءهم لانها ولدت مشاكل كثيره

لكن باخر نقطه الا وهو الحجاب طبعا هو نقطه مهمه تلاحظ كثير من البنات يلبسون الحجاب الى قالولهم اهلهم يلبسونه(باختلاف الناس طبعا)
واغلب الاحيان تكبر الفتاة وتلبس الحجاب وهي غير مقتنعه وماتدري اهي ليش تلبس هذا الشي طبعا تدري انه للستر والعفه(لكن في معنى اعمق من كذا لو كانت الفتاة اهي الى اختارت انها تلبس الحجاب عن اقتناع فمهما يصير ماراح تتخلى عنه)
فعشان كذا ماعتقد الحجاب يلعب دور كبير هو يلعب دور اكيد لكن مو الدور الاكبر في القضيه لان ممكن بنت متغطيه من فوق للتحت لكن طريقة مشيها وحكيها بمكان عام وحكيها مع الرجال لو كان بالسوق او المطعم هذي الاشياء الى اكثر شي تلفت انتباه الشباب
فاتوقع لو يكون عندنا زي الامارات مثلا اي واحد (مغازلجي) يحطون صورته بالجريده(اعجبتني هالفكره احسها وناسه كل يوم الاهل بيشوفون صور عيالهم بالجرايد حتى البنات لو كانت هي الي بدت يحطون اسمها لايمنع انواع الفضايح بتصير الدعوه)

تقبل تحياتي
المستشاره...

[زبن بن عمير]

كل هذا تم وبدا يرتفع تدريجيا في ظل ضعف الوازع الديني وحرب الفضائيات والاهم من ذلك ضعف السلطة الدينية ممثلة بالهيئة فمع سلبيات الهيئة من بعض دخلائها الا انها كانت سلطة رادعة ضد مثل هذه الاعمال اذكر في بداية التسعينات ان الشاب كان لايفكر في دخول العقارية بلا حاجة والفرق الان ان البنات يمشن في الاسواق بلا ستر او غطاء وفي هذا استثارة قوية لمراهق يسير بلا قيم او رادع؟؟!!
المستشارة الرائعه التي تعد مكسبا مهما في هذا المنتدى راقبي شيئا واحدا اخيرا فقط فالمذيعه ابو سليمان التي تقدم كلام نواعم في ال m bc كرمت وبجلت لانها اصبحت سفيرة مثلها مثل صفية العمري او عادل الامام او اي ممثل تافه والدكتورة ريم الطويرقي كرمت في باريس بوصفها من العربيات القلائل اللاتي كرمن لنبوغهن في الفيزياء وظهرت بكامل حشمتها وعفتها في مثال مشرف ومع ذلك كانها لم تكن؟؟!!
اليس في هذا اتجاه الى اننا بدانا نسعى للقشور ونترك اللب؟؟!!بل بدانا في عملية تحلل اخلاقي سريعه كفانا الله شرها

[المستشاره]

مشكور اخوي زبن بن عمير على ردك الرائع ....
طبعا المشكله الاساسيه زي ماذكرت ضعف الوازع الديني
وايضا ممكن يكون عدم الاحساس بالمسئوليه
وهذي النقطه تناقشنا فيها
بس حبيت اعلق على كلامك عن
منى ابو سليمان هي لسا ماصارت سفيره هي مرشحه لتكون سفيرة النوايا الحسنه
وماعتقد انها كرمت وبجلت للدرجه الي انت وصفتها
لكن حتى وان كان فهذا مايعطينا الحق اننا نقول ليش هي تتكرم بالعكس هي انسانه مثقفه ومتعلمه لكن اعتقد ان انت وجهة نظرك عشان هي مثلا ماتغطي وجهه ماعتقد هذا يعطينا الحق اننا نتهمها او مثلا نشن عليها حمله (اعتقد ان هذي وجهة نظرك مادري)
لان الاسلام اربع مذاهب واحنامتمسكين بالمذهب معين لكن فيه اربع مذاهب تضلفيها ايضا فيها مسلمين متمسكين بكتاب الله وسنة رسوله
وعندهم مو ضروروي تغطية الوجه لكن للاسف احنا اي احد يخالفنا حتى بالاشياء الصغيره نبدا نهاجمه(مع انك حرام ماقلت شي عنها بس حسيت من كلامك انك ماتقبلتها)اما بالنسبه ل د. ريم الطويرقي بالعكس رفعت راسنا من جد وهي من قلة النساء السعوديات الي ااذ وصلوا لمراتب عاليه من العلم ما يتخلون عن بعض مبدائهم عشان يرضون احد اخر ...
و ان شاء الله يمشون البنات السعوديات على خطاها ويصير عندهم طموحات عاليه بالحياة ويضلون متمسكين بقناعتهم

