المساعد الشخصي الرقمي

مشاهدة النسخة كاملة : أنـــــا وعمــيش


المشاعر
10-10-2005, 10:04 AM
السلام عليكم والرحمه

قعدت ادوج بغرابيل ليما افتر راسي ومن الطفش دخلت على الفرفشه
قلت خليني اقول موقف صارلي ووسع صدري شوي معكم
طبعاً هالموقف حقيقي ماهو من الخيال

هذا الله يسلمكم
بعد ماتخرجنا من الثانويه كل وحده من البنات قررت وش تدخل تخصص انا قررت احياء وهدى قررت انقليزي ونحتري عمشا ماقالت لنا شيء
كلمتني هدى ذاك اليوم
قالت:شفتي عميش اهلها عيوها تدرس يقلون لثانويه ويسد وبتتزوج هالعطله بياخذها ولد عمها
انا:وشهوووو ..وش ذا على كيفهم هذا مستقبلها وهي تبي تدرس طيب مايخالف تتزوج وتدرس
هدى:لا ولد عمها معيي
المهم وتصمخني العبره واقعد ابتسي وتبتسي هدى معي
حاولت مع عمشا انها تقنع اهلها..مير تقول مرره معيين قلت طيب وشلون نشوفتس قالت في اي يوم امبارك زوروني..قلت يصير خير.
المهم بدينا الدراسه ولهينا راح الترم الاول وخلصنا الامتحانات يوم عطلنا قلت لهدى وش رايتس مانزور عميش قالت خلاص كلميها وشوفي يوم نروح لها
عميش:هلا بالقطوعين لهتكم الدراسه عني
انا:لاوالله انتي اللي لهاتس الرجل عنا
المهم قلت: بنجيتس العصر ونرجع المغرب عيت الا تعشون عندي قلت: طيب وين انتم فيه
قالت: بالدسمه
قلت: هي بعيده عن الدوادمي..قالت: لااااااابد قريبه<<<<<<تلعب علي هي وجهها
المهم انا لعبت على ابوي قلت بروح لوحده من صديقاتي وهي هنا عندنا بالحاره قريبه
لاني داريه لو اقوله صديقتي برا الديره بيعيي المهم قلت له على 11 الاني في البيت ..ووافق
وجاء المغرب ومريت هدى ومشينا وطلعنا من الديره وتعدينا اللمبات واظلم الشارع (وعمشاء قايله لي ابتلو لين تلقون على اليمين لوحة)
المهم ونمشي ونمشي ونمشي عيت هالوحه تجي
وكلم عمشا بالجوال
انا: هيييييه انتي وين لوحتكم تلعبين علي لاتروعيني ترى ماقد طلعت من الديره
عمشا: يابنت الحلال بلا خوف شوي وتشوفينها لاشفتي اللوحة ادخلي على البر عندتس خط ممشا سيارات.. اثرها ابتليبه
انا: وين نشوف هالخط بهالليوله زين لاجت اللوحة كلمتس
المهم ونلقى اللوحة ونلف عن الطريق ومغير قرقعت هالحصى ولا نشوف شيء ظلمة مغير نور السيارة واسمع نبح تسلابه مدري عوا ذيب من الروعه معد ادري وش انا اسمع
وحنا نتماسك انا وهدى من الروعه
أنا: هدى وش رايتس مانرجع لاعادت عليها هي وقريتها ساكنة بالربع الخالي ذي
هدى:وش ترجعين عقب ماقطعنا هالمشوار كلميها بس ليانا ضايعين
وكلمها
انا: الو الووووووووو عمييييييييش ووجع
عميش:هلا علي صوتس مااسمعتس
أنا:حنا على هالخط وين نروح
عميش: ابتتتتتتتتتتتتتتلي لين تلقين................(انقطع الارسال
أنا: لييييييييييين القى ويش تعالي وين رحتي
ابتس ياهدى انقطع الارسال وين نروح؟؟
هدى: هي قالت ابتلي خلاص ابتلي واتصلي لين يشبك
انا: وش ابتل انتي وجهتس ثم ناصل مكه مادرينا
هدى: ههههههه زين ناخذ لنا عمرره
انا: لاياشيخه رايقه انتي وخشتس..الله يستر مايصير فينا شيء والله ليذبحني ابوي ..لا ومن زين وجههي لاعبتن عليه
هدى: توتس تفكرين
أنا: وش يدرينيي تقول انها قريبه
__
وقعدت اتصل لين شبك وردت علي
أنا: عمشا والله لوريتس يالتسذوب..خليني بس اشوفتس والله لاتوطا في بطنتس
عمشا: ههههههههههههه ايه نشوف
انا: اقول عميش انا اشوف لمبات بعيده هذا انتم
عمشا: ايه حنا بتلقين اخوي اول ماتاصلين امشو معه
انا: انتي ووجهتس ليش ماخليتي اخوتس ياقف عند اللوحه يجسرنا
عمشا: ههههههه<<<<<<<<<<تضحك علي المجرمه