فمجمل الكلام اني لاارى فرق بين المراتين وزي ماقلت اننا نهتم بالقشور ونترك اللب لان كل وحده منههم اخذت حقها
لو كنا نهتم بالقشور تقدر تقارن بشي ثاني
مثلا لو تسال اي طفل عن اي مغني او ممثل وترجع تسال عن اديب او كاتب هنا ينطبق ااننا فعلا نهتم بالقشور وتركنا اللب

طبعا احنا الي خرجنا عن لب الموضع لكن اعجتني طريقة ردك وحبيت اناقشك
ومشكور مره ثانيه
وتقبل تحياتي
المستشاره...

[زبن بن عمير]

-سيدتي الفاضلة اسعدني تعقيبك واثراني ولكن وردات وليس تعقيبات ارفعها لك:
1- قلت:
"لكن اعتقد ان انت وجهة نظرك عشان هي مثلا ماتغطي وجهه ماعتقد هذا يعطينا الحق اننا نتهمها او مثلا نشن عليها حمله (اعتقد ان هذي وجهة نظرك مادري)"
-انا لم اقل ذلك ابدا ولكن هل تقارنين حاملة دكتوراة في الفيزياء كمحاضرة في لغة؟؟!!
2-قلت:
"لان الاسلام اربع مذاهب واحنامتمسكين بالمذهب معين لكن فيه اربع مذاهب تضلفيها ايضا فيها مسلمين متمسكين بكتاب الله وسنة رسوله وعندهم مو ضروروي تغطية الوجه لكن للاسف احنا اي احد يخالفنا حتى بالاشياء الصغيره نبدا نهاجمه(مع انك حرام ماقلت شي عنها بس حسيت من كلامك انك ماتقبلتها)"
-نعم الشافعي او بعض المذاهب لاتغطي الوجه ولكنها ترفض ظهور المراة متبرجه او في اختلاط مع الرجال في التلفزيون اضيفي ان عطر المراة حرام واحاديث النامصة والمتنمصة وغيرها,الجانب الاخر قلت:
لكن للاسف احنا اي احد يخالفنا حتى بالاشياء الصغيره نبدا نهاجمه(مع انك حرام ماقلت شي عنها بس حسيت من كلامك انك ماتقبلتها)"
تتهميني يااساذتي ثم تعفين عني !!فانا مدان وبريء في حكمك انا ماهاجمت ولكني طرحت وجهة نظر واذا ضايقك او فسر كلامي على غير معناه فاني اعتذر وسوف اصبح متصفحاً وليس مشاركا حتى لااغضبك.....وانا لست ضد ابو سليمان او غيرها انا اتكلم عن حالة فقط فهي تبقى عزيزة.
3-قلت:
اما بالنسبه ل د. ريم الطويرقي بالعكس رفعت راسنا من جد وهي من قلة النساء السعوديات الي ااذ وصلوا لمراتب عاليه من العلم ما يتخلون عن بعض مبدائهم عشان يرضون احد اخر و ان شاء الله يمشون البنات السعوديات على خطاها ويصير عندهم طموحات عاليه بالحياة ويضلون متمسكين بقناعتهم"
-قلة من النساء ويمشون البنات على خطاها جميل وجزاك الله خير لكن يضلون متمسكين يقناعاتهم ضمن نطاق الشريعه.
4- قبت"
فمجمل الكلام اني لاارى فرق بين المراتين وزي ماقلت اننا نهتم بالقشور ونترك اللب لان كل وحده منههم اخذت حقها
لو كنا نهتم بالقشور تقدر تقارن بشي ثاني مثلا لو تسال اي طفل عن اي مغني او ممثل وترجع تسال عن اديب او كاتب هنا ينطبق ااننا فعلا نهتم بالقشور وتركنا اللب"
-كلاهما مراتين ولكن فرق بين العالم وغيره والشاعر والناظم وكيف اخذت الطويرقي حقها وهي معتمة اعلاميا وابو سليمان عناوين رئيسية وهي مرشحة؟؟!!ففرق ان تلمع اعلاميا وان حاصل على شيء وفرق ان تحصل على ضجة وانت مرشح كما ذكرت؟؟!!
تقبلي احترامي وتقديري لك وللطفك وسعة صدرك واسمحي لي ان جنحت بك عن موضوعك