المهم انا كنت معصبه وارتفع ظغطي حاطه براسي اني ادخل وضربها ولا ادزها
يوم دخلت الا البنت حامل بطنها متر قدام مشاءالله

وتشوفني بطرف عين وتضحك وتقول:هاه توطي في بطني

قلت: ابتس انقلعي لاتقربين يمي ثم يطيح اللي في بطنتس يجيب راسي رجلتس

المهم قعدنا نضحك ونسولف ورجعنا..بس رجعتنا انا وهدى تفرق عن جيتنا رجعتنا كلها ضحك

مايستفاد من القصة::::
-لاتصدقين صديقاتس ابد انتي اسالي وجيبي العلم الصح
-لالالالالالالالالالالالال الالاتكذبين على ابوتس ابد
-لاتصيرين خبله مثلي خلي صديقتس المتزوجه هي اللي تزورتس انتي بنت وهي معرسه ماعليها خوف يجيبها رجلها

أنتهى
سعود
10-10-2005, 10:56 AM
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هه


ياليتكم ضعتووووا

ولاعااااد ينعرف لكم درب


<<== نذل


بس الغريبة كيف رجعتوا

اكيد اخذتو ليموزين ؟؟؟

<<== وش ليموزينه انت وجهك في صحاري نجد


خخخخخخخخخخخخخخخخخخخخ


منتي صاحية وانتي وسالفتك


<<== يتمنى لو قابلكم ذيب واكلكم وريحنا منكم


خخخخخخخخخخخخخخخخخخخخخخخخ



تسلمين اختي على هيك سوالف


هي هذي السوالف اللي تشرح الصدر ماهي سوالف القص واللصق


<<=== مايقصد احد


تحية عطرة
جلانار
10-10-2005, 02:42 PM
ههههههههههههههههههههههههه ههههههههههههههههههههههههه ههههههههههههههههههه


ههههههههههههههههههههههههه ههههههههههههااااااااااااي


ياابعد تسبيدتي والله

خخخخخخخخخخخخخخخخخخخخخخخخخ خخخخ

اجل قعدتو تبتسون

هع هع

والله يا انتي رهيييبه يابنت

أجل اوووخص احيا وحركاااات

اوووخصصص

والله القهر انه طلعت حامل

ولا انتسان تسد راحت وطي البنيه

خخخخخخخخخخخخخخخخخخخخخخخخخ خخخخ

يسسسسسسسسسسسسسسسسسسسسسسسس سسسسسسسسسسسسلموووووووو على الموضوووع الروووووعه

<<<جنوبه راااحن وطيييي
مشاعر حالمه
10-10-2005, 02:57 PM
ههههههههههههههههههههههههه ههههههههههههههههههههههههه هههههههههههههههههههههه


والله انتس صادقه بس باقولتس شي البنت ماتظهر من بيت ابوها الا ثلاث مشاوير وانتي خابرتها <<=== اما ثلاث مشاوير

هذا زمن أول اقول عيني خير بس خخخخخخخ


تسلمييييييييييييين على القصه الررررررررررررررررروعه .


تحيتي لتس / مشااعر حالمه
أحلى البنات
10-10-2005, 03:15 PM
ههههههههههههههههههه
ههههههههههههههههه
ههههههههههههه
هههههههههههه


المهم قلت: بنجيتس العصر ونرجع المغرب عيت الا تعشون عندي قلت: طيب وين انتم فيه
قالت: بالدسمه
قلت: هي بعيده عن الدوادمي..قالت: لااااااابد قريبه<<<<<<تلعب علي هي وجهها
المهم انا لعبت على ابوي قلت بروح لوحده من صديقاتي وهي هنا عندنا بالحاره قريبه


اووووف منك
لمشاعر
المشاعر
11-10-2005, 01:40 AM
السلام عليكم والرحمه

سعود يالاشهب وش ذا الدعاوي؟؟

هذا بدل ماتقول بسم الله عليكم حمدالله على السلامه

قاعد مغير تدعي علينا


ان شاءالله يوم من الايام تطلع البر وتغرز سيارتك بين الف ذيب

عاد اتخيل انك جاي تقول لنا قصتك وانت في وسط بطن الذيب ههههههههههه هو يكتب وانت تغششه ههههههههههههه<<<<<<<<< تشوف افلام كرتون واجد معليش لاتشرهون عليها

حياك الله اخوي سعود
انور الموضوع
المشاعر
11-10-2005, 06:24 PM
السلام عليكم والرحمه

حياتس الله اخيتي جلانار

ايه شفتي انا ام الكشخات ام الاحيا والحركتات :biggrin:

وش اوووووخص هذي ههههههههههه خابرتها اخس

ههههههههههههههههههههههههه هههههههههههههههههههه

ابتس لو ماطلعت حامل انتسان خليتها مقبلات لعشاهم هههههههههه

تسلمين جلانار على طلتس..انور الموضوع
المملوووحة
11-10-2005, 10:17 PM
ههههههههههههههههههههه

ياخرااااااااااااااااااشي انا

اقول مره ثانيه تواعدو بالسوق والا بكوفي شوب وتخخخخخخخخب :11mmer3:

اما مشاوير وخطوط لالاااا

بس وش صار على البنت اعرست ولا كملت دراسه<<< بوادي ثاني :11unce:

:

,,المملووووووووووووووووووو وووحه,,
المشاعر
12-10-2005, 04:42 AM
السلام عليكم والرحمه

حياتس لله اخيتي مشاعر حالمه

وشهي هالثلاث المشاوير انا اعرف المشاوير اللي مالها نهاية :biggrin:

الله يسلمتس..الرااااااااااااااا اائع مرورتس
المشاعر
12-10-2005, 10:52 PM
السلام عليكم والرحمه

حياتس الله اخيتي احلا البنات

احس انتس مرتاعه من اللي اقتبستيه :biggrin:

معليش تعيشين وترتاعين اكثر

نورتي الموضوع ياقلبو
المشاعر
12-10-2005, 11:03 PM
السلام عليكم والرحمه

حياتس الله اخيتي وه ياملحي

انتي تقولينه صادقه كوفي شوب بالدوادمي

اخاف قصدتس انتواعد بقرب براحه :biggrin:

لا البنت اعرست وعيلت :كلوش:

تسلمين ياقلبو على حضورتس
اسيـل
12-10-2005, 11:40 PM
ههههههههههههههههههههههههه هههههههههه
ههههههههههههههههههههههههه ههههههه
ههههههههههههههههههههههه

<< ميته ضحك

الله يرج عدوينك يالمشاعر

وياهلأ فيكي
المشاعر
13-10-2005, 03:22 AM
السلام عليكم والرحمه

حياتس الله اخيتي اسيل

عساه دوم هالضحكة

مرجوجين خلقه هههههههههه :biggrin:

تسلمين يالغلا على حضورتس
أمل عبدالعزيز
13-10-2005, 05:23 AM
والله يامشاعر ولهنا على سواليفك العسل

ياااه منك بس


تهبلين وربي يارعية البرَّااان

أجل بالحارة خويتس؟

وطلعت بالبررررر

ههههههههههههههههههههههه

والله متخيلة شكلك وأنت خايفة ومبققة عيونك


بصراحة موقف خطير


زين ماجاكم السعلوو

وكلاكم ههههههههههههههههههههه

كلاكيت/


لصرتي تبين تزورين صديقتس وهي نصابة مثل عموش


فماعليكِ سوى مواعدتها على الخط السريع

تجيب القهوة

تشربونها سفري

وكل واحد يشيل قشه ويضف خشته

مالوم أبوها يوم زوجها وريح العالم منها:هاها:

مشاعر لاتبخلين علينا بمثل كلامك العسل
المشاعر
14-10-2005, 04:23 AM
السلام عليكم والرحمه

حياتس الله اخيتي امل

تسلمين ياقلبوو

هي قايلتن لي اببببببببد انا ورا لمبات الخط احسبني لاتعديت لمبات الدوادمي بلقاهم اثر السالفة فيها مسافات وبران بس الحمدالله ربي ستر

مير وش معنى (كلاكيت)؟؟!!!؟؟

وش قهوته الله يهديتس ذي اقوالها بنجيتس العصر ونروح المغرب تقول لا العشاء

بس خلاص الدنيا تجارب عرفت لهم انا
المعرسه هي اللي تجيني

ايه والله ماينلام ابوها خخخخخخخخخخخخ

تسلمين ياقلبو على حضورتس
جواهر عبدالله
14-10-2005, 06:09 AM
المشاعر

ترى الدوادمي تطورت

شوارعها بالذات اللي كلها حفر وتطيح السيارة بكبرها فيها تغيرت

وصار عندهم مطار

ويدرسون إنهم يحطون فيها قطار

أما الدسمة شي بصراحة

تقولين ضعتوا ؟

الله يستر منكم داجات بقووووة

أجل لو خويتكـ بالجمش ؟!!

كان للحين يدورونكم !!

عاد عمليات الإنقاذ بالدوادمي .. جاهزة وبكل وقت

بس دقي .. يوصلونكـ قبل تسكرين الخط !!

تحياتي يالمشاعر

أسجل إعجابي بقلمكـ .
المشاعر
14-10-2005, 06:36 AM
السلام عليكم والرحمه

هلااااااااااااااااااااااا اااااااااااااااا بجواهر

من انتي يادبيه<<<<<<<<<<<<صادتس

اجل انتي من ربعنا :biggrin:

ادري يالغلا ان الدوادمي تطورت زرتها الاجازه اللي راحت والله صارت شي

بس هذي سالفتي قبل اربع سنين ولا انا الحين بالرياض معد نيب بالدوادمي

بس لاتقولين حطوا كوفي شوب ماتوقع :biggrin:

يابنت الحلال لو البنت طايعتنا وجاينها العصر انتسان مارتعنا
بس اللي خرعنا الليل
لانا نمشي بشويش نخاف اللوحه تفوتنا ماشفناها
ياحبيلنا بس :نيني:

اما الانقاذ ايه بالحيل :11azy:

تسلمين يالغلا نورتي الصفحة ايه بالله نورتيها
جواهر عبدالله
14-10-2005, 07:07 AM
كوفي شوب ؟!!

الله يصلحكـ

هذا سؤال تسألينه ؟!!

وتقولين أدري عن تطورات الدوادمي

الكوفي شوب موجود قبل ما أنولد وش فيكـ ؟

تعالي .. تعالي

لازمكـ زيارة جديدة

خلينا نتقابل بالملاهي النسائية بعد العيد

ولا تقولين حطوا ملاهي ؟!!

إيه تطورت منفوحة

ملاهي نسائية على كيف كيفكـ

وأحلى ما فيها إنكـ ما تعرفين أحد

كلهم مغاتير !!
المشاعر
14-10-2005, 09:18 AM
ابتس انتي اللي وش تقولين هههههههههههه

داورد من خبرتاها وهي السوق القديم والسوق الجديد والمحلات رز ولحوم ولاشاورما وماشاورما وبقالات

بس الحين يقولون من عقبي صارت شيء
يقولون صار فيها اسكريم كون زون فديتهم هم وكونزونهم :biggrin:
ههههههههههههههههههههههههه ههههههه الله يذكره بالخير اسكريم المخروطي المثلث ابو بسكوت

حركتات

الا يالغلا زرتها بس مافريت عليها مغير عشان عرس بنت خالتي ومن بكره ورجعت لرياض

بس شفت شوارعها زينه معد هيب زي اول
جواهر عبدالله
14-10-2005, 01:54 PM
داورد من خبرتاها وهي السوق القديم والسوق الجديد والمحلات رز ولحوم ولاشاورما وماشاورما وبقالات

أجل ما دريتي عن الكودو ؟

بعذركـ

ما أحد يدري عنه إلا إذا طلب عشاه ساندوتشات .. وقال وش عندكم ؟

المشاعر

لازم تزورين داورد زيارة خاصة عشان تطّلعين على آخر التطورات .
القلب الجريح
14-10-2005, 04:03 PM
قلت: هي بعيده عن الدوادمي..قالت: لااااااابد قريبه<<<<<<تلعب علي هي وجهها
المهم انا لعبت على ابوي قلت بروح لوحده من صديقاتي وهي هنا عندنا بالحاره قريبه
ههههههههههههههههههههههههه ههه

مشكووووووووووووووورة المشاعرررر على هيك مواقف

دمتم بخير
al3nood
15-10-2005, 07:37 AM
:::::::::: المشاااااعر ::::::::::

ههههههههههههههههههههههههه ههههههههههههههههههههههههه هههههههه
ههههههههههههههههههههههههه هههههههههههههههههه
ههههههههههههههه انتي وووعميش:biggrin:

تدرين ذكرتيني بأغنيـه كانت تطلع على قناااااه فضااائيه بس وقفوووا بثهااااا:تصفير: خخخخخخخ
تقول الأغنيه ،، أناااا ويااااااتس ياااعمشووو <<<< خخخخخخ ركزي على عمشوو
تحت النخــله قعدناااااا جانا الشيـــخ ووو ( ...كح كح....) هههههههه كله منتس ياعمشوووو كله منتس ياعمشوووو

عمشااااا اليوم زعلاااانه تابا حليّب نااااقه ... والنااااقه ... هههههههههههههه بس بس هذا اللي حافظته ههههههههههه
الله يرررررجتس رج الأوادم للفيمتووووو <<<:biggrin: تماشياً مع رمضان خخخخ

سلااااااامي
:11umbup:
فهد المهوس
15-10-2005, 08:35 AM
لعنبوا حيتس عمشا صارت مثل سالفه اللي ينطبح بالمطر يقول هاه جاك مويه يقول اصبر شوي ماغرقت

خخخخخخخخخخخخخخخ

احححححح بس لو انكم ضايعين خخخخخخ

المشاعر انا غاسلن كراعيني منتس الله يصلحتس

موضوع مهبول زيتس

ههههههههه
المشاعر
15-10-2005, 08:51 AM
السلام عليكم والرحمه

هلابتس اخيتي جواهر

ان شاءالله بنروح انتعيد اهناك

يسلمووو ياقلبو
المشاعر
16-10-2005, 06:07 AM
السلام عليكم والرحمه

حياك الله اخوي القلب الجريح

دوم هالضحكه
تسلم على مرورك
المشاعر
16-10-2005, 06:13 AM
السلام عليكم والرحمه


:::::::::: العنود ::::::::::<<<<<<<<< ماتقلد احد ابد


عنود وش هالقنات اللي سارقتن اغنيتي :ranting2: <<<<<<<<<< فضيحه

((والناقه وجعانه)) نسيتيها :biggrin:

وش السواة بعمشوووو<<<<<<<<<<<< استانست قامت تكمل

عاد انا ماحب الفمتو :11azy:
خليه رج ترمس الشاهي احسن<<<<<<<< ترج الترمس عشان يذوب السكر :biggrin:

نووووووووووووووووووووووور تي الصفحة يابعدي :اموه:
تسلمين
المشاعر
16-10-2005, 06:19 AM
السلام عليكم والرحمه

ينطبح بالمطر يقول هاه جاك مويه يقول اصبر شوي ماغرقت ؟؟؟؟؟؟؟؟

هاه مافهمت؟(وجه مفهي)

وراه منبطح بالمطر وش السالفه :11azy:

ترى مافهمت :11istling

وش نضيع؟جانا سعود الثاني يالاشهب انت وياها
بسم الله علينا :icon_cry:

ههههههههههههههههههههههههه هه انت غاسلن كراعينك عشان تنظف انا وش دخلني بالسالفة

انا مهبوله..شكراً :ranting2:

تسلم اخوي مهاجر نورت الصفحة