دام الجميع بخير

[المستشاره]

شكرا اخوي زبن بن عمير على تعقيبك ...
اول شي ماحب يكون تفضيل ناس عن ناس بمجرد درجة علمهم اهم شي الافكار والقناعات
ياما ناس معهم اعلى الشهادات ولو تحط طفل صغير يناقشهم الطفل الصغير راح يفحمهم

طيب ماارح اناقشك بمسالة التبرج ...الخ لانها هذي اشياء مفروغ منها
اما مسالة الاختلاط بالرجال كمان د.ريم الطويرقي لما تكرمت كان فيه اختلاط اكيد طبعا هذي محتشمه ومحترمه لكن يضل اختلاط
لو كان من هذا المنطلق
(بس حبيت اقول لحد يفهم الحين اني ضد احد او مع احد انا جالسه اناقش )

بعدين اووه كبيره استاذتي يكبر راسي بعد شوي (حسستني كاني مره عوده)
شفت انت الي تفسر كلامي غلط احنا نتناقش وبالعكس اسعدني ردك جدا واتمنى ترد على جميع المواضيع لان اعجبتني طريقة ردك وطريقة فكرك
بعدين حرام انا قلتلتك ان اعتقد ان هذا ماكنت تفكر فيه ماتهمتك ولا برئتك انت اكبر من اني اتهمك
وانا كمان لا تعتقد اني مع ابو سليمان او غيرها ...

وبالنسبه لاخر نقطه
خلينا نكون واقعيين
د.ريم احنا ماعرفناها الى لما كرمواها يعني معروفه على نطاق مجتمعنا احنا
اما منى ابو سليمان فهي معروفه عربيا تقريبا كونها تطلع في قناة فضائيه
وكمان هي مرشحه لمنصب يتكلم عنه الجميع ودائم المرشحين لهذا المنصب يحتلون العنواين الرئيسيه يعني هي مو اول وحده

في نقطه ثانيه بعد بس اخاف الناس يفهموني غلط بس بقولها
الحين مئات الدكاتره بالعالم يترشحون ويكرمون وياخذون جوائز ولا عمرنا سمعنا عن احد لكن بمجرد ماطلعت وحده من عندنا بالعكس تكلمنا عنها وشكرناها وهذا واجبها علينا طبعا...واقل من الواجب بعد...
طبعا مره ثانيه ابغى اقول مو معنى هذا اني مع احد او ضد احد ارجع اقول انا احنا ننقاش مووضوع

[زبن بن عمير]

ولو ان لي عدة تعقيبات ولكن لاني مستمتع بهذا الطرح الرائع لااريد ان اخرج بالموضوع الى مكان اخر شكرا المستشارة في طرحك وفكرك وحتى لو كنت انا يمكن اكبر سن منك عشان ماتزعلين


سلمت ودمت والجميع بخير

[زبن بن عمير]

بالنسبة لاختلاف مذاهب كشف الوجه التي تطرقنا لها في هذا المووضع فقد قرات موضوعا اخر ذي صلة قد نشره في غرابيل الاخ ابو بسمة في هذا القسم واحب عرض رابطه لان غرابيل تربط القلوب والعقول:
http://www.sfsaleh.com/vb/showthread.php?p=696194#post696194

[كيوي]

موضوعك اكثر من رائع..مستشارة..
لكن ايضا حساس جدا..
مارح اطول عليك بس احب اقولك انو هذا الموضوع بالذات نلاحظ انو مافي احد يتجرأ انو يناقشه او حتى يتطرق له في وسائل الاعلام(السعودية)
انا بصراحة كثيــــــــر مرات تناقشت انا وزميلاتي وحتى دكتوراتي في نفس الموضوع وخاصة بعد انتشار مقاطع يجاهر به فيها..!!
لاحظت انو كلهم اخذين موقف واحد وهو ان الشاب هو الغلطان وان الفتاة كائن حي برئ مستحيل انو يغلط الا النادر منهم..!!!!!!!!!
رايهم ان الفتاة السعودية من يومها وهي متربية ,,,البنت عندنا دائما مغلق عليها الباب ولا تعرف من هذه الامور شي!!!
وانو الولد هو اللي يطلع ويسافر اكثر ويمر ويشوف تجارب اكثر منها!!!
بس حبيت ابين كيف ينظر المجتمع بشكل عام الى هذه القضية..
وانو في الحقيقة-في رايي الشخصي_ انو الغلط بنسبة 70% على البنت مو ع الولد..
لأن بصراحة ومن تجربتي الخاصة كفتاة سعودية ..مافيه احد يتحركش بوحدة محتشمة ومحترمة نفسها الا في القليــــل من المرات..
الشاب نفسه رح يحتقر نفسه وهو لسه يحاول انو حتى يكلمها..
لأنه عارف انها ما رح تعطيه وجه او انها اصلا رح تقبل في هالحركات.....!!
اقول للبنت السعودية احتشمي(تستري)!!
وتكلي على الله ان شاء الله مارح يحصل لك اي مكروه..
اكيد اللي تقراه من السعوديات 100% رح تقول اني انا شانة هجوم عليهم ...!!!!
لكن اقول لهم,,والله انا سعودية اباً عن جد..واشوف واعيش كل المواقف اللي يعيشونها هم..ولأني عرفت كيف ابتعد عن كل المشاكل من تحرشات وغيرها حبيت اوضحح لهم ان كل مشكلة لااازم يكون للشخص يد فيها..اما اهمال او فهم غلط لها..وهذا اللي يخلينا ما نلقا حلول لمشاكل كثيرة ممكن تكون اكبر من التحرش..

اكيد كل من قاعد يقرا ردي رح يقارنه بأسلوب المستشارة او بأسلوب الاخ زبن بن عمير الرااااائع جداً..
ترى انا والله ماني لا كاتبة او شي ثاني..علشان ما تقولون وش ذي اللي قاعدة تتفلسف ومسويه نفسها فاهمة..!!!
انا بس شدني الموضوع وانه مشهد من حياتنا اللي نعيشها كل يوم..

[المستشاره]

مشكور اخوي زبن بن عمير على هذا الرابط وانا قرات الموضوع
وهذا طبعا موضوع اختلفت فيه الاقاويل لكن اهم شي ان الانسان لما يسوي شي يسويه وهو مقتنع مايسويه عشان الناس..
واستمتعت معك بها النقاش وطريقة كتابتك واسلوبك...

وتقبل تحياتي
المستشاره...

[المستشاره]

مشكوره اختي كيوي على ردك الرائع...
والانسان اهم شي يكتب باسلوبه وبالطريقه الى هو مقتنع فيها ...

اما بالنسبه انوااكبر شي الغلط على البنات ممكن اختلف معاك بها النقطه
خلينا نقسم الخطاء بالنص بينهم
لان والله احيانا اشوف بنات بحالهم مساكين ويتعرضون لحركات الشباب
والبنات كمان فيهم حقهم
لكن اخر شي لو كل منهم وجهوه اهله وارشدوه للطريق الصح وحاولوا يتقربون منهم ويتفهمون مشاكلهم اتخيل راح يتغير اشياء كثيره...

ومشكوره مره ثانيه على ردك ...

تقبلي تحياتي
المستشاره